4. Mose 28:7 - O Debleskro Drom 2021 (Sinte)

⁷ Koi pashel well jek litari mool win tchoredo o baro Debleske an leskro kheer.

O Debleskro Lab 2024 (Sinte-Manouche)

⁷ Koy pashel vell yek litari mool vin čoredo o baro Debleske an leskro kheer.

4. Mose 28:7 ပူးပေါင်းရင်းမြစ်များ

2. Mose 29:40

Le ninna i khoro latcho jarro un jek litari olivtikro djet, un tchore o djet an o jarro, un kre les khetne, un tchip kowa pash ko bakro pashel! Un le jek litari mool un tchore les win glan o Debleste!

2. Mose 29:42

An o tsiro, hoi wella, krenn jaake, tumer un tumare tchawe, hoi pal tumende wenna! Un denn man hako diwes taissarlakro un rati i bakro! Kowa chatchrenn glan mande pash o wudar glan o Debleskro plachteno kheer! Un kote wau pash tumende un rakrau tuha.

2. Mose 30:9

Tumer chatchrenn tchi ap kau bob, hoi o Dewel tumenge gar penas, witar kek viecho un kek chapen dran jarro. Un kek mool well ap leste win tchoredo.

Jesaja 57:6

Un ap kol latche platse an i tala tchorenn tumer lenge chapen un pipen win. Doleske well ko diwes, kai wenn kote maredo tchiddo! Patsenn tchatchepah, te dau jekes, kai sawo koowa krell, kowa gar pale?

Joel 1:13

Tumer rashaja, kai han tardo pash o Debleskri chatchepaskri, riwenn tumen an gone, un denn gole i bibachtjatar! Ninna ratsjake riwenn ko gono gar win, tumer, kai budrenn miro Debleske! Hi kek djob koi un kek mool, hoi nai anans tumaro Debleske an leskro kheer.

Joel 1:9

Djob un mool hi buder gar koi, hoi nai wals dino o baro Debleste an leskro kheer. I rashajenge hi ropaske. Len hi buder tchi, te anenn le o baro Debleske.

Joel 2:14

Koon djinell, te rikrell lo ninna kau kopo i phagi pale, un mukell djob un drake bares te well, te nai anenn tumer jarro un mool o baro Debleske, kai hi tumaro Dewel.

3. Mose 1:9

I buke un i herja hunte wan thodo. Kowa krell ko mursh, kai anas ko vieches. Un o rashai mukell halauter ap i chatchepaskri pre te chatchrell. Jaake hunte well i viecho anlo glan o Debleste, hoi well leske tseles chatchedo. Un o latcho sungepen, hoi well win, sungell mishto o baro Debleske.

3. Mose 23:13

Koi pashel anenn glan leste dui-te-paash kilogramme latcho jarro, kai djet dren hi. Kau chapen well leske chatchedo. Un ko latcho sungepen, hoi well win, sungella mishto o baro Debleske. Koi pashel anenn jek litari mool, hoi well win tchoredo glan leste.

4. Mose 15:10

Ninna tchoress tu dui litarja mool koi pashel. Te well kowa halauter chatchedo o baro Debleske, djal i sungepen pre, hoi sungella mishto o baro Debleske.

4. Mose 15:5

Anenn ninna mool koi pashel! Pash hako terno bakro, hoi well tseles chatchedo, tchorenn jek litari mool, ninna pash hako terno bakro, hoi chan tumer khetne glan o Debleste.

4. Mose 15:7

Ninna tchoress tu jek-te-paash litarja mool koi pashel. Kowa hi i chapen un i pipen, hoi sungella mishto o baro Debleske.

4. Mose 28:14

Un koi pashel tchorenn mool win o Debleske: dui litarja pash haki terni mursh grumni, jek-te-paash litarja pash i mursh bakro, un jek litari pash hako terno bakro. Kawa well chatchedo hako newo tchon.

4. Mose 28:31

Un kowa halauter hunte anenn pash kol vieche un ko jarro un koi mool, hoi well hako diwes o Debleske anlo. Kol vieche, hoi anenn o Debleske, hunte wenn sasto.

4. Mose 28:6

Kowa hi ko chapen, hoi te chatchrenn hako diwes, jaake har anan les o ersto kopo pash koi berga Sinai. Un o latcho sungepen, hoi pre djal, te well kowa halauter chatchedo an i jag, sungell mishto o baro Debleske.

4. Mose 28:8

Ap i rati aness ko wawar terno bakro! Koi pashel o chapen un i mool har taissarlakro. Un o latcho sungepen, hoi pre djal, te well kowa halauter chatchedo an i jag, sungella mishto o baro Debleske.

Filiparja 2:17

Me anom tumen ap o Debleskro drom. Doleske hom me glan leste tardo har i rashai, kai anell leske tumaro patsepen. Ninna te meroms pash miri budi o Jesus Kristeske, hom me kanna bachtelo tumentsa khetne pral tumaro patsepen.