4. Mose 26:5 - O Debleskro Drom 2021 (Sinte)

⁵ O kheer Ruben: O Ruben his o Jakobeskro phureder tchawo. Leskre tchawe his o Henoch, o Pallu,

O Debleskro Lab 2024 (Sinte-Manouche)

⁵ O kheer Ruben: O Ruben his o Yakobeskro phoureder čavo. Leskre čave his o Henok, o Pallou,

4. Mose 26:5 ပူးပေါင်းရင်းမြစ်များ

1. Mose 29:32

Un i Lea was an wawar koowa un anas i tchawes ap i phub. Koles das joi ko lab Ruben un penas: “O baro Dewel dikas miri bibacht. Tchatchepah, kanna kamell man miro rom.”

1. Mose 35:22

An ko tsiro har o Israel an ko them djiwas, djas o Ruben pash o Jakobeskri wawar romjate, i Bilha, un tchiwas pes pash late. Un o Jakob shunas kowa. O Jakobes his deesh-te-dui tchawe.

1. Mose 35:23

I tchawe, kolen i Lea ap i phub anas his o Ruben, ko phureder tchawo o Jakobestar. Pal leste was o Simeon, o Levi, o Juda, o Issachar un o Sebulon.

1. Familjakro liil 5:1

O Ruben his o Jakobeskro phureder tchawo. Doleske his les o tchatchepen, hoi o phureder tchaweske hi. Kowa nashras lo, har sowas lo peskro dadeskri romjah. Un o Rubeneskro tchatchepen was i tchawenge leskro phralestar Josef dino. Ninna te his kowa jaake, was gar tchinlo an i familjakro liil, te his o Josef o phureder.

1. Familjakro liil 5:3

O Ruben his o Jakobeskro phureder tchawo. Leskre tchawe his: o Henoch, o Pallu, o Hezron un o Karmi.

2. Mose 6:14

Kalla hi i laba kol phure dadendar, kolendar i Israelitarja wan: O Ruben his o Israeleskro phureder tchawo. Leskre tchawe hi: o Henoch, o Pallu, o Hezron un o Karmi. Lendar wan bare familje, kolengro phuro dad o Ruben his.

4. Mose 1:20

I laba kol tsele murshendar, kai his biish bersh un phureder un sorelo doha, te nai wenn le lurde, wan an lila dren tchinlo, hakeno pal peskri familja un dadeskro lab. Kolla his: 46.500 mursha dran o kheer Ruben, o Jakobeskro phureder tchawo. 59.300 mursha dran o kheer o Simeon. 45.650 mursha dran o kheer Gad. 74.600 mursha dran o kheer Juda. 54.400 mursha dran o kheer Issachar. 57.400 mursha dran o kheer Sebulon. 40.500 mursha dran o kheer Efrajim. 32.200 mursha dran o kheer Manasse. 35.400 mursha dran o kheer Benjamin. 62.700 mursha dran o kheer Dan. 41.500 mursha dran o kheer Asser 53.400 mursha dran o kheer Naftali.

4. Mose 26:6

o Hezron un o Karmi. Kolendar wenna i Henocharja, i Palluarja, i Hezronarja un i Karmarja.