4. Mose 23:14 - O Debleskro Drom 2021 (Sinte)

¹⁴ Un job anas les pash i phub, hoi kharella ‘dur dikepen’, ap koi berga Pisga, un kras efta chatchepangre, un chatchras ap haki chatchepaskri o Debleske i terno gurum un i bakro.

O Debleskro Lab 2024 (Sinte-Manouche)

¹⁴ Oun yob anas les pash i phoub, hoy kharella dour dikepen, ap koy berga Pisga, oun kras efta rhačepangre, oun rhačras ap haki rhačepaskri o Debleske i terno gouroum oun i bakro.

4. Mose 23:14 ပူးပေါင်းရင်းမြစ်များ

Jesaja 46:6

Kol menshe, kai krenn pen i chocheno dewel, lenn sonakai dran lengri possita, un tchiwenn rup ap i waga, te plaissrenn le koles, kai haiwell mishto te budrell an sonakai un rup, te krell lo kolestar i dewel lenge. Glan koleste witsrenn jon pen tele ap i phub, un mangenn les an.

Hosea 12:11

Me rakrom ap mire rakepangre, un sikrom lende bud kope, hoi wella. Dran lende mukom tumenge trad te dell.

4. Mose 21:20

Un jon mukan Bamot-Baal pal pende un wan an ko telstuno them, hoi an o them Moab tchiddo hi, pash koi berga Pisga, hoi tele dikella ap ko pani Jordan.

4. Mose 23:13

O Balak penas ap leste: “Am mantsa ap i wawar platsa, kai dikeh i tsele menshen un gar i tikno kotar lendar har kate! Un kote rake i bibacht win pral o Israel!”

4. Mose 23:15

Un o Bileam penas ap o Balak: “Dja pash tiro viecho, hoi chatchreh o Debleske! Me kamau dureder te djal, te wap khetne o Debleha.”

4. Mose 23:29

Un o Bileam penas ap o Balak: “Kre mange kate efta chatchepangre, un an mange kate efta terne gurma un efta bakre!”

5. Mose 3:27

Dja pral pre ap i berga Pisga, un dik tut trujel, dik serwes un tchatches un glan un pal tute! Dik lauter mishto an! Tu djiness, te djas tu gar pral o Jordan wergel.

5. Mose 34:1

Un o Mose djas dran o telstuno them, kai i Moabarja djiwenn, un djas pre ap i berga Nebo, bis pral pre ap ko pralstuno kotar, hoi kharell Pisga un hi tchiddo ap i wawar rig o forestar Jericho. Un o baro Dewel mukas les kote o tselo them te dikell: o them Gilead un dureder pre bis pash o them Dan,

5. Mose 4:49

An leste his ninna ko tselo telstuno them ap kai rig o panjestar Jordan, kai o kham pre djal, bis pash o Londo Baro Pani un bis pash o piro i bergatar Pisga.