4. Mose 23:1 - O Debleskro Drom 2021 (Sinte)

¹ O Bileam penas ap o Balak: “Muk kate ap efta platse barra pre te tchiwell, kai nai chatchrau viechen o Debleske, un an mange efta terne gurma un efta bakre!”

O Debleskro Lab 2024 (Sinte-Manouche)

¹ O Bileam penas ap o Balak: “Mouk kate ap efta platse barra pre te čivell, kay nay rhačrau firhen o Debleske, oun an mange efta terne gourma oun efta bakre!”

4. Mose 23:1 ပူးပေါင်းရင်းမြစ်များ

2. Rajengro liil 18:22

Kamenn tumer mange te penell: ‘Maro baro Dewel well menge ap i rig!’ Bistran tumer, kai job kowa hi, koleskre mangepaskre platse o Hiskija krik las, ninna leskre chatchepangre? Un o Hiskija mukas i menshenge an o them Juda un an o foro Jerusalem te penell: ‘Kokres glan koi chatchepaskri, kai an o foro Jerusalem tardo hi, hunte witsrenn tumen tele.’

1. Familjakro liil 15:26

Un o Dewel his i Levitarentsa, kai o mochton hidjrenn, kai o baro Debleskre deesh laba dren hi, un lauter djas mishto. Doleske maran le leske efta terne gurma un efta mursh bakre.

2. Familjakro liil 29:21

Un jon anan efta terne gurma, un efta mursh bakre un efta terne bakre un efta mursh busja, te marenn un chatchrenn le len o baro Debleske, te nai well i doosh krik lino o rajeskro kherestar, un o Debleskro kherestar un i tsele menshendar an o them Juda. Un o Hiskija penas ap i rashajende dran o kheer Aron, te chatchrenn le i viechen ap i chatchepaskri o baro Debleske.

Hiob 42:8

Kanna lenn efta terne gurma un efta bakre un djan pash o Hiob, un marenn kol viechen kote, un chatchrenn len mange! Un o Hiob, koles miro tchatcho wast hi, hunte mangell man tumenge. Ap koleste shunau un krau tumentsa gar, har hunte kroms. Tumer rakran gar o tchatchepen pral mande har job kras.”

2. Mose 20:24

Hi mange doha, te krenn mange i chatchepaskri dran phub! Koi pre anenn mange kol marede bakren un grumjen, hoi chatchrenn tseles mange, ninna kolen, hoi mange marenn, te chan tumer lengro mass khetne glan mande. Kote, kai kamau, te mangenn man an, kote wau me pash tumende un dau tumen miri bacht un miri soor.

Gosewe laba 15:8

O baro Dewel dikell chojedes ap kowa, hoi o tchilatcho leske anell. Te mangenn les kolla an, kai an o tchatchepen tardo hi, dikell lo latches ap lengro mangepen.

Ezekiel 33:31

Un jon wenn pash tute jaake, har menshe khetne wenn, un beshenn pen pash tute, un shunenn, hoi peneh. Kowa, hoi penal, krenn le gar. Pengre mujentsa penenn le, te kamenn le man. Lengro dji djal koleske palla, har le bud lowe nai krenn.

Ezekiel 45:23

Un an kol efta diwessa, anell lo hako diwes efta terne saste gurma, un efta saste mursh bakre, te wenn le maredo un tseles chatchedo o baro Debleske, un koi pashel hako diwes jek mursh busni, te well i doosh un o pale-tchiddo koowa krik lino.

4. Mose 22:41

Un taissarlakro las o Balak o Bileames peha, un anas les pral ap i berga Bamot-Baal, te dikell job kotar ap kol tsele menshende Israel.

4. Mose 23:2

O Balak kras jaake har o Bileam penas. Un hake dui, o Balak un o Bileam, chatchran o Debleske ap haki chatchepaskri jek terno gurum un jek bakro.

4. Mose 23:29

Un o Bileam penas ap o Balak: “Kre mange kate efta chatchepangre, un an mange kate efta terne gurma un efta bakre!”

4. Mose 23:30

O Balak kras, har o Bileam penas, un chatchras ap haki chatchepaskri jek terno gurum un jek bakro.

Mateo 23:13

Tumer tchatchepangre un Farisarja! Kowa, hoi tumer krenna, ko hi gar mishto. Tumaro patsepen ap o Debleste hi chochepen! Tumer krenn o wudar pandlo, te well kek ap o Debleskro drom. Tumer djan gar koi dren. Witar gar mukenn i wawaren dren te djal.

Judas 1:11

Bibacht well ap lende! Jon djan ap o tchilatcho drom, kai ninna o Kain djas. Un i lowenge anenn le doosh ap pende, jaake har o Bileam kras. Un jaake har o Korach merenn le. O Korach hadas pes peskre menshentsa pral o Debleskre murshende.

1. Samuel 15:22

O Samuel penas: “Hoi patseh, hi shukar o baro Debleske: Vieche, hoi leske maredo wenn, sawe hoi leske tseles chatchedo wenn un sawe, kolengre feteder kotja mass leske chatchedo wenn? Kamell lo gar budeder, te shunell jek ap kowa, hoi lo penell? Djin, te shuneh tu ap o baro Debleste, hi kowa leske feteder, har te deh les viechen. Te shuneh tu mishto ap leste, hi kowa feteder, har te deh les thulle kotja i bakrestar.