4. Mose 26:20 - O Debleskro Drom 2021 (Sinte)

^20-21 Pal lende was o Shela, o Perez, un o Serach. Kolendar wan i Shelanarja, i Perezarja un i Seracharja. Kol tchawe fun o Perez his o Hezron un o Hamul. Kolendar wenna kol Hezronarja un kol Hamularja.

O Debleskro Lab 2024 (Sinte-Manouche)

^20-21 Pal lende vas o Shela, o Perez, oun o Zera. Kolendar van i Shelanarya, i Perezarya oun i Zerarya. Kol čave foun o Perez his o Hesron oun o Hamoul. Kolendar venna kol Hesronarya oun kol Hamoularya.

4. Mose 26:20 ပူးပေါင်းရင်းမြစ်များ

1. Mose 38:11

Koi penas o Juda ap i Tamar, peskro tchaweskri romjate: “Atch kokres an tiro dadeskro kheer, jaake rah bis te miro tchawo, o Shela, baro was.” O Juda penas peske: Te merell job gar har leskre phrala! Un i Tamar djas peske un atchas pash peskro dadeste.

1. Mose 38:14

Joi djinas, kai o Shela baro was, un kai joi leste gar dino was, te well li leskri romni. Doleske riwas joi kanna kol ripja win, hoi i romni hidjrella, kolakro rom mulo hi. Un tchiwas i diklo pral peskro mui, jaake kai dikan le nai gar lakro mui. Un beshas pes pash o baro wudar glan o foro Enajim. Kowa hi tchiddo ap o drom an o foro Timna.

1. Mose 38:5

Un pale anas joi i tchawes ap i phub. Un joi das les o lab Shela. Ap ko tsiro, har ko tchawo boldo was, his o Juda an o foro Kesib.

1. Mose 46:12

O Juda un leskre tchawe: o Er, o Onan, o Shela, o Perez un o Serach. O Er un o Onan meran an o them Kanaan. O Perez his o dad dui tchawendar: o Hezron un o Hamul.

1. Mose 49:8

Tu, o Juda hal kowa, kones leskre phrala sharenna. Tiro wast hi soreles ap o shero kolendar, kai kamenn tuke tchilatchepen. Glan tute witsrenn pen tele tire phrala.

1. Familjakro liil 4:21

O Shela, koleskro dad o Juda hi, leskre tchawe his: o Er, kowa kras o foro Lecha, un o Lada, kai kras o foro Maresha, ninna i menshe, kai djiwan an Ashbea. Kolla kran latcho laintikro than.

1. Familjakro liil 9:4

Dran o kheer Juda: o Utai, koleskro dad o Ammihud hi, koleskro dad o Omri hi, koleskro dad o Imri hi, koleskro dad o Bani hi. Jon hi menshe, kai wan o murshestar Perez, koleskro dad o Juda his.

1. Familjakro liil 9:5

O Shela les his tchawe: leskro phureder tchawo his o Asaja un leskre tchawe.

Nehemia 11:24

Un o Petachja, koleskro dad o Meshesabel his, i menshendar Serach, koleskro dad o Juda his, job djas o baro rajeske pash o wast an kau tselo koowa, hoi trul i Israelitarja djas.

Nehemia 11:4

Un an o Jerusalem djiwan sawe i menshendar Juda un sawe i menshendar Benjamin. o Ataja, koleskro dad o Usija his, koleskro dad o Secharja his, koleskro dad o Amarja his, koleskro dad o Shefatja his, koleskro dad o Mahalalel his. Kolengro phuro dad his o Perez;

Nehemia 11:6

I tsele mursha, kai wan pal o Perez un djiwan an Jerusalem, his 468 (star-sheel-te-shob-deesh-te-ochta) mursha, lauter tchatche mursha.

Mateo 1:3

O Juda las tchawen. Kolla his o Perez un o Serach. Lengri dai his i Tamar. O Perez las i tchawes. Kowa his o Esrom. Koleskro tchawo his o Aram.

Louka 3:33

o Amminadab, o Admin, o Arni, o Esrom, o Perez, o Juda,

Debleskro tsiro 7:5

Deesh-te-dui serja wenna dran o Juda. Deesh-te-dui serja wenna dran o Ruben. Deesh-te-dui serja wenna dran o Gad. Deesh-te-dui serja wenna dran o Asser. Deesh-te-dui serja wenna dran o Naftali. Deesh-te-dui serja wenna dran o Manasse. Deesh-te-dui serja wenna dran o Simeon. Deesh-te-dui serja wenna dran o Levi. Deesh-te-dui serja wenna dran o Issachar. Deesh-te-dui serja wenna dran o Sebulon. Deesh-te-dui serja wenna dran o Josef. Deesh-te-dui serja wenna dran o Benjamin.