4. Mose 26:55 - O Debleskro Drom 2021 (Sinte)

⁵⁵ Witsrenn i bachtjakre barra, te hatsenn win, koon o Jakobeskre tchawendar hawo kotar them lella.

O Debleskro Lab 2024 (Sinte-Manouche)

⁵⁵ Vitsrenn i barhtyakre barra, te hatsenn vin, koon o Yakobeskre čavendar havo kotar them lella.

4. Mose 26:55 ပူးပေါင်းရင်းမြစ်များ

Gosewe laba 16:33

O mensho witsrell tikne kashta, te djinell lo, hoi te krell. Har le perenn, kowa well o baro Deblestar.

Gosewe laba 18:18

Te tchingrenn pen dui sorele, un tikne kashta wenn witsedo, te well diklo, kones tchatcho hi, djal o tchingepen krik, un jon mukenn pendar tele.

Ezekiel 47:22

Kau them hi tumare familjenge, un well o dadestar ap o tchaweste dureder dino. Te witsrenn tumer kashta, hoi sikrenn, koon hawo kotar them lella, palle bistrenn gar kol wi-themarjen, kai mank tumende djiwenn, un kolenge pash tumende tchawe boldo wan! Jon hunte wenn tumenge har jek fun tumendar Israelitarja. Un khetne tumentsa lenn le pengro kotar them, un kowa atchell an lengre familje.

4. Mose 26:56

Jaake har i barra sikrenn, de len lengro them, i bari familjake i baro them un i tikneder familjake i tikneder them.”

4. Mose 33:54

Un tumer hunte denn hakenes i kotar them. Witsrenn i bachtjakre barra, te hatsenn win, hawe menshe hawo kotar them lenna. Kal familjen, kolen bud menshe hi, hunte denn bud them. Un kol familjen, kolen gar bud menshe hi, hunte denn gar jaake bud.

4. Mose 34:13

Palle penas o Mose ap kol Israelitarja: “Kol menshe dran o kheer Ruben, dran o kheer Gad, un ko paash kol menshendar dran o kheer Manasse lan pengro kotar them ap kai rig o panjestar Jordan, wergel o forestar Jericho, ap koi rig, kai o kham pre djala. Kawa kate hi ko them, kai lenn tumer wawar. Jaake kamell kowa o baro Dewel. Witsrenn bachtjakre barra te hatsenn win, koon hawo kotar lella.”

4. Mose 36:2

un penan: “O baro Dewel penas tuke, maro rajeske, te well ko them i Israelitarjen jaake dino, har i bachtjakre barra sikrenn, te well kowa lenge. Ninna penas lo tuke, te dess ko them, hoi maro phrales, o Zelofhades his, leskre tchende.

Bičepangre 1:26

Un jon witsran i kashta, un jek kasht sikras ap o Matias. Un job was o Jesuseskro bitchepaskro jaake har i wawar deesh-te-jek Jesuseskre bitchepangre.

Kolossarja 1:12

Parkrenn tumen o tselo djijestar pash o Debleste, kai hi tumaro dad an o bolepen! Job kras tumen moldo, te djiwenn tumer khetne i wawar patslentsa pash leste an o bolepen, kai hi kek tamlepen.

Josua 11:23

Un jaake har o baro Dewel ap o Mose penas, las o Josua o tselo them dren, un das les i Israelende. Hakeneste kol deesh-te-dui Israeleskre tchawendar das lo peskro kotar them, te wenn le kote khere. Un jon hunte djan buder gar an o kurepen.

Josua 14:2

Jaake har o baro Dewel kowa o Moseske penas, witsran le barra, hoi sikrenn, hawo them hakeno kol enja-te-paash bare khera lella.

Josua 17:14

Un kol mursha dran o kheer Josef penan ap o Josua: “Hoske witsral tu kokres jek kopo i barra menge un dal men jek kotar them? Mer ham jaake bud menshe! O baro Dewel tchiwas bud bacht ap mende, te wam bud menshe.”

Josua 18:6

Tumer tchinenn an i liil, fun kai bis kai kol efta kotja them djana. Un te kran kowa, palle anenn mange, hoi pre tchinan! Un me witsrau glan maro baro Debleste i barra, hoi sikrenn, koon hoi lella.

Josua 19:1

Un o duito kopo wan i barra witsedo, kau kopo peran le ap o kheer Simeon un leskre familje. Un lengro kotar them his mashkral dren an o them Juda.

Josua 19:10

Un i barra wan o triinto kopo witsedo. Un kau kopo peran le ap o kheer Sebulon un leskre familje. Un lengro them djas bis pash o foro Sarid,

Josua 19:17

Un i barra wan o starto kopo witsedo, un kau kopo peran le ap o kheer Issachar un leskre familje.

Josua 19:24

Un i barra wan o pantchto kopo witsedo, un jon peran ap o kheer Asser un leskre familje.

Josua 19:32

Un i barra wan o shobto kopo witsedo, un jon peran ap o kheer Naftali un leskre familje.

Josua 19:40

Un o eftato kopo wan i barra witsedo, un kau kopo peran le ap o kheer Dan un leskre familje.