4. Mose 3:10 - O Debleskro Drom 2021 (Sinte)

¹⁰ Ap o Aroneste un ap leskre tchawende hunte peness tu, te denn jon jak, te krell kek wawar lengre rashajeskri budi. Te well i wawar, te krell lo kai budi, hunte merell job.”

O Debleskro Lab 2024 (Sinte-Manouche)

¹⁰ Ap o Aroneste oun ap leskre čavende hounte peness tou, te denn yon yak, te krell kek vavar lengre rashayeskri boudi. Te vell i vavar, te krell lo kay boudi, hounte merell yob.”

4. Mose 3:10 ပူးပေါင်းရင်းမြစ်များ

2. Samuel 6:7

Kowa hunte krals lo gar. Job hunte tapras gar i Debleskro koowa an. Koi was o baro Debleskri choli pral o Usa. Un o Dewel maras les koi. Un job meras koi pash o Debleskro mochton.

1. Rajengro liil 12:31

O Jerobeam kras ninna mulne platse ap o pralstuno them, kai i mule debla an-mangedo wenn, un rodas rashajen win, kai gar Levitarja his.

1. Familjakro liil 6:32

koleskro dad his o Machli, koleskro dad his o Mushi, koleskro dad his o Merari, koleskro dad his o Levi.

Nehemia 6:11

Me penom: “I mursh, har me hom, nashell gar krik. Patseh, te djoms an o Debleskro kheer, te atchap djido? Me djau gar dren!”

2. Mose 29:9

Palle tchip lenge o pereskro pandepen trujel un tchip i rashajengre stadja ap lengre shere, te wenn le mange rashaja hako tsireske. Un jaake aneh tu len an lengri budi:

Ezekiel 44:8

Tumer kokres kran gar koi budi an miro kheer. Na-a, tumer lan wawar murshen, te krenn le tumenge koi budi an miro kheer.

3. Mose 22:10

Kek wawar chal fun ko chapen, hoi mange anlo well, witar gar kowa, kai jek tsiro pash o rashajeste djiwell, oder kowa, kai i diwes pash o rashajeste budrell un lestar plaissedo well.

4. Mose 1:51

Un te djan tumer dureder, tchiwenn kol Levitarja o Debleskro plachteno kheer khetne. Un te tchiwenn tumer tumare plachtene khera pre, palle tchiwenn i Levitarja o Debleskro kheer pale pre. Hako wawar, kai well pash o kheer, hunte merella.

4. Mose 16:10

Job mukas tut, o Korach, un tire tsele phralen, kol Levitarja, pash leste te well. Un tumer kamenn kanna ninna rashai te well!

4. Mose 16:35

Un o baro Dewel bitchras jag, kai chas kol 250 (dui-sheel-te-paash-sheel) murshen pre, kai anan ko sungepaskro koowa o Debleske.

4. Mose 18:3

Un kol wawar Levitarja hunte budrenn tuke, un krenn koi budi ap o tselo Debleskro kheer. O Debleskri chatchepaskri un ko tselo Debleskro koowa, koleha budreh tu an o Debleskro kheer, kowa taprenn le gar an, te merenn jon gar, un tumer lentsa.

4. Mose 18:7

Tu un tire tchawe, tumer han mire rashaja, te krenn tumari budi pash o Debleskri chatchepaskri un dren an o kutch isema, hoi pal o wudar dran o kutch kotar than hi. Kai budi dom me tumen. Te well jek wawar pash o Debleskro koowa, hoi koi dren hi, hunte merell lo.

4. Mose 3:11

Un o baro Dewel penas ap o Moseste:

4. Mose 3:38

Glan o Debleskro kheer, ap koi rig, kai o kham pre djala, hunte well koi platsa o Moseske un o Aroneske peskre tchawentsa, te denn jon garda, te well o Debleskri budi mishto kerdo i tsele Israelenge. Un te well i wawar pash o Debleskro kheer, te krell lo kai budi, hunte merell lo.

Remarja 12:7

Wawar patsle haiwenn, har te wenn le nai i wawarenge koi. Koi budi hunte krenn le. Wawar haiwenn i menshenge o Debleskro drom te sikrell. Kolla hunte krenn kowa ninna.

Efesarja 2:19

Kanna han tumer buder gar sawe menshe, kai win hi un o Debles gar prindjrenna. Na-a, khetne kol wawar patslentsa han tumer kanna o Debleskre menshe un han khere pash leste.

5. Mose 18:5

Tumaro baro Dewel rodas peske o kheer Levi win dran i tsele Israelitarjen, te wenn i mursha dran o kheer Levi leskre rashaja hako tsireske.

Hebrearja 8:4

Kate ap kai phub wals lo kek rashai. Ap i phub hi kol rashaja, kai anenn o Debleske latcho koowa jaake, har an o Moseskre lila tchinlo hi.

Čačepangre 17:5

Ko murshes Micha his i debleskro kheer peske un peskri familjake. Un job kras i rashajeskri damdira un khereskre debla, un rodas jek peskre tchawendar win, te well lo leskro rashai.

1. Samuel 6:19

An o foro Bet-Shemesh his menshe, kai dikan an o mochton, kai o Debleskre deesh laba dren hi. Un o baro Dewel maras lendar efta-deesh (70) murshen. Un i tsele menshe rowan, te das len o baro Dewel jaake phares.