4. Mose 28:1 - O Debleskro Drom 2021 (Sinte)

¹ Un o baro Dewel rakras o Moseha un penas:

O Debleskro Lab 2024 (Sinte-Manouche)

¹ Oun o baro Devel rakras o Moseha oun penas:

4. Mose 28:1 ပူးပေါင်းရင်းမြစ်များ

1. Familjakro liil 23:31

Ninna hunte wenn le glan o baro Debleste tardo, an kol diwessa, kai marenn i rashaja o baro Debleske viechen, hoi leske tseles chatchedo wenn. Kowa his ap o Debleskro diwes, un ap ko diwes, kai o newo tchon diklo well, un ap i tsele wawar bare diwessa. Hako diwes hunte wenn jaake bud Levitarja glan o baro Debleste, har glan tchinlo hi.

2. Familjakro liil 2:4

Un ko kheer, hoi me kamau te krell, hunte well baro; maro Dewel hi bareder har hako wawar dewel.

2. Familjakro liil 23:18

Un o Jojada das kol rashajen un Levitarjen koi budi, hoi hunte well kerdo an o baro Debleskro kheer. Jon hunte krenn pengri budi jaake har o David penas, un hunte chatchrenn viechen o baro Debleske jaake har tchinlo hi an o Moseskre lila. Ninna hunte sharenn le o baro Debles giljentsa un i bachtelo djijeha. Jaake penas kowa o David.

2. Familjakro liil 31:3

Un o baro rai das peskre viechendar, te wenn le chatchedo o Debleske, jaake har tchinlo hi an i lila o baro Deblestar: haki taissarla un haki rati, ninna ap o Debleskro diwes, un ap o diwes, kai well o newo tchon diklo, un ap kol bare diwessa.

2. Familjakro liil 8:13

Un kowa was jaake kerdo har tchinlo his an o Moseskre lila. Kote dren hi tardo, hoi hunte well hako diwes chatchedo, ninna ap i Debleskre diwessa, un ap kol diwessa, kai well o newo tchon diklo, un ap kol bare diwessa, kai halauter khetne wenn, triin kope an o bersh: Kolla hi kol diwessa, kai chan le maro, kai kek shutlo jarro dren hi, ninna kol diwessa, kai well o newo djob anlo, un kol diwessa, kai djiwenn i Israelitarja an patjengre khera.

Esra 6:9

Denn len ninna hako diwes kol viechen, hoi len hunte well, te anenn le len o bolepaskro Debleske: terne gurma, bakre un terne bakre. Ninna djob, loon, mool un djet denn len jaake bud har penenn tumenge lengre rashaja an o foro Jerusalem. Denn jak, te well kowa lende jaake sik dino, te hunte mangenn le gar.

Nehemia 10:33

Koi budjake an o Debleskro kheer dell hakeno mendar star gramme rup.

Jesaja 1:13

Ma anenn buder kek chapen chatchepaske! Kowa hi tchitcheske. Ma chatchrenn mange buder kek sungepaskro koowa! Man hi o nak doha. Tumer wenn mange khetne ap o newo tchon, ap o Debleskro diwes un ap wawar bare diwessa. Kowa hi mange gar mishto, jaake rah har mukenn tumer gar tumaro djungelo koowa.

Ezekiel 44:24

Te well i tchingepen glan lende anlo, hi jon i tchatchepangre mursha un hunte penenn o tchatchepen win, un hunte djan pal mire tchatchepaskre laba. Un jon hunte krenn, te wenn mire bare diwessa ap o tchatcho tsiro jaake dren rikedo, har me penom, te well kowa kerdo. Ninna denn le jak, te well o Debleskro diwes dren rikedo.

Ezekiel 45:17

O rai hunte dikell koi pre, te wenn i vieche, o djob un i mool anlo glan o baro Debleste an kol bare diwessa, kai wenn i Israelitarja khetne, te sharenn le o Debles, ninna ap ko diwes, kai well o newo tchon diklo, un ap o Debleskro diwes, un ap kol tsele wawar bare diwessa. O rai dell ko djob, koi mool un kol viechen i rashajen, te anenn jon kowa glan o baro Debleste, te well lauter krik lino, hoi mank o Debleste un i Israelitarjen tardo hi. I vieche, hoi maredo wenn, hi sawe, kai wenn tseles chatchedo un sawe, kai wenn maredo, te well i doosh krik lino, un sawe, kai chan i menshe khetne glan o baro Debleste.

Ezekiel 46:11

Un ap kol bare diwessa anell lo 12 (deesh-te-dui) kilogramme jarro ko gurumeske un 12 (deesh-te-dui) kilogramme jarro ko murshkano bakreske, un jaake bud jarro, har kamell lo i terne bakrenge. Un jek khoro djet pash hake 12 kilogramme jarro.

3. Mose 9:15

Pal kowa anas lo glan o baro Debleste kol viechen, hoi i Israelitarja anan. Job maras koi mursh busni, te well i doosh i Israelendar krik lino, un kras kau viecheha jaake, har lo glan kowa koleha kras, hoi lo peskri doshake maras.

4. Mose 27:23

un tchiwas peskre wasta ap leste, un tchiwas les an peskri budi dren, jaake har o baro Dewel leske kowa penas.

4. Mose 28:2

Pen ap i Israelitarja: Tumer hunte denn jak, te anenn an o tchatcho tsiro ko koowa, hoi denn o Debleste, – ko chapen, hoi well leske chatchedo un koleskro sungepen leske shukar sungella.

Galatarja 4:10

Tumer denn jak ap diwessa, tchonna, bersha un bare tsirja un rikrenn len dren.

Kolossarja 2:16

Ma shunenn ap kolende, kai penenn tumenge: “Hi gar mishto, te chan un pijenn tumer kawa te kowa!” Ma shunenn ap lende, te penenn le tumenge, te denn jak ap bare diwessa an o tchon un an o bersh, ninna ap o diwes, kai i bibolde gar budrenna.