4. Mose 22:7 - O Debleskro Drom 2021 (Sinte)

⁷ Un i phureder kol menshendar Moab un Midian djan khetne pash o Bileam. Un lowe his an lengre wasta o durkepaske. Un jon wan pash leste, un penan leske kol laba, hoi o Balak penas.

O Debleskro Lab 2024 (Sinte-Manouche)

⁷ Oun i phoureder kol menshendar Moab oun Midian djan khetne pash o Bileam. Oun love his an lengre vasta o dourkepaske. Oun yon van pash leste, oun penan leske kol laba, hoy o Balak penas.

4. Mose 22:7 ပူးပေါင်းရင်းမြစ်များ

Jesaja 1:23

Tire pralstune hadan pen pral mande un djan khetne i tchorepangre. Un hakeno lendar mukell pes te ginell. Un kol tchawe, kolen kek dai un kek dad hi, kolenge krenn le kek tchatchepen win. Un ko koowa kol djuwjendar, kolengro rom meras, mukenn le gar glan pende te well.

Jesaja 56:11

Bud chapen kamenn le, un lenn gar doha. Jaake hi kolla, kai ap mire menshende jak denn. Jon haiwenn tchi, hakeno dikell ap peste kokres, un rodell, har nai anell lo peskre lowe khetne.

Ezekiel 13:19

Tumaro durkepah anenn tumer ladj ap mande glan mire menshende, te lenn i wast pherdo djob un i kotar maro. Mire menshenge penenn tumer chochene laba. Un jon kamenn te shunell ap chochepen. Tumaro chochepah anenn tumer sawe menshen an o merepen, kai hunte merans gar, un krenn, te atchenn sawe djido, kai hunte merans.

Ezekiel 21:21

Tu charo, de dren ap i tchatchi rig, un ninna ap i serwi rig, hako kopo glan tute, kote, kai hal!

Micha 3:11

Tumare tchatchepangre mursha mukenn pen te makell. Tumare rashaja lenn lowe koleske, hoi le i menshenge penenn. Un i lowenge penenn o Debleskre rakepangre, glan-wi, hoi wella. Un tumer penenn: “O baro Dewel hi ap mari rig. Kek bibacht nai well pral mende.”

4. Mose 22:8

Un o Bileam penas ap lende: “Atchenn kai pral i rati! Jaake kamau me tumenge te penell, har o baro Dewel mange kowa penella!” Koi atchan kol pralstune pral i Moabarja pash o Bileam.

4. Mose 23:23

Koi hi kek durkepen, hoi rakreh nai win pral o Israel, witar kek bengeskro koowa, hoi nai krals tu o Jakobeskre menshentsa. Pral lende well penlo: Dikenn, hawo baro koowa o Dewel lenge kras!

4. Mose 24:1

Har o Bileam kanna dikas, kai o baro Debleske kowa mishto hi, te rakrell lo i bacht pral o Israel win, rodas job gar pal i sikepen, hoi leske penell, hoi o Dewel kamella, jaake har kras job kol wawar kope. Job rissras pes un dikas ap o mulo tato them,

Remarja 16:18

Sawe menshe budrenn gar maro rajeske, o Jesus Kristeske. Na-a, jon krenn, hoi lenge kokres mishto hi. Shukar labentsa un baro rakepen anenn le kolen o Debleskro dromestar tele, kai denn gar jak.

Tito 1:11

Tu pandess lengro mui! Jon sikrenn i menshende i drom, hoi gar tchatcho hi. Kowa krenn le, te well len budeder lowe. Jaake djinenn tsele familje buder gar, hoi te patsenna.

Josua 13:22

Mank kolende, kolen i Israelitarja o chareha maran, his ninna ko durkepaskro, o Bileam, koleskro dad o Beor his.

2. Petro 2:15

O tchatcho drom mukan le, un nashran pen. Jon djan ap ko tchilatcho drom, kai djas ninna o Bileam, – leskro dad hi o Beor. O Bileam kamas i tchilatcho koowa te krell, te lell lo lowe.

Judas 1:11

Bibacht well ap lende! Jon djan ap o tchilatcho drom, kai ninna o Kain djas. Un i lowenge anenn le doosh ap pende, jaake har o Bileam kras. Un jaake har o Korach merenn le. O Korach hadas pes peskre menshentsa pral o Debleskre murshende.