4. Mose 28:3 - O Debleskro Drom 2021 (Sinte)

³ Un pen ap lende: Kalla hi kol vieche, hoi hunte chatchrenn tseles o baro Debleske: hako diwes dui bakre, kai jek bersh phuro un gar nasselo hi.

O Debleskro Lab 2024 (Sinte-Manouche)

³ Oun pen ap lende: Kalla hi kol firhe, hoy hounte rhačrenn tseles o baro Debleske: hako dives douy bakre, kay yek bersh phouro oun gar nasselo hi.

4. Mose 28:3 ပူးပေါင်းရင်းမြစ်များ

1. Familjakro liil 16:40

Jon hunte anan o baro Debleske hako diwes viechen, kai leske tseles chatchedo wenn ap i sasterni chatchepaskri, taissarlakro un ratsjakro. Jaake his glan tchinlo an o Moseskre lila, kai tardo hi, hoi o baro Dewel peskre menshendar Israel kamella.

2. Familjakro liil 8:13

Un kowa was jaake kerdo har tchinlo his an o Moseskre lila. Kote dren hi tardo, hoi hunte well hako diwes chatchedo, ninna ap i Debleskre diwessa, un ap kol diwessa, kai well o newo tchon diklo, un ap kol bare diwessa, kai halauter khetne wenn, triin kope an o bersh: Kolla hi kol diwessa, kai chan le maro, kai kek shutlo jarro dren hi, ninna kol diwessa, kai well o newo djob anlo, un kol diwessa, kai djiwenn i Israelitarja an patjengre khera.

Esra 3:5

Pal ko tsiro anan le hako diwes kol viechen, kai wan taissarlake un ratsjake chatchedo o baro Debleske. Un ninna ap hako newo tchon un ap i wawar bare diwessa anan le viechen o baro Debleske. Un dan ninna kowa, hoi jek pestar kamas te dell o baro Debleste.

Daniel 11:31

Un job bitchrell lurden, kai o Debleskro kheer ap i berga pale-tchiddo krenn, un krenn, te wenn o Debleske buder gar hako diwes vieche anlo. Un jon tchiwenn kote koi djungeli tchilatchi figura pre.

Daniel 12:11

Un ko tsirestar, kai anenn le buder gar hako diwes viechen o Debleske, un kai tchiwenn le koi djungeli tchilatchi figura pre, hi 1.290 (jek-sero-dui-sheel-te-enja-deesh) diwessa.

Daniel 8:11

Awa, ko shing kras pes bareder har ko rai pral i bolepangre lurdende, un kras, te anenn o Debleskre rashaja leske buder gar kol viechen, hoi leske hako diwes anlo hunte wans. Un ninna kras lo o Debleskro kheer pale-tchiddo.

Daniel 8:13

Un me shunom i bolepaskres te rakrell. Un i wawar bolepaskro putchas lestar: “Har rah djal kowa, hoi an kau dikepen diklo was? Har rah well o Debleske buder gar kowa dino, hoi leske hako diwes hunte wals? Un har rah well o Debleskro kheer pale-tchiddo kerdo, un ap i bolepangre lurdende trujel stakedo?”

3. Mose 3:5

Un i rashaja dran o kheer Aron chatchrenn kowa lauter ap o Debleskri chatchepaskri, ap ko kasht, hoi pral i jag hi. Jon chatchrenn kowa khetne ko wawar viecheha, hoi well o Debleske tseles chatchedo. Un o sungepen, hoi well win, sungell mishto o baro Debleske.

3. Mose 6:9

Ko jarro un ko djet, hoi pral atchell, kowa hi o Aroneske un leskre mursh tchawenge. Te krenn le pengro maro kolestar, hunte tchiwenn le kek shutlo jarro dren. Ap koi platsa glan o Debleskro plachteno kheer hunte chan le les. Kaja hi i Debleskri platsa. Kau chapen dell o baro Dewel lenge kolestar, hoi i menshe leske anan. Kowa hi i Debleskro chapen. Doleske nai chan les kokres i rashaja, jaake har ninna ko mass kol viechendar, hoi wenn maredo, te well i doosh un o pale-tchiddo koowa krik lino, un o mass kol viechendar, hoi wenn maredo, te well i doosh pale mishto.

Amos 4:4

Tumer djan pash o Debleskro kheer an o foro Betel, un hadenn tumen pral o Debleste! Tumer djan an o Debleskro kheer an o foro Gilgal, un hadenn tumen ninna budeder pral o Debleste! Krenn dureder jaake: Taissarla marenn viechen o Debleske, un o wawar diwes anenn leske o deshto kotar kolestar, hoi dren anan!

4. Mose 28:10

Kowa well o Debleske hako Debleskro diwes anlo. Koi pashel kowa, hoi well leske hako diwes chatchedo, un koi mool, hoi well leske win tchoredo.

4. Mose 28:15

Koi pashel hunte anenn i mursh busni o baro Debleske, te well tumari doosh krik lino. Kowa halauter well pash kol vieche un ko jarro un koi mool, hoi well hako diwes o Debleske anlo.

4. Mose 28:23

Un kowa halauter hunte anenn pash kowa pashel, hoi hako diwes chatchrenn o Debleske taissarlakro, un pash koi mool, hoi leske win tchorenn. Jaake hunte krenn hako diwes efta diwessa. Un o latcho sungepen, hoi djal pre, te well kowa halauter chatchedo an i jag, sungella mishto o baro Debleske.

4. Mose 28:31

Un kowa halauter hunte anenn pash kol vieche un ko jarro un koi mool, hoi well hako diwes o Debleske anlo. Kol vieche, hoi anenn o Debleske, hunte wenn sasto.

4. Mose 28:4

Jek bakro taissarlakro, ko wawar ap i rati.

4. Mose 29:11

Koi pashel hunte anenn i mursh busni o baro Debleske, te well tumari doosh krik lino. Kowa halauter well pash kowa pashel, hoi denn o Debleste ap ko diwes: i mursh busni i doshake, un kol vieche, hoi wenn leske hako diwes chatchedo, khetne ko chapen dran jarro un koi mool, hoi well leske win tchoredo.

4. Mose 29:16

Koi pashel hunte anenn i mursh busni o baro Debleske, te well tumari doosh krik lino. Pash kowa halauter wenn kol vieche, hoi wenn hako diwes o Debleske chatchedo, khetne ko jarreha un koi moljah, hoi well koi pashel win tchoredo.

4. Mose 29:6

Kowa halauter hunte anenn pash kowa pashel, hoi chatchrenn hako newo tchon un hako diwes o Debleske, kol viechen un ko jarro un koi mool, hoi leske win tchorenn, jaake har glan tchinlo hi. Un o latcho sungepen, hoi djal pre, te well kowa halauter chatchedo an i jag, sungella mishto o baro Debleske.

Johanni 1:29

Ap o wawar diwes dikas o Johanni, kai o Jesus pash leste wella. Un o Johanni penas: “Dikenn, kawa hi o Debleskro bakro, kai lell i menshengri doosh ap peste.

Hebrearja 9:6

Kanna sikrau tumende, hoi an o Debleskro tikno kheer kerdo was. Hako diwes djan i rashaja an i glanstuni isema, te krenn le pengri budi o Debleske.

Debleskro tsiro 13:8

Lauter, hoi ap i phub djiwenna, sharenn ko vieches, – lauter kolla, kolengre laba gar tchinlo hi an o djipaskro liil. Kolla, kai lengre laba dren tchinlo hi an kau liil, hi jaake rah dren tchinlo, har i phub koi hi. Kau liil hi o terno bakres, hoi maredo was.