4. Mose 24:18 - O Debleskro Drom 2021 (Sinte)

¹⁸ O tselo them Seir lell job peske, ko them, kai djiwenn i Edomarja, kolla, kai kamenn o Israel pre te chal. O Israel hi sorleder har jon.

O Debleskro Lab 2024 (Sinte-Manouche)

¹⁸ O tselo them Seir lell yob peske, ko them, kay djivenn i Edomarya, kolla, kay kamenn o Israel pre te rhal. O Israel hi zorleder har yon.

4. Mose 24:18 ပူးပေါင်းရင်းမြစ်များ

1. Mose 27:29

Menshe dran wawar themma hunte budrenn tuke un witsrenn pen tele glan tute. Wess rai pral tire phralende. Un tiri dakre tchawe hunte witsrenn pen tele glan tute. Kolla kai penenna, te well tut bibacht, ap kolende well bibacht. Un kolla, kai penenna, te well tut bacht, ap kolende well bacht.

1. Mose 27:40

Tu djiweh kolestar, hoi tiro charo anella tuke, un hunte budress tiro phraleske. I diwes wella, kai hadeh tut ap leste, un mukeh les buder gar rai pral tute te well.

1. Mose 32:3

Har o Jakob len dikas, penas lo: “Kate hi o Debleskri platsa.” Un das koi platsa ko lab: ‘Mahanajim’.

2. Samuel 8:14

Un job tchiwas moskre dren an hako foro an o them Edom. Un o Davides his penepaske pral o tselo them Edom. O baro Dewel his ap o Davideskri rig, kai job ninna djas.

1. Rajengro liil 11:14

Un o baro Dewel tchiwas o Salomeske jekes an o drom, kai hadas pes pral leste. Kowa his o Hadad dran o kheer kol rajendar pral o them Edom.

1. Rajengro liil 11:15

Glan i rah tsiro, har kuras pes o David i murshentsa an o them Edom, koi djas o pralstuno pral i lurdende, o Joab, kote pral, te paskrell lo kolen, kai an o kurepen meran. Un job maras i tsele murshen un mursh tchawen an o them Edom.

Debleskri gili 60:1

I gili o rajeske pral i gipangre te giwell pash o bashepen ap i dorjengri bashepaskri. O David kras kai gili, te sikrell lo mende tchomone.

Jesaja 34:5

Miro charo kras peskri budi ap o bolepen. Kanna mukau les tele te perell ap o them Edom, un ap leskre menshende, kolen pengri phagi dau un len marau.

Jesaja 63:1

Koon hi kowa, kai well dran o them Edom dran o foro Bozra, rido an lole koola? Koon hi kowa, kai hi jaake railes rido, un kai nashell railes an peskri bari soor. Kowa hom me, o baro Dewel, kai rakrell an o tchatchepen: Man hi i soor, te lap tumen dran o merepen win.

Amos 9:11

O baro Dewel penell: Ap ko diwes krau o Davideskro kheer newes, kowa hoi kanna khetne peredo hi. Kote, kai lo paash hi, krau les tseles. Kote, kai barra win phagedo hi, tchiwau len pale pre. Me krau les jaake har lo glan bud tsiro his.

Amos 9:12

Un jaake lenn i Israelitarja pale dren, hoi pral atchas o themestar Edom un kol wawar themendar, kolendar kai his mange, har o David lengro baro rai his. Kowa penell o baro Dewel, kai krella, te well kowa jaake.

Obadja 1:2

O baro Dewel penell ap o them Edom: Me krau tut tiknes, jaake te dikell hako them ap i phub tele ap tute.

4. Mose 20:18

O baro rai pral o Edom penas ap lende: “Tu djas gar mank miro them! Te weh, wau me pash tute o chareha.”

4. Mose 24:19

Dran o Jakob well kowa, koles penepaske hi, un marell ninna kolen, kai pral atchan an lengre forja.