4. Mose 25:8 - O Debleskro Drom 2021 (Sinte)

⁸ un djas pal kol Israelitari an leskri isema, un das an kol dujende khetne dren tchurje, an ko mursheste, kai well dran Israel un an koi djuwel. Koi heras ko nasslepen pre, hoi ap i Israelitarja tchiddo his.

O Debleskro Lab 2024 (Sinte-Manouche)

⁸ oun djas pal kol Israelitari an leskri isema, oun das an kol douyende khetne dren čourye, an ko morsheste, kay vell dran Israel oun an koy djouvel. Koy heras ko nasslepen pre, hoy ap i Israelitarya čiddo his.

4. Mose 25:8 ပူးပေါင်းရင်းမြစ်များ

2. Samuel 21:14

Un jon paskran len khetne i kokale o Saulestar un leskro tchawestar Jonatan an ko them Benjamin, an o gab Zela, an o mulengro kheer peskro dadestar Kish. Un jon kran lauter jaake har o baro rai David penas. Pal kowa his o baro Dewel pale kamlo ap ko them.

2. Samuel 24:25

Un o David kras koi o baro Debleske i chatchepaskri un anas viechen leske, sawen kai wan tseles chatchedo un sawen, kai chan le khetne glan o baro Debleste. Un o baro Dewel dikas pale latches ap ko them Israel. Un ko nasslepen djas kol menshendar pale krik.

1. Familjakro liil 21:22

Un o David penas ap o Arauna: “Bike mange tiri djobeskri platsa, te krap kote i chatchepaskri o baro Debleske, te djal koi nasslepen i menshendar krik. Me dau tut jaake bud lowe har koi platsa moldo hi.”

Maleachi 2:5

Lentsa krom win, te dap len djipen un latchepen, un jon hadan man. An kol diwessa shunan le ap mande, un len his traash mandar.

4. Mose 17:13

Un job his tardo mashkral kol mulende un kol djidende. Koi djas koi phagi krik.

4. Mose 25:11

“O Pinhas, koleskro dad o Eleasar hi, un koleskro papo o rashai Aron his, kowa las miri choli kol Israelendar krik. Job his jaake chojedo har me homs, un kras, te marom me gar i tsele Israelitarjen an miri choli.

4. Mose 25:5

Un o Mose penas ap kol Israeleskre tchatchepangre: “Denn mulo hakeno peskre menshen, kai nashan o Baal-Peor palla!”

Josua 7:26

Un jon tchiwan bud barra ap lende pre. Kolla hi gomme kau diwes koi. Doleske kharell kai platsa gomme kau diwes ‘Tala Achor’. Kanna his o baro Dewel buder gar chojedo.