4. Mose 27:20 - O Debleskro Drom 2021 (Sinte)

²⁰ Un de les tiro tchatcho wast, te shunenn i tsele Israelitarja ap leste.

O Debleskro Lab 2024 (Sinte-Manouche)

²⁰ Oun de les tiro čačo vast, te shounenn i tsele Israelitarya ap leste.

4. Mose 27:20 ပူးပေါင်းရင်းမြစ်များ

2. Rajengro liil 2:15

Un har dikan kowa kol Debleskre rakepangre, kai ap i wawar rig pash Jericho his, penan jon: “Koi soor o Elijestar hi ap o Elisa tchiddo.” Un jon djan pash leste un peran glan leste tele ap i phub.

1. Familjakro liil 29:23

Palle beshas pes o Salomo ap o rajeskri beshepaskri, un was o baro rai pral o baro Debleskre menshende, jaake har glan leste leskro dad, o David his. Un i menshe dikan pre ap leste un shunan ap leste.

1. Familjakro liil 29:25

Un i tsele Israelitarja nai dikan, har kras o baro Dewel, te was o Salomo bareder un bareder. O Salomo was an-diklo un sharedo har kek wawar rai pral Israel glan leste.

4. Mose 11:17

Me kamau tele te well, un kote tuha rakrell, un lau i kotar ko duchestar, hoi ap tute hi, un tchiwau les ap lende, te nai krenn jon khetne tuha kai phari budi, hoi hi har i pharo koowa ap tire phika. Tu hunte hidjress kowa gar lauter kokres.

4. Mose 27:19

un an les glan o rashajeste Eleasar un glan i tsele Israelitarja. Un pen lenge halauterenge, te hi job kowa, kai pal tute lengro rai well.

4. Mose 27:21

Un an tsirja, kai djinell lo gar, hoi te krell, hunte well lo glan o rashajeste Eleasar. Kowa hunte putchell mandar un hunte witsrell kol Debleskre barra, te hatsell lo win, hoi me, o baro Dewel, an kau koowa kamau. Jaake te sikrell o Eleasar o Josueske un i tsele Israelenge, hoi te krenn le.”

1. Samuel 10:6

Un o baro Debleskro ducho well pral tute, un tu rakreh lentsa khetne o Debleskro rakepen win. Un kote weh tu i wawar mensho.

1. Samuel 10:9

Un har rissras o Saul trujel, te djal lo peske o Samuelestar, koi das les o Dewel i wawar dji. Un lauter, hoi o Samuel glan-wi penas, was jaake ap ko diwes.