4. Mose 24:7 - O Debleskro Drom 2021 (Sinte)

⁷ An o Israeleskro them hi bud pani, un leskri phub, kai o djob un o gib bares wenna, hi budeder har doha pani. Leskro baro rai well bareder har o Agag. Un leskro them un leskre menshe wenn sorleder har i wawar menshe trul lende.

O Debleskro Lab 2024 (Sinte-Manouche)

⁷ An o Israeleskro them hi boud pani, oun leskri phoub, kay o djob oun o gib bares venna, hi boudeder har doha pani. Leskro baro ray vell bareder har o Agag. Oun leskro them oun leskre menshe venn zorleder har i vavar menshe troul lende.

4. Mose 24:7 ပူးပေါင်းရင်းမြစ်များ

2. Samuel 5:12

O David haiwas, te kras o baro Dewel, te well un atchell job baro rai pral Israel. Kowa kras job peskre menshenge, i Israelenge.

1. Rajengro liil 5:1

Un jaake his o Salomo o baro rai pral i tsele themma, hoi hi tchiddo mank o pani Eufrat un ko them, kai i Filistarja djiwan, un tele bis pash o them Egiptia. Pral kolende his les penepaske, un jon plaissran leske rup un sonakai, jaake rah har job djiwas.

1. Familjakro liil 14:2

O David haiwas, te kras o baro Dewel, te well un atchell job baro rai pral Israel. Kowa kras job peskre menshenge, i Israelenge.

Esra 4:20

Ninna his sorele bare raja an o foro Jerusalem, kai his i raja pral halauter, hoi ap i wawar rig o panjestar Eufrat djiwella, jaake kai was lenge hunte themeskre lowe dino, ninna foreskre lowe un wawar koowa.

Ester 3:1

Pal i tsiro hadas o baro rai Ahasveros i murshes pral i tsele pralstunende, kai pash leste hi. Ko mursh kharas Haman. Leskro dad his o Hammedata i menshendar Agag.

Debleskri gili 18:43

Un me dom len khetne, dom len tiknes har tchik, hoi i baro ducho krik phurdell. Har tchik tchorom len win ap o drom.

Debleskri gili 68:26

I gipangre djan glan tute un i bashepangre pal tute. Un mashkral dren djan i terne tcha un denn pengre pauke.

Debleskri gili 72:11

I tsele bare raja perenn tele ap i phub glan leste. Un i tsele natsjone budrenn leske.

Debleskri gili 89:27

Job penell ap mande: Tu hal miro dad, miro Dewel, kowa, kai rikrell peskre wasta pral mande un well ap miri rig.

Jesaja 2:2

Well i tsiro, koi hi koi berga, kai o baro Debleskro kheer tardo hi, bareder har i tsele wawar berge, un dikell tele ap i tsele tikne berge. Un i menshe dran bud themma nashenn pash kai berga,

Jesaja 30:25

Un an ko tsiro, kai o baro marepen hi, un i sorele khera khetne phagenn, nashenn panja, tikne un bare, o pralstuno themestar un ap haki berga tele.

Jesaja 48:1

Shunenn, tumer dran o kheer Jakob, tumer, kai wenn o labeha Israel gole dino, un wenn dran o kheer Juda. Tumer denn tumen sowel pash o baro Debleste, un penenn, te mangenn o Israeleskro Debles an. An o tchatchepen un i djudjo djijeha krenn tumer kowa gar.

Jesaja 9:7

O baro Dewel rakras o tchatchepen win pral o kheer Jakob. Un leskri choli peras ap i Israelende.

Jeremia 51:13

Tu foro, kai hal kote, kai bare panja hi, tu, kai tut baro brawlepen hi, tiro tsiro hi trujel, tiro djipaskro thab well tele tchinlo.

Daniel 2:44

Un an ko tsiro, kai kol bare raja djiwenna, krell o bolepaskro Dewel jek them, hoi an kek tsiro paash kerdo nai well. Kau them well an kek tsiro wawar menshendar dren lino. Leskro baro rai krell kol wawar rajengre themma paash, un leskri soor atchell hako tsireske.

4. Mose 24:20

Un har o Bileam kol Amalekarja dikas, penas lo kal laba: “Amalek hi ko pralstuno mashkral kol natsjone. Ninna job well maredo an ko tsiro, hoi wella.”

Johanni 1:49

“Sikepaskro,” penas o Natanael, “tu hal o Debleskro tchawo. Tu hal o baro rai pral Israel.”

Debleskro tsiro 11:15

Un ko eftato bolepaskro phurdas an peskri phurdepaskri. Koi his i rakepen an o bolepen, un bud dan bari gole, un penan: “Kanna hi o Dewel un leskro tchawo, o Jesus Kristo, i raja pral i tsele menshende ap i phub hako tsireske.”

Debleskro tsiro 17:1

Un jek kol efta bolepangrendar, kai hi len kol efta tchare an i wasta, kowa was pash mande, un penas: “Ab kai! Me kamau tut i phagi te sikrell, hoi ko foro lella, hoi pash bud panja tchiddo hi. Ko foro hi har i djuwel, kai kras wi-ladjedo koowa.

Debleskro tsiro 17:15

Un o bolepaskro penas ap mande: “Tu dikal, kai beshell koi djuwel, hoi wi-ladjedo koowa krell, pash bud panja. Kol panja hi menshe dran haki harmenatsjona, dran hako them, haki natsjona, un hako rakepen.

Debleskro tsiro 19:16

Ap leskro ripen un ap leskri pralstuni heri hi i lab tchinlo, hoi kharella: o rai pral i rajende un o pralstuno pral i pralstunende.