4. Mose 23:23 - O Debleskro Drom 2021 (Sinte)

²³ Koi hi kek durkepen, hoi rakreh nai win pral o Israel, witar kek bengeskro koowa, hoi nai krals tu o Jakobeskre menshentsa. Pral lende well penlo: Dikenn, hawo baro koowa o Dewel lenge kras!

O Debleskro Lab 2024 (Sinte-Manouche)

²³ Koy hi kek dourkepen, hoy rakreh nay vin pral o Israel, vitar kek bengeskro koova, hoy nay krals tou o Yakobeskre menshentsa. Pral lende vell penlo: Dikenn, havo baro koova o Devel lenge kras!

4. Mose 23:23 ပူးပေါင်းရင်းမြစ်များ

1. Mose 3:15

Tu un koi romni, tumen hi choli jek ap o wawareste. Ninna tire tchawen hi choli ap lakre tchawende. Un lakre tchawen hi choli ap tire tchawende. Jek lakre tchawendar stakrell tiro shero khetne. Un tu dandreh les an leskri heri.”

Debleskri gili 31:19

kolla chochene, kai hi pre-phurde un praassenn kolen, kai an o tchatchepen tardo hi.

Debleskri gili 64:9

Lengre laba kokres krenn, te san kolla pral lende, kai dikenn len.

Jesaja 41:4

Koon hi kowa, kai kras kowa lauter? Koon dell i menshen gole un penell, hoi lentsa djala? Me hom kowa, o baro Dewel; glan hake tsirja homs koi, un hom gomme koi, te wenn i palstune diwessa.

Jesaja 44:25

Me krau, te wenn kol laba gar tchatcho, hoi i durkepangre penan, un mukau kol drawepangre har dinele win te dikell. Me sikrau, har hi tchi-moldo ko goswepen kolendar, kai patsenn, te hi le gosewo. Me tchakrau pre, te hi lengro goswepen tchatchepah dinlepen.

Ezekiel 21:21

Tu charo, de dren ap i tchatchi rig, un ninna ap i serwi rig, hako kopo glan tute, kote, kai hal!

Daniel 9:15

Maro rai un Dewel, tu sikral tiri soor, har anal tire menshen win dran o them Egiptia, un kral tiro lab bares bis kau diwes. Mer anam doosh ap mende. Mer kram tchilatcho koowa.

Micha 7:15

Muk men tiri soor te dikell, ko sorelo koowa hoi menge kral, har mare phure dran o them Egiptia djan,

4. Mose 24:1

Har o Bileam kanna dikas, kai o baro Debleske kowa mishto hi, te rakrell lo i bacht pral o Israel win, rodas job gar pal i sikepen, hoi leske penell, hoi o Dewel kamella, jaake har kras job kol wawar kope. Job rissras pes un dikas ap o mulo tato them,

Mateo 12:25

O Jesus haiwas, hoi an lengro shero trujel djas. Un job penas ap lende: Hako them un hako foro djal paash, kai dui bare raja kurenn pen. Un an jek kheer nashte wenn gar dujen penepaske. Kowa djal gar.

Mateo 12:27

Te dals o pralstuno beng mande peskri soor, te nai tradoms i bengen win, koon dals tumare menshen i soor, te tradenn le i bengen win? Well jek diwes, kai jon penenn tumenge, kai kowa gar tchatcho hi, hoi tumer pral mande rakran.

Mateo 16:18

Doleske penau tuke: Tiro lab hi kanna Petro. Kowa, hoi tu kate penal, hi har i sorelo bar, ap koleste tchiwau miro kheer. Un miro kheer hi kolla, kai patsenn ap mande. Un kek nashte lell len dran mire wasta win, ninna kek merepen.

Johanni 11:47

Doleske wan kol bare rashaja un kol Farisarja i pralstune biboldentsa khetne, un penan: “Hoi kras mer? Job krell bud baro un sorelo koowa, hoi kek wawar nai krell.

Bičepangre 10:38

Tumer djinenn, har das o Dewel o Jesuseste dran Nazaret peskro Ducho un peskri soor. Un job djas trujel un kras latcho koowa, un kras lauteren sasto, kai o beng pandas. O Dewel his pash leste.

Bičepangre 15:12

Koi tchingran kol tsele menshe buder gar lentsa, un shunan ap o Pauleste un o Barnabeste, har kolla lenge penan, hawo baro un sorelo koowa o Dewel mashkral kolende kras, kai kek bibolde hi.

Bičepangre 4:16

“Hoi kras mer kal menshentsa? Hakeno an o foro Jerusalem djinell kanna, kai kran kolla i baro koowa, hoi kek wawar nai krella. Mer nai dah kowa gar buchoste.

Bičepangre 5:12

Un o Jesuseskre bitchepangre kran bud baro un sorelo koowa an o Debleskri soor ap i menshende. Un i tsele patsle his an o Salomeskri bari isema an o Debleskro baro kheer khetne.

Bičepangre 5:14

Bud mursha un djuwja patsan ap o Jesuseste un wan i patslentsa khetne.

Remarja 16:20

O Dewel, kai dell tumen peskri bacht an o dji, krell o bengeskri soor paash. Un ko tsiro well sik. O latchepen maro rajestar, o Jesus Kristestar, djal tumentsa!

5. Mose 3:24

“Baro Dewel, miro rai, tu sikral man, tiro budepaskres, tiro barepen un tiro sorelo wast. An o bolepen un ap i phub hi kek wawar dewel, kai nai krell sawo baro koowa an sawi bari soor har tu.

Josua 13:22

Mank kolende, kolen i Israelitarja o chareha maran, his ninna ko durkepaskro, o Bileam, koleskro dad o Beor his.

Debleskro tsiro 12:9

Un o baro lolo sap was win witsedo. Job hi ko phuro sap, hoi kharella ninna Beng un Satan, ko chocheno, kai tserdell i menshen ap i tseli phub ap peskro drom. Job was tele witsedo ap i phub, un leskre kurepangre leha.