4. Mose 28:6 - O Debleskro Drom 2021 (Sinte)

⁶ Kowa hi ko chapen, hoi te chatchrenn hako diwes, jaake har anan les o ersto kopo pash koi berga Sinai. Un o latcho sungepen, hoi pre djal, te well kowa halauter chatchedo an i jag, sungell mishto o baro Debleske.

O Debleskro Lab 2024 (Sinte-Manouche)

⁶ Kova hi ko rhapen, hoy te rhačrenn hako dives, yaake har anan les o ersto kopo pash koy berga Sinay. Oun o lačo soungepen, hoy pre djal, te vell kova halauter rhačedo an i yag, soungell mishto o baro Debleske.

4. Mose 28:6 ပူးပေါင်းရင်းမြစ်များ

2. Familjakro liil 2:4

Un ko kheer, hoi me kamau te krell, hunte well baro; maro Dewel hi bareder har hako wawar dewel.

2. Familjakro liil 31:3

Un o baro rai das peskre viechendar, te wenn le chatchedo o Debleske, jaake har tchinlo hi an i lila o baro Deblestar: haki taissarla un haki rati, ninna ap o Debleskro diwes, un ap o diwes, kai well o newo tchon diklo, un ap kol bare diwessa.

Esra 3:4

Un jon rikran kol bare diwessa, kai djiwenn i Israelitarja an patjengre khera, jaake har tele tchinlo was, un chatchran jaake bud viechen o Debleske kol tsele efta diwessa, har hako diweske glan tchinlo his.

Debleskri gili 50:8

Tchingrau gar, te anals tu mange kek viechen. Kol viechen, hoi tu mange chatchral, hi hako diwes glan mire jaka.

2. Mose 24:18

O Mose djas mashkral dren an koi wolka, un djas dureder pre ap i berga, un atchas star-deesh diwessa un star-deesh ratsja pral ap koi berga.

2. Mose 31:18

Un har o baro Dewel kowa lauter ap o Mose rakras ap i berga Sinai, das job les i dui barra, kai o Debleskre deesh laba dren tchinlo hi. O Dewel tchinas len peskro gushteha dren.

Ezekiel 46:14

Un haki tsalla well koi pashel i chapen glan o baro Debleste anlo: dui kilogramme jarro un jek litari latcho djet, hoi ap o jarro tchoredo well. Jaake well kowa kerdo hako tsireske.

Ezekiel 46:15

Haki tsalla, diwes pal diwes, well o bakro, o jarro un o djet o baro Debleske chatchedo.

3. Mose 27:34

Kawa hi kol laba, hoi penas o baro Dewel o Moseske, har his lo ap i berga Sinai, te rikrenn pen i Israelitarja ap lende.

3. Mose 6:9

Ko jarro un ko djet, hoi pral atchell, kowa hi o Aroneske un leskre mursh tchawenge. Te krenn le pengro maro kolestar, hunte tchiwenn le kek shutlo jarro dren. Ap koi platsa glan o Debleskro plachteno kheer hunte chan le les. Kaja hi i Debleskri platsa. Kau chapen dell o baro Dewel lenge kolestar, hoi i menshe leske anan. Kowa hi i Debleskro chapen. Doleske nai chan les kokres i rashaja, jaake har ninna ko mass kol viechendar, hoi wenn maredo, te well i doosh un o pale-tchiddo koowa krik lino, un o mass kol viechendar, hoi wenn maredo, te well i doosh pale mishto.

Amos 5:25

Tumer Israelitarja, har hans an o mulo tato them kol star-deesh bersha, putchom tumendar kek viechen un chapen, hoi hunte chatchrans mange.

4. Mose 28:5

Koi pashel jaake jek kilogrammi latcho jarro, hoi was khetne dino jek litari djeteha.

4. Mose 28:7

Koi pashel well jek litari mool win tchoredo o baro Debleske an leskro kheer.

Filiparja 2:17

Me anom tumen ap o Debleskro drom. Doleske hom me glan leste tardo har i rashai, kai anell leske tumaro patsepen. Ninna te meroms pash miri budi o Jesus Kristeske, hom me kanna bachtelo tumentsa khetne pral tumaro patsepen.