4. Mose 24:17 - O Debleskro Drom 2021 (Sinte)

¹⁷ Me dikau jekes. Kowa hi kanna gar koi. Dural dikau les. Dran o Jakob well jek, kai djal pre har i bolepaskri momeli. Dran o Israel well i baro rai, un dell i Moabarja khetne. Un kol murshenge, kai wenna pal o Set, dell lo ap o shero.

O Debleskro Lab 2024 (Sinte-Manouche)

¹⁷ Me dikau yekes. Kova hi kanna gar koy. Doural dikau les. Dran o Yakob vell yek, kay djal pre har i bolepaskri momeli. Dran o Israel vell i baro ray, oun dell i Moabarya khetne. Oun kol morshenge, kay venna pal o Set, dell lo ap o shero.

4. Mose 24:17 ပူးပေါင်းရင်းမြစ်များ

1. Mose 49:10

Hako tsiro well o baro rai dran o kheer Juda, un jek leskre menshendar rikrell o rajeskro kasht an o wast jaake rah, bis te well kowa, kai tchatchepah o baro rai hi. Ap koleste shunenn i natsjone ap i phub.

2. Samuel 8:14

Un job tchiwas moskre dren an hako foro an o them Edom. Un o Davides his penepaske pral o tselo them Edom. O baro Dewel his ap o Davideskri rig, kai job ninna djas.

2. Samuel 8:2

Job das ninna kol Moabarja un penas, te tchiwenn le pen ap i phub. Un dui i trinendar kras lo mulo, un jek i trinendar mukas lo djido. Jaake was o Davides penepaske pral kol Moabende. Un jon hunte dan les rup un sonakai.

2. Rajengro liil 3:5

Har o Ahab meras, peras o baro rai pral kol Moabarja tele o baro rajestar pral Israel.

1. Familjakro liil 18:2

Ninna das lo i Moabarja. Un jon wan o Davideskre budepangre un hunte plaissran ap leste, hoi lo lendar kamas.

Debleskri gili 110:2

O baro Dewel kras, te wal tu baro rai ap i berga Zion, un job krell tiro them baro un bareder. “Ab rai”, penell lo, “pral lauterende, kai hadan pen ap tute.”

Debleskri gili 45:6

De tire faile karje, te djan le an o dji kolendar, kai kurenn pen tuha. Jaake perenna i wawar themma glan tute.

Jesaja 15:1

Kate sikrell o Dewel, hoi pral o them Moab wella. An jek rat well o foro Ar an o them Moab khetne stakedo. Un ko foro hi buder gar koi. An jek rat well o foro Kir an o them Moab khetne stakedo. Un o foro hi buder gar koi.

Jesaja 9:7

O baro Dewel rakras o tchatchepen win pral o kheer Jakob. Un leskri choli peras ap i Israelende.

Jeremia 48:1

Laba pral o them Moab. Kowa penell o baro Dewel, ko rai pral o bolepen un i phub, kai o Israeleskro Dewel hi: Djungeles djal kol menshenge an o foro Nebo. Khetne dino well lengro foro. Ladj well pral o foro Kirjatajim. Dren lino well lo. I massuri trul o foro well tele dino un khetne phagedo.

Jeremia 48:45

Khine naashepangre dran wawar forja wenn pash o foro Heshbon, te atchenn le koi. Koi well i jag win dran Heshbon, un i bari jagakri tchip djal dran o kheer o baro rajestar Sihon win, un chatchrell o them, kai kol bare mujengre djiwan, fun win bis mashkral dren ap i berge.

Zakarie 10:4

Dran lende kokres wenna kolla, kai pral lende penepaske hi, lengre raja un pralstune. Jon hi har kol barra, kai rikrenn o kheer, un har i saster, hoi rikrell i plachteno kheer un har boge o kurepaske.

Zakarie 12:10

O Davideskre menshenge un i menshenge an Jerusalem krau lengre djia pre, te wenn le kamles jek ap o wawareste un mangenn mandar latchepen. Un jon dikenn ap koleste, kai dan le an i rig tchurje. Un jon denn gole i ropah pral leste, har jek pral peskro mulo tchaweste gole dell, koles kek wawar tchawe hi, un har rowenn i menshe pral pengro phureder tchawo, kai meras.

4. Mose 21:29

Djungelo tuke Moab! Tumer menshe ko deblestar Kemosh han nashedo. Tire tchawe wan dino un nashan, un tire tcha wan pandlo anlo pash o Sihon, ko baro rai pral i Amorarja.

4. Mose 24:16

Kowa penell, kai shunell o Debleskro rakepen, un koon djinella, hoi ko pralstuno krella. Me dikau, hoi o sorelo Dewel mange sikrell. Mire jaka wenn pre kerdo, te djau ap i tchanga.

Louka 1:78

Maro Debles hi i baro dji menge. Leskro kamlepen well pash mende. Kowa hi har o kham, hoi djal pre ap o bolepen,

Hebrearja 1:8

Ap peskro tchaweste penas lo: Tu, o Dewel, atcheh o baro rai kanna un hako tsiro. Tu hal tchatcho un latcho ap tire menshende.

2. Petro 1:19

Doleske djinah mer tchatchepah, kai kowa tchatcho hi, hoi o Debleskre rakepangre penan. Tumer krenna mishto, te denn garda koi pre. Ko lab hi har i momeli, hoi chatchella an i rat, bis te well o diwes. Palle djal i raili momeli an tumare djia pre.

Judas 1:11

Bibacht well ap lende! Jon djan ap o tchilatcho drom, kai ninna o Kain djas. Un i lowenge anenn le doosh ap pende, jaake har o Bileam kras. Un jaake har o Korach merenn le. O Korach hadas pes peskre menshentsa pral o Debleskre murshende.

Debleskro tsiro 1:7

Dikenn, job wella dran o bolepen, un hakeno dikell les, ninna kolla, kai les ap o trushel dan. Un an hake themma rowenn le pral leste, un penenn le: “Patsams mer ap leste!” Awa, jaake hunte well kowa. Amen.

Debleskro tsiro 11:15

Un ko eftato bolepaskro phurdas an peskri phurdepaskri. Koi his i rakepen an o bolepen, un bud dan bari gole, un penan: “Kanna hi o Dewel un leskro tchawo, o Jesus Kristo, i raja pral i tsele menshende ap i phub hako tsireske.”

Debleskro tsiro 22:16

Me, o Jesus, bitchrom miro bolepaskres pash tumende, te penell lo kau koowa i patslenge. Me hom o Davideskro tchawo. Me hom koi raili bolepaskri momeli, hoi djal pre taissarlake ap o bolepen.”

1. Samuel 14:38

Koi das o Saul i pralstune lurden pash peste khetne gole un penas: “Kau diwes anas jek doosh ap peste. Hatsenn win, koon kowa kras!