4. Mose 25:2 - O Debleskro Drom 2021 (Sinte)2 Kolla kaman, te wenn i Israelitarja lentsa, te anenn jon viechen pengre deblenge. Un i Israelitarja wan lentsa un chan ko massestar un mangan kolengre deblen an. အခန်းကိုကြည့်ပါ။O Debleskro Lab 2024 (Sinte-Manouche)2 Kolla kaman, te venn i Israelitarya lentsa, te anenn yon firhen pengre deblenge. Oun i Israelitarya van lentsa oun rhan ko massestar oun mangan kolengre deblen an. အခန်းကိုကြည့်ပါ။ |
Tu witsress tut gar glan i wawar debleste tele, un mangess les gar an. Me, o baro Dewel, hom tiro Dewel, un kamau, te kamess man kokres. Kolen, kai kamenn mandar tchi te djinell un anenn doosh ap pende, dau me i phagi. Me dau ninna i phagi lengre tchawende un kolengre tchawende jaake rah har triin-te-star familje jek pal i wawar djiwenn.
O baro Dewel penell: I Israelitarja his mange har drake an o mulo them, har hatsom len kote. Un tumare phure his mange har newe faige ap i faigetikro ruk. I tsiro koi pre, har wan le pash i berga Peor, dan le pen o wi-ladjedo debleske Baal koi, un wan jaake pale-tchiddo har ko dewel, kones jon kaman.
Tumer mire menshe, mukenn tumenge an o shero te well, hoi kamas o Balak – ko baro rai pral o them Moab – tumenge te krell, un hoi penas leske o Bileam, koleskro dad o Beor his! Mukenn tumenge an o shero te well, har djan tumare phure pral wergel o pani Jordan ap lengro drom dran Shittim dureder an Gilgal. Palle haiwenn tumer, hawo bud latchepen tumenge krom.
I tikno koowa pash tumende hi gar mishto. Mashkral tumende hi sawe menshe, kai djan ap ko drom, koles o Bileam glan i rah tsiro i menshende sikras. Job sikras o baro rajeste pral o them Moab, – leskro lab his Balak, – har te anell lo nai i Israelitarja ap i tchilatcho drom. Jaake chan i Israelitarja ko mass kol viechendar, hoi kol wawar menshe glan pengro debleste anan. Ninna djan le pash wawar djuwjende.