4. Mose 25:1 - O Debleskro Drom 2021 (Sinte)

¹ Un i Israelitarjen his pengre plachtene khera pash o foro Shittim. Kote mukan pen i mursha dren kol tchentsa dran o them Moab.

O Debleskro Lab 2024 (Sinte-Manouche)

¹ Oun i Israelitaryen his pengre plarhtene khera pash o foro Shittim. Kote moukan pen i morsha dren kol čentsa dran o them Moab.

4. Mose 25:1 ပူးပေါင်းရင်းမြစ်များ

2. Rajengro liil 23:7

Un job mukas kol tsele lubjengre khera tele te phagell, kai pash o baro Debleskro kheer tardo his. An kol khera kran i djuwja ripja i Asherake.

Debleskri gili 106:28

Pal i tsiro witsran pen i Israelitarja glan kol wawarengro debleste Baal tele ap i berga Peor, un chan ko mass kol viechendar, hoi wan maredo i mulenge.

2. Mose 22:19

Kowa, hoi dell i wawar debleske i viecho temerl, un gar o baro Debleske, kowa well infam.

2. Mose 34:15

Ma awenn mala kol wawar menshenge an o them! Jon mangenn pengre deblen dran kasht un bar an, un marenn viechen lenge. Te wans tumer lengre mala, nai djals, te djan lentsa un chan ko chapen, hoi jon anan lengre deblen.

Sikepaskro 7:26

Un me hatsom tchomone, hoi shutleder hi har o merepen, – i djuwel, kai i murshen taprell; kolakro kamlepen hi har dorja, kolentsa len pandell li; lakre mussja, hoi le trul lende tchiwell hi har shelle. I mursh, kai mishto hi glan o Debleskre jaka, kowa nai nashell peske latar; o dinelo well latar tapedo.

Jeremia 40:11

Glan ko tsiro nashan bud menshe dran Juda an i themma Moab, Ammon un Edom un an wawar themma. Har kolla shunan, kai o baro rai dran o them Babilonia i wast pherdo menshen pral mukas an o them Juda, un tchiwas o Gedalja pral lende,

Ezekiel 20:21

Un ninna lengre tchawe mukan pen tchi mandar te penell, un kran gar hoi lendar kamom, un djiwan gar pal miro tchatchepen. Mire tchatchepaskre laba hi kolla, kolentsa i mensho djido atchell, te rikrell lo pes ap lende. Un jon kran sawo koowa ap o Debleskro diwes, hoi hunte krans le gar. Un jaake wom gar sharedo. Kote kamom miri choli pral lende win te tchorell. Kote an o mulo tato them kamom miri tseli choli ap lende win te mukell.

Hosea 9:10

O baro Dewel penell: I Israelitarja his mange har drake an o mulo them, har hatsom len kote. Un tumare phure his mange har newe faige ap i faigetikro ruk. I tsiro koi pre, har wan le pash i berga Peor, dan le pen o wi-ladjedo debleske Baal koi, un wan jaake pale-tchiddo har ko dewel, kones jon kaman.

Micha 6:5

Tumer mire menshe, mukenn tumenge an o shero te well, hoi kamas o Balak – ko baro rai pral o them Moab – tumenge te krell, un hoi penas leske o Bileam, koleskro dad o Beor his! Mukenn tumenge an o shero te well, har djan tumare phure pral wergel o pani Jordan ap lengro drom dran Shittim dureder an Gilgal. Palle haiwenn tumer, hawo bud latchepen tumenge krom.

4. Mose 25:17

“Djan ap i Midianarja un marenn len!

4. Mose 31:2

“De kol Midianarjen ko tchilatchepen pale, hoi kran le ap i Israelitarjen! Un pal kowa well ko diwes, kai mereh tu.”

4. Mose 33:49

Kote an o telstuno them Moab tchiwan i Israelitarja pengre plachtene khera pre pash o pani Jordan, mank Bet-Jeshimot un Abel-Shittim.

1. Korintarja 10:8

Mer te lubras witar gar trujel. Mank kolende his sawe, kai kran kowa, un lendar meran biish-te-triin serja menshe ap jek diwes.

5. Mose 3:29

Un mer atcham an o telstuno them, ap i wawar rig o forestar Bet-Peor.

5. Mose 32:38

Tumer dan len o thulepen tumare viechendar te chal, un tchoran mool glan lende win pipaske. Mu stenn le pre, te wenn le ap tumari rig, un lenn tumen koi win!

5. Mose 4:3

Tumare jaka dikan, hoi o baro Dewel kras pash i berga Baal-Peor. Hakenes, kai o chocheno debles Baal an-mangas, maras tumaro baro Dewel mashkral tumende.

Josua 2:1

Un har jon ap i platsa Shittim his, bitchras o Josua, koleskro dad o Nun hi, tchorchanes dui murshen win un penas ap lende: “Djan un dikenn, har sorelo o them hi, ninna o foro Jericho!” Koi djan le un wan an i kheer, kai i lubni djiwas. Koja kharas Rahab. Un jon djan dren, te atchenn le kote pral i rat.

Josua 22:17

Hi men gomme gar doha doosh ap mende, hoi lam ap mende, har hams pash i berga Peor. Koi doosh hi bis kau diwes ap mende tchiddo, un doleske was i bari phagi pral mende, o baro Debleskre menshende.

Josua 3:1

Un o wawar diwes stas o Josua un i tsele Israelitarja sik pre, mukan i platsa Shittim pal pende, djan dureder un wan pash o pani Jordan. Kote atchan le i tikno tsiro, bis te nai djan le wergel.

Debleskro tsiro 2:14

I tikno koowa pash tumende hi gar mishto. Mashkral tumende hi sawe menshe, kai djan ap ko drom, koles o Bileam glan i rah tsiro i menshende sikras. Job sikras o baro rajeste pral o them Moab, – leskro lab his Balak, – har te anell lo nai i Israelitarja ap i tchilatcho drom. Jaake chan i Israelitarja ko mass kol viechendar, hoi kol wawar menshe glan pengro debleste anan. Ninna djan le pash wawar djuwjende.