4. Mose 3:25 - O Debleskro Drom 2021 (Sinte)

²⁵ Lengri budi pash o Debleskro kheer hi, te denn le garda ap kowa, hoi win ap o kheer hi: kol plachte, hoi tchakrenn o kheer, koi plachta an o khereskro wudar,

O Debleskro Lab 2024 (Sinte-Manouche)

²⁵ Lengri boudi pash o Debleskro kheer hi, te denn le garda ap kova, hoy vin ap o kheer hi: kol plarhte, hoy čakrenn o kheer, koy plarhta an o khereskro voudar,

4. Mose 3:25 ပူးပေါင်းရင်းမြစ်များ

1. Familjakro liil 23:32

Jaake hunte krenn jon pengri budi an o baro Debleskro plachteno kheer, un pal i tsiro an leskro baro kheer, hoi kerdo well, un hunte wenn i rashajenge ap i rig pash lengri budi an o baro Debleskro kheer. I rashaja hi lengre phrala dran o kheer Aron.

2. Familjakro liil 31:2

Un o Hiskija tchiwas i rashajen un i Levitarjen jaake khetne, har hunte budrenn le, hakenes an peskri budi. I rashaja hunte anan kol viechen o Debleske, hoi wan tseles chatchedo un kolen, hoi chan le khetne. I Levitarja wan lenge ap i rig, un sharan o baro Debles bashepah un gipah an i wudja ko kherestar, kai o baro Dewel djiwell.

2. Mose 25:9

Jaake har me les tut kanna sikrau, jaake krenn tumer o kheer, ninna ko tselo koowa, koleha budrenn le an miro kheer. Krenn lauter jaake, har me les tut sikrau.

2. Mose 40:19

Un koi pral tchiwas lo kol dui ledertikre plachte, hoi tchakrenn o kheer. Lauter kras lo jaake har o baro Dewel leske penas.

2. Mose 40:28

An o khereskro wudar pandas lo koi bari plachta.

4. Mose 1:50

Tu dess len gole, te budrenn jon an o Debleskro plachteno kheer, kai o Debleskre deesh laba dren hi, un ap halauter, hoi an kau kheer hi. Jon hunte hidjrenn o Debleskro kheer un halauter, hoi koi dren hi, un denn garda ap halauter, un tchiwenn pengre plachtene khera trul o Debleskro kheer.

4. Mose 10:17

Palle kran jon o Debleskro plachteno kheer tele. Un kol menshe dran i familje Gershon un Merari djan un hidjran ko plachteno kheer.

4. Mose 3:24

Un lengro pralstuno hi o Eljasaf, leskro dad hi o Lael.

4. Mose 3:7

Jon budrenna leske un i tsele Israelenge glan o Debleskro kheer, un hakeno lendar krell koi budi pash o Debleskro kheer, hoi leste dino well.

4. Mose 7:7

Dui wurdja un star grumja das job kolen, kai wan pal o Gershon, te nai hidjrenn le pengre kotja.

Markus 13:34

Kowa hi jaake har pash i mursheste, kai djas ap o them. Job mukas peskro kheer un das peskre budepangren lauter an o wast, hakeneste das lo leskri budi. Un penas ap koleste, kai pash o wudar beshdo hi: De garda ap miro kheer! Ma sob!

Kolossarja 4:17

Penenn ap o Archippo: Kre koi budi, hoi o rai Jesus tut das! Muk gar tele!

1. Timoteo 1:18

Miro tchawo Timoteo, kowa penau tuke, te rikress tu kowa an tiro dji. Ma biste kol laba, hoi glan i tsiro pral tute glan-wi penlo wan! Kolla laba denn tut i soor, te mukess gar tele te krell o Debleskri budi, jaake har i latcho kurepaskro gar pre dell an o kurepen.