4. Mose 26:10 - O Debleskro Drom 2021 (Sinte)

¹⁰ Un i phub kras peskro mui pre, un tserdas len tele khetne o mursheha, o Korach. Un kol 250 (dui-te-paash-sheel) mursha, kai djan lentsa, meran an i jag. Jaake wan le i sikepen, te dikan i menshe, hoi hi.

O Debleskro Lab 2024 (Sinte-Manouche)

¹⁰ Oun i phoub kras peskro mouy pre, oun tserdas len tele khetne o morsheha, o Korah. Oun kol 250 (douy-te-paash-sheel) morsha, kay djan lentsa, meran an i yag. Yaake van le i sikepen, te dikan i menshe, hoy hi.

4. Mose 26:10 ပူးပေါင်းရင်းမြစ်များ

2. Mose 16:35

Un i Israelitarja chan ko Manna star-deesh bersha, jaake rah bis te wan le pash ko them Kanaan.

Jeremia 29:22

I tsiro well, kai penenn i menshe dran o them Juda, kai krik anlo wan an Babilonia, te kamenn jon jekes te praassell: Mu krell o baro Dewel tuha, har kras lo ap o Zidkija un ap o Ahab, kolen mukas o baro rai dran Babilonia djides te chatchrell.

Ezekiel 14:8

Me dikau tchilatches ap leste. Un ap leste dikenn i menshe, hoi saweha djal, kai sawo koowa krell, un jon rakrenn lestar i rah tsiro. Me krau les pale-tchiddo hako tsireske, te nai djiwell lo buder gar mank mire menshende. Jaake dikenn un haiwenn tumer, te hom me o baro Dewel.

4. Mose 27:3

“Maro dad meras an o mulo tato them, un his gar mashkral kolende, kai djan o Koracheha un hadan pen pral o baro Debleste. Job meras peskri doshake, hoi job kras. Un les his kek mursh tchawe.

5. Mose 11:6

un hoi lo kras ap o Datan un ap o Abiram, kolengro dad o Eliab his dran o kheer Ruben: Har i phub peskro mui pre kras un len mashkral i tsele menshende Israel pre chas, len un lengre tsele menshen un lengre plachtene khera, ninna lengre budepangre un vieche, hoi pash lende his.

5. Mose 28:46

Hako tsiro, kai well kai bibacht pral tumende, well diklo, te hi o baro Debleskro praassepen ap tumende tchiddo.

2. Petro 2:6

Un o Debleskri choli was pral kol forja Sodom un Gomorra. Un job chatchras kol forja jaake te atchas tchi har barra un jagakri tchik. Jaake sikras job kolende, kai pal lende wenna, hoi djal kolentsa, kai gar ap leste shunenna.

Judas 1:7

Jaake lan ninna kol menshe i phagi, kai djiwan an i forja Sodom un Gomorra un an kol forja trul lende. Jon kran wi-ladjedo koowa har kol bolepangre un djan wawar mass palla. I phagi, hoi pral kol menshende was, sikrell mende, hoi kolenge djal, kai sawo koowa krenna. Jon djan an i jag, hoi hako tsiro chatchella.

1. Samuel 2:34

Me dau tut i sikepen: Tire dui tchawe, o Hofni un o Pinhas, merenna ap jek diwes. Te well kowa, dikeh, kai ko wawar koowa ninna tchatcho hi.