4. Mose 3:8 - O Debleskro Drom 2021 (Sinte)

⁸ Un jon hunte denn jak ap o tselo koowa an o Debleskro kheer. Un jaake krenn jon koi budi, hoi i tsele Israelitarja hunte krans mange.

O Debleskro Lab 2024 (Sinte-Manouche)

⁸ Oun yon hounte denn yak ap o tselo koova an o Debleskro kheer. Oun yaake krenn yon koy boudi, hoy i tsele Israelitarya hounte krans mange.

4. Mose 3:8 ပူးပေါင်းရင်းမြစ်များ

1. Familjakro liil 23:27

I tsiro pal kowa, glan peskro merepen, penas o David, te wenn kol Levitarja pre tchinlo an i liil, kai hi biish bersh un phureder.

2. Familjakro liil 29:11

Tumer, kai han har mire tchawe, ma nashrenn kek tsiro! Djan ap tumari budi! Tumer han kolla, kai o baro Dewel wi-rodas, te wenn glan leste tardo un budrenn leske un anenn leske viechen un sungepaskro koowa.”

Jesaja 52:11

Djan win! Djan win! Djan kotar win, un taprenn tchi an, hoi pale-tchiddo hi! Tumer rashaja, kai hidjrenn o baro Debleskro koowa, djan dran Babilonia win, un thowenn tumen jaake har glan tchinlo hi, te han djudjo glan o Debleste!

4. Mose 10:17

Palle kran jon o Debleskro plachteno kheer tele. Un kol menshe dran i familje Gershon un Merari djan un hidjran ko plachteno kheer.

4. Mose 10:21

Pal lende djan kol Kohatarja, un hidjran ko koowa o Debleskro plachteno khereske. Kau kheer hunte was pale pre-tchiddo, bis te kol Kohatarja pal wan.

4. Mose 3:7

Jon budrenna leske un i tsele Israelenge glan o Debleskro kheer, un hakeno lendar krell koi budi pash o Debleskro kheer, hoi leste dino well.

4. Mose 3:9

Un tu aness kol Levitarjen pash o Aron un leskre tchawende. Kowa hi jaake, har te anans len i Israelitarja pash lende, te krans le kolengri budi.

4. Mose 31:30

Kol wawar Israelitarja hunte denn ninna tchomone o Debleske. Lendar less tu jek menshes hake paash-shelendar un jek viecho hake paash-shelendar, i grumjendar, i bakrendar, fun i burike, un i tsele wawar viechendar, un hunte dess len kol Levitarjen, kai krenn pengri budi ap o Debleskro kheer.”

4. Mose 4:15

Ap ko tsiro, kai djan i Israelitarja dureder, hunte krenn o Aron un leskre tchawe kawa halauter un hunte tchakrenn kol tsele kotja o Debleskro plachteno khereske un halauter, hoi koi pashel hi. Pal kowa wenn kol Kohatarja un hidjrenn kowa. Kaja hi lengre budi. Jon taprenn kokres kol plachte an, hoi trul ko tselo koowa tchiddo hi, un gar ko Debleskro koowa, te merenn jon gar.

4. Mose 4:28

Kaja hi koi budi, hoi krenna i Gershonarja ap o Debleskro kheer. Un o Itamar, ko tchawo o rashajestar Aron hi o pralstuno pral lende.

4. Mose 4:33

Kaja hi koi budi, hoi i Merarja hunte krenna ap o Debleskro kheer. Un o Itamar, ko tchawo o rashajestar Aron, hi o pralstuno pral lende.