4. Mose 3:40 - O Debleskro Drom 2021 (Sinte)

⁴⁰ Un o baro Dewel penas ap o Moseste: “Hatse win har bud mursha mank i Israelitarja hi, kai hi i phureder tchawe pengre dajendar. Tchin i laba kolendar an i liil, kai hi jek tchon un phureder.

O Debleskro Lab 2024 (Sinte-Manouche)

⁴⁰ Oun o baro Devel penas ap o Moseste: “Hatse vin har boud morsha mank i Israelitarya hi, kay hi i phoureder čave pengre dayendar. Čin i laba kolendar an i liil, kay hi yek čon oun phoureder.

4. Mose 3:40 ပူးပေါင်းရင်းမြစ်များ

Debleskri gili 87:6

An o liil, kai i menshe dran hake themma dren tchinlo wenn, tchinell o baro Dewel pal hako lab: ‘Kawa hi kate khere.’

Jesaja 4:3

Un kolla, kai djides atchan an Jerusalem, un pral atchan ap i berga Zion, kolla wenn kharedo ‘Debleskre menshe’. Lengre laba hi tchinlo an o liil, kai kolla o djipaske an o foro Jerusalem dren tchinlo hi.

4. Mose 3:12

“Djiness, me rodom kol Levitarjen win dran kol Israelitarja, te wenn jon mire. Ap ko diwes, har marom i tsele phureder mursh tchawen an o them Egiptia, tchiwom i tsele phureder mursh tchawen an o Israel mange ap i rig, te wenn jon mire: kolla, kai i menshestar bolde wan har ninna kolla, kai i viechestar bolde wan. I tsele phureder mursh tchawe hi mange, o baro Debleske. Kanna lau gar kolen, kanna lau i Levitarja mange.”

4. Mose 3:15

“Tchin i laba kol murshendar dran o kheer Levi an i liil! Tchin ninna pre dran hawi familja jon wenna un koon lengro dad hi! Tchin kolen pre, kai hi jek tchon phuro un phureder!”

4. Mose 3:41

Hako phureder mursh tchawo mank i Israelitarja hi miro. Me hom o baro Dewel. Hako phureder mursh tchaweske dess tu mande jek Levitari. Ninna hako phureder mursh viecho, hoi i Israelitarjen hi, hi miro. Hakeneske lendar dess tu mande jek viecho, hoi i Levitares hi.”

4. Mose 3:45

“Hako phureder mursh tchaweske mank i Israelitarja le i Levitari, te well lo mange, o baro Debleske! Un le kol viechen, hoi i Levitarjen hi, un gar kolen, hoi i Israelitarjen hi!

Louka 10:20

Awenn gar bachtelo, te shunenn i benga ap tumende! Awenn bachtelo, kai tumaro lab an o bolepen dren tchinlo hi!”

Filiparja 4:3

Me mangau ninna tut, miro latcho males, ab lenge ap i rig! Har sikrom i menshenge o Jesuseskro drom, budran le khetne mantsa un o phraleha, o Klemens, un kol wawarentsa, kolengre laba hi tchinlo an o Debleskro liil, kai halauter dren tchinlo hi, kai lenn o Debleskro djipen.

2. Timoteo 2:19

Ninna te hi sawe menshe koi, kai rakrenn chochepen, djinah mer: Kowa, hoi o Dewel kras, nashte krell kek paash. Kowa hi har i bar, hoi soreles tardo hi. Kek nai witsrell les trujel. Ap leste hi tchinlo: O rai prindjrella kolen, kai leskre hi. Un ninna hi tchinlo: Koon o rajes an-mangella, hunte mukell o tchilatcho drom.

Hebrearja 12:23

Kote wenna o Debleskre tchawe khetne. Lengre laba hi an o bolepen pre tchinlo. Kote hi o Dewel, kai rakrell o tchatchepen win pral i tsele menshende. Kote hi ninna kol tsele patsle, kai meran un kolen o Dewel pash peste las.

Debleskro tsiro 14:4

Kolengro djipen hi djudjo. An kek tsireske wan le khetne i djuwjah. Un jon djan o terno bakreske palla, kai job ninna djala. Dran i menshende ap kai phub las job len khetne peske un o Debleske.

Debleskro tsiro 3:5

Kowa, kai soreles an o patsepen atchas, un gar pre das, kowa lella parne ripja. Un leskro lab lau me gar win dran o liil, kai i djide dren tchinlo hi. Ninna penau glan miro dadeste un glan leskre bolepangre, kai job hi miro.