4. Mose 24:20 - O Debleskro Drom 2021 (Sinte)

²⁰ Un har o Bileam kol Amalekarja dikas, penas lo kal laba: “Amalek hi ko pralstuno mashkral kol natsjone. Ninna job well maredo an ko tsiro, hoi wella.”

O Debleskro Lab 2024 (Sinte-Manouche)

²⁰ Oun har o Bileam kol Amalekarya dikas, penas lo kal laba: “Amalek hi ko pralstouno mashkral kol natsyone. Ninna yob vell maredo an ko tsiro, hoy vella.”

4. Mose 24:20 ပူးပေါင်းရင်းမြစ်များ

1. Mose 36:12

O Elifas, les his i duiti romni. Lakro lab hi Timna. Joi anas o Amalek ap i phub. Kolendar lauterendar hi o Esaeskri romni Ada i mami.

1. Familjakro liil 4:43

Un jon maran kolen, kai atchan pral kolendar dran Amalek, kai nashan penge kote. Un kate djiwenn le gomme kau diwes.

Ester 3:1

Pal i tsiro hadas o baro rai Ahasveros i murshes pral i tsele pralstunende, kai pash leste hi. Ko mursh kharas Haman. Leskro dad his o Hammedata i menshendar Agag.

Ester 9:14

Un o baro rai penas, te well kowa jaake kerdo. Un ko lab was tchinlo un prindjedo kerdo an o foro Susa. Un kol deesh mule tchawe o Hamanestar wan ap kashta pre pandlo.

2. Mose 17:14

Palle penas o baro Dewel ap o Moseste: “Tchin kawa pre, te bistrenn le kowa gar! Un rake les o Josua an o dji, te bistrell lo kau kurepen gar. Un pen leske ninna, te kamau me te marap i tsele Amalekarja jaake, te wenn le hakenestar bistedo ap kai phub.”

2. Mose 17:16

Un o Mose penas: “Kowa was, har hadom mire wasta pre ap o baro Debleste. An ko tsiro, hoi wella, dell o baro Dewel i Amalekarja pale te pale.”

2. Mose 17:8

Har i Israelitarja an Refidim his, peran i Amalekarja pral lende.

4. Mose 24:19

Dran o Jakob well kowa, koles penepaske hi, un marell ninna kolen, kai pral atchan an lengre forja.

4. Mose 24:24

Un shiffe wenna dran o them Kittim un anenn lurden, kai perenn an i themma Assur un Eber. Pal halauter djal ninna Kittim paash.”

4. Mose 24:7

An o Israeleskro them hi bud pani, un leskri phub, kai o djob un o gib bares wenna, hi budeder har doha pani. Leskro baro rai well bareder har o Agag. Un leskro them un leskre menshe wenn sorleder har i wawar menshe trul lende.

Čačepangre 6:3

Un hako kopo, kai witsran i Israelitarja o djob an i phub, palle wan i Midianarja un i Amalekarja un wawar menshe kotar, kai o kham pre djala, un peran an o them dren.

1. Samuel 14:48

Job his i tchatcho mursh un maras i Amalekarja, un las o Israel dran kolengre wasta win, kai lendar randan.

1. Samuel 15:2

Kowa penell o baro Dewel, ko rai pral o bolepen un i phub: ‘Me bistrom gar, hoi i Amalekarja i Israelenge kran, har jon pen lenge an o drom tchiwan, har o Israel dran o them Egiptia win djas.

1. Samuel 30:1

Un har o David un kol mursha, kai pash leste hi, pal triin diwessa an o foro Ziklag wan, his o foro paash un chatchedo. I Amalekarja peran dren an o them Negev un ninna an o foro Ziklag.

1. Samuel 30:17

Un o David peras pral lende o wawar diwes taissarlakro un maras len o tselo diwes bis ap i rat. Un kek lendar nai nashas peske, kokres 400 (star-sheel) terne mursha beshan ap khamele, un nashan.