4. Mose 25:3 - O Debleskro Drom 2021 (Sinte)

³ Jaake nashas o Israel o chocheno debleske, o Baal-Peor, palla. Koi was o baro Debleskri choli pral o Israel.

O Debleskro Lab 2024 (Sinte-Manouche)

³ Yaake nashas o Israel o rhorheno debleske, o Baal-Peor, palla. Koy vas o baro Debleskri rholi pral o Israel.

4. Mose 25:3 ပူးပေါင်းရင်းမြစ်များ

Debleskri gili 90:11

Koon patsell, te nai well tiri choli jaake baro? Un koon darell tiri choljatar?

Jeremia 17:4

Un tumer hunte djan dran kau them, hoi dom tumen hako tsireske. Un me krau, te wenn tumer budepangre kolenge, kai rikrenn tumen tele an i them, kai prindjrenn gar. Miri choli hi har i jag, hoi gar buder win djala.

Hosea 4:14

Kek phagi dau tumare tchenge, witar gar tumare tchawengre romjenge koleske, hoi le kran. Na-a, tumenge murshenge dau i phagi. Tumer djan i lubjentsa ap i rig, un chan khetne lentsa o mass kol viechendar, hoi i chochene deblenge maredo wan. Un i menshe, kai dikenn kowa, un djinenn gar, hoi latcho un hoi gar latcho hi, jon perenn o tchatcho dromestar tele.

Hosea 9:10

O baro Dewel penell: I Israelitarja his mange har drake an o mulo them, har hatsom len kote. Un tumare phure his mange har newe faige ap i faigetikro ruk. I tsiro koi pre, har wan le pash i berga Peor, dan le pen o wi-ladjedo debleske Baal koi, un wan jaake pale-tchiddo har ko dewel, kones jon kaman.

4. Mose 25:5

Un o Mose penas ap kol Israeleskre tchatchepangre: “Denn mulo hakeno peskre menshen, kai nashan o Baal-Peor palla!”

4. Mose 31:16

Ma bistrenn, te his kol djuwja, kai kran, hoi o Bileam lenge penas, un tserdan i Israelitarjen o baro Deblestar krik, jaake te nashan le o chocheno debles Baal-Peor palla. Doleske was ko baro nasslepen ap o Debleskre menshende.

Josua 22:17

Hi men gomme gar doha doosh ap mende, hoi lam ap mende, har hams pash i berga Peor. Koi doosh hi bis kau diwes ap mende tchiddo, un doleske was i bari phagi pral mende, o baro Debleskre menshende.

Čačepangre 2:11

Un koi kran i Israelitarja kowa, hoi tchilatches hi glan o baro Debleskre jaka. Un jon mangan ko debles an, hoi kharas Baal,

Čačepangre 2:13

Un jon mukan o baro Debles un mangan o debles Baal an un ninna i debletsa Astarte.

Čačepangre 2:14

Kote tapras o baro Debles i bari choli pral i Israelitarja. Un job das len an o wast kolendar, kai len wi-tchorenn. Un ninna mukas lo len an i wasta kol menshendar te perell, kai trul lende djiwenn un lenge o djipen phares kran. Jaake his i Israelitarja buder gar soreles doha, te denn le kolen pale, kai ap lende djan.

Čačepangre 2:20

Kote chatchras i choli o baro Deblestar pral o Israel pre. Un job penas: “Kal tchilatche menshe rikran pen gar ap mire laba, hoi me lengre phurende dom, un shunan gar ap mande.