4. Mose 26:29 - O Debleskro Drom 2021 (Sinte)

²⁹ O Manasse his o dad jek tchawestar, kowa his o Machir. Kolestar wenna kol Machirarja. O Machir las i tchawo, kowa kharas Gilead. Kolestar wenna kol Gileadarja.

O Debleskro Lab 2024 (Sinte-Manouche)

²⁹ O Manasse his o dad yek čavestar, kova his o Makir. Kolestar venna kol Makirarya. O Makir las i čavo, kova kharas Gilead. Kolestar venna kol Gileadarya.

4. Mose 26:29 ပူးပေါင်းရင်းမြစ်များ

1. Mose 48:14

Un o Israel tchiwas peskri jek mussi pral o wawar un tchiwas peskro tchatcho wast ap o Efrajimeskro shero. Kowa his ko terneder. Un peskro serwo wast tchiwas lo ap o Manasseskro shero. Kowa his o phureder.

1. Mose 50:23

Un job dikas i tchawengre tchawen peskro tchawestar Efrajim. Ninna i tchawe peskro tchaweskro tchawestar, o Machir, wan pash leste baro. O Machir his o Manasseskro tchawo.

1. Familjakro liil 2:21

Har o Hezron shob-deesh bersha phuro his, romedineras lo i tchat ko murshestar Machir, koleskro dad o Gilead his. Un joi anas leske i tchawo ap i phub. Ko kharas Segub.

4. Mose 36:1

Un i pralstune pral i menshende, kai wenn pal o Gilead, wan pash o Moseste. O Gileadeskro dad his o Machir, un leskro papo his o Manasse dran o kheer Josef. Kal pralstune rakran o Moseha un kol wawar pralstunentsa i menshendar Israel,

5. Mose 3:15

O them Gilead dom me o mursheste Machir dran i familja Manasse.

Josua 17:1

Un kowa hi ko them, hoi las o kheer Manasse, jaake har peran i barra. O Manasse his o Josefeskro phureder tchawo. Koleskro phureder tchawo his o Machir. Un koleskro tchawo his o Gilead. O Machir his i sorelo kurepaskro. Doleske las lo ko them Gilead un Bashan.

Čačepangre 5:14

Dran o Efrajim wan kolla, kai dran o them Amalek wan. Pal lende was o Benjamin peskre lurdentsa, dran o Machir wan i pralstune, un dran o Sebulon i bare lurde.