4. Mose 3:7 - O Debleskro Drom 2021 (Sinte)

⁷ Jon budrenna leske un i tsele Israelenge glan o Debleskro kheer, un hakeno lendar krell koi budi pash o Debleskro kheer, hoi leste dino well.

O Debleskro Lab 2024 (Sinte-Manouche)

⁷ Yon boudrenna leske oun i tsele Israelenge glan o Debleskro kheer, oun hakeno lendar krell koy boudi pash o Debleskro kheer, hoy leste dino vell.

4. Mose 3:7 ပူးပေါင်းရင်းမြစ်များ

1. Familjakro liil 26:20

Wawar Levitarja dan jak ap o brawlepen an o Debleskro kheer un ko kutch koowa, hoi i menshe o Debleske dan.

1. Familjakro liil 26:22

Leskre tchawe, o Setam un o Joel, dan jak ap o brawlepen an o baro Debleskro kheer.

1. Familjakro liil 26:26

Kau mursh Shelomit un leskre phrala his i pralstune pral o kutch koowa, hoi o Debleske dino was. Kau koowa anan o baro rai David un i pralstune pral i familjende, ninna i pralstune pral i lurdende, kolla pral jek sero lurdende un kolla pral jek shelende un wawar bare lurde.

3. Mose 8:35

Efta diwessa un ratsja hunte atchenn tumer glan o wudar o baro Debleskro plachteno kherestar. Krenn, hoi job penas, te merenn gar! Jaake penas lo kowa mange.

4. Mose 1:50

Tu dess len gole, te budrenn jon an o Debleskro plachteno kheer, kai o Debleskre deesh laba dren hi, un ap halauter, hoi an kau kheer hi. Jon hunte hidjrenn o Debleskro kheer un halauter, hoi koi dren hi, un denn garda ap halauter, un tchiwenn pengre plachtene khera trul o Debleskro kheer.

4. Mose 1:53

Kol Levitarja hunte tchiwenn pengre plachtene khera trul o Debleskro plachteno kheer, kai o Debleskre deesh laba dren hi, te denn le garda, te well kek pash o kheer, jaake te well gar miri choli pral i Israelitarja.

4. Mose 3:32

O rai pral i tsele pralstunende mank i Levitarja well o Eleasar, ko tchawo o rashajestar Aron, te dell job jak ap kolende, kai budrenn an o Debleskro kheer.

4. Mose 3:8

Un jon hunte denn jak ap o tselo koowa an o Debleskro kheer. Un jaake krenn jon koi budi, hoi i tsele Israelitarja hunte krans mange.

4. Mose 31:30

Kol wawar Israelitarja hunte denn ninna tchomone o Debleske. Lendar less tu jek menshes hake paash-shelendar un jek viecho hake paash-shelendar, i grumjendar, i bakrendar, fun i burike, un i tsele wawar viechendar, un hunte dess len kol Levitarjen, kai krenn pengri budi ap o Debleskro kheer.”

4. Mose 8:15

Pal kowa nai djan jon koi, te krenn le pengri budi an o Debleskro kheer. I Israelitarja dan len mande. Doleske hunte kress len djudjo mange un aness len glan mande. Kolen lom mange un gar i wawar mursh tchawen an Israel, kai hi i phureder tchawe pengre dajendar.