4. Mose 27:21 - O Debleskro Drom 2021 (Sinte)

²¹ Un an tsirja, kai djinell lo gar, hoi te krell, hunte well lo glan o rashajeste Eleasar. Kowa hunte putchell mandar un hunte witsrell kol Debleskre barra, te hatsell lo win, hoi me, o baro Dewel, an kau koowa kamau. Jaake te sikrell o Eleasar o Josueske un i tsele Israelenge, hoi te krenn le.”

O Debleskro Lab 2024 (Sinte-Manouche)

²¹ Oun an tsirya, kay djinell lo gar, hoy te krell, hounte vell lo glan o rashayeste Elazar. Kova hounte poučell mandar oun hounte vitsrell kol Debleskre barra, te hatsell lo vin, hoy me, o baro Devel, an kava koova kamau. Yaake te sikrell o Elazar o Yosueske oun i tsele Israelenge, hoy te krenn le.”

4. Mose 27:21 ပူးပေါင်းရင်းမြစ်များ

2. Samuel 21:1

An ko tsiro, kai o David djiwas, was i bari bok pral o them, un i menshen his triin bersh tchi te chal. Un o David putchas o baro Deblestar, hoske kowa jaake hi. Un o baro Dewel penas: “Ap o Saul un ap leskro kheer hi i rateskri doosh tchiddo, doleske, kai o Saul das kol Gibeonarjen mulo.”

Esra 2:63

Un ko moskro penas lenge, te nai chan le gar o chapen, hoi kokres i rashajenge his, jaake rah bis te i rashai was un win hatsas, hoi i barra Momeli un Tchatchepen pral kau koowa penan.

Nehemia 7:65

Un ko moskro penas lenge, te nai chan le gar o chapen, hoi kokres i rashajenge his, jaake rah bis te i rashai was un win hatsas, hoi i barra Momeli un Tchatchepen pral kau koowa penan.

2. Mose 28:30

An ko betcheskri possita tchip kol dui tikne koola, hoi kharenna ‘momeli’ un ‘tchatchepen’, te wenn le ap o dji o Aronestar, te djal o Aron dren pash mande. Kol dui tikne koola, kolentsa tumer win hatsenn, hoi me, o baro Dewel, i Israelendar kamau, kolen hidjrell lo ap peskro dji, te well lo glan mande.

3. Mose 8:8

Palle tchiwas lo o betcheskri possita ap leste. Un an koi possita tchiwas lo kol dui tikne koola, hoi kharenna ‘momeli’ un ‘tchatchepen’.

Maleachi 2:7

Kowa hi i rashajengri budi: Jon hunte penenn o Debleskro lab an o tchatchepen, te nai djan i menshe pash lende, te kamenn le te djinell, hoi o baro Dewel lendar kamella. I rashaja hi i bitchepangre o baro Deblestar, ko rajestar pral o bolepen un i phub.

4. Mose 27:17

jekes, kai djal glan lende win un dren, un anell len win un dren, te wenn o baro Debleskre menshe gar har bakre, kai len kek bakrengro hi.”

4. Mose 27:2

Kolla wan pash o wudar glan o Debleskro kheer un penan ap o Moseste un ap o Eleasar, ko rashajeste, glan kol pralstunende un i tsele Israelitarja, kai koi hi:

4. Mose 27:20

Un de les tiro tchatcho wast, te shunenn i tsele Israelitarja ap leste.

4. Mose 27:22

O Mose kras jaake har leske o baro Dewel penas, un las o Josua, un mukas les glan o rashajeste Eleasar te djal un glan kol tsele Israelitarja,

4. Mose 27:5

O Mose anas lengro koowa glan o baro Debleste.

5. Mose 31:3

Tumaro baro Dewel hi kowa, kai djal glan tumende. Job hi kowa, kai marell kol menshen an kau them glan tumende, te nai lenn lengro them tumenge dren. Un o Josua well tumaro pralstuno, jaake har o baro Dewel kowa penas.

5. Mose 33:8

Un pral o kheer Levi penas lo: Baro Dewel, de i Levitarjen kol barra, hoi sikrenn, hoi tu kameh, te well kerdo! Jon rikran ap tute pash i panja Massa un Meriba, har kamal te djinell: Shunenn le ap tute, ninna te well kowa lenge phares?

Josua 9:14

Kote lan i pralstune pral i Israelitarja o chapastar kol wawarendar, hoi len o dromeske pashel his, un chan les. O baro Debles putchan le koleske gar.

Čačepangre 1:1

Un har o Josua meras, putchan i Israelitarja o baro Debles: “Koon mendar djal glanstunes an o kurepen i menshentsa an o them Kanaan?”

Čačepangre 20:18

Un i Israelitarja kran pen pre, un djan an o foro Betel, un putchan o Deblestar: “Koon mendar hunte djal glan win, te marell lo pes i Benjaminentsa?” Un o baro Dewel penas: “O Juda djal glan!”

1. Samuel 14:19

Un har o Saul gomme rakras, djas ap i Filistarengri platsa pral un tele. Jaake te penas o Saul ap ko rashajeste: “Na-a, muk, le tiro wast pale pale!”

1. Samuel 23:9

Har o David haiwas, te hi o Saules tchilatchepen an o dji un kamas ap leste te djal, penas lo ap o rashajeste Abjatar: “An mange o rashajeskri damdira kai!”

1. Samuel 28:6

Un o Saul putchas o baro Debles, hoi te krell lo. Un kowa penas leske tchi, das les kek suni, rakras gar leha kol tikne barrentsa, hoi witsedo wan, te sikrenn le, hoi kerdo hunte wella. Witar gar nai penas leske i Debleskro rakepaskro, hoi te krell lo.

1. Samuel 30:7

Un job penas ap o rashajeste, o Abjatar, koleskro dad o Ahimelech his: “An mange o rashajeskri damdira!” Un o Abjatar anas leske o rashajeskri damdira.