4. Mose 22:31 - O Debleskro Drom 2021 (Sinte)

³¹ Koi kras o baro Dewel o Bileameske i jaka pre, kai nai dikas job o baro Debleskro bolepaskres ap o drom tardo i chareha an o wast. Un o Bileam tchiwas pes ap peskre tchanga tele un witsras pes ap peskro mui.

O Debleskro Lab 2024 (Sinte-Manouche)

³¹ Koy kras o baro Devel o Bileameske i yaka pre, kay nay dikas yob o baro Debleskro bolepaskres ap o drom tardo i rhareha an o vast. Oun o Bileam čivas pes ap peskre čanga tele oun vitsras pes ap peskro mouy.

4. Mose 22:31 ပူးပေါင်းရင်းမြစ်များ

1. Mose 21:19

Un o Dewel kras lake i jaka pre. Un joi dikas i tikno pani, djas kote, kras ko gono pherdo pani, un das kol tchawes te pijell.

1. Familjakro liil 21:16

Un o David dikas pral un dikas ko bolepaskres o baro Deblestar tardo mashkral i phub un o bolepen. An leskro wast his i charo, koleha sikras lo pral o foro Jerusalem. Kote peras o David un i phureder ap pengro mui. Halauter his le an gone an-rido.

Debleskri gili 9:20

Baro Dewel, ste pre! Muk i menshen gar te hadenn le pen pral tute! An i menshen dran i tsele themma glan tute! Un rake o tchatchepen pral lende win!

2. Mose 34:8

Koi witsras pes o Mose sik ap i phub un mangas o Debles an:

4. Mose 22:30

Koi burika penas ap o Bileam: “Hom me gar tiri burika, kai tu beshal pre tiro tselo djipen? Krom me jaake tuha glan ko tsiro?” Job penas: “Na-a!”

4. Mose 24:16

Kowa penell, kai shunell o Debleskro rakepen, un koon djinella, hoi ko pralstuno krella. Me dikau, hoi o sorelo Dewel mange sikrell. Mire jaka wenn pre kerdo, te djau ap i tchanga.

4. Mose 24:4

Kowa penella, kai shunell o Debleskro rakepen. Me dikau, hoi o sorelo Dewel mande sikrella. Mire jaka wenn pre kerdo, te djau ap i tchanga.

Louka 24:16

Jon prindjran les gar, har te wans lengre jaka pandlo.

Louka 24:31

Koi haiwan le, kowa hi o Jesus. Un ap jek kopo dikan le les buder gar.

Johanni 18:6

Har o Jesus ap lende penas “Me hom kowa,” djan jon i kotar pale un peran ap i phub.

Bičepangre 26:18

Tu kress lenge i jaka pre, te wenn jon dran o tamlepen pash i momeli, te less len dran o bengeskro wast win, un te aness len pash o Debleste. Te patsenn le ap mande, palle lell o Dewel lengri doosh lendar krik. Un jon wenn o Debleskre tchawe, un djiwenn leha an o bolepen khetne lauterentsa, kai Debleskre tchawe hi.

Josua 5:13

His i diwes, har o Josua pash o foro Jericho his, koi dikas job ap jek kopo i murshes glan peste. Koles his peskro charo an o wast. Un o Josua djas pash leste un penas: “Ap koneskri rig hal tu? Ap mari rig? Ap i wawarengri rig?”

Josua 5:14

Un job penas: “Kek kol dujendar! Me hom o pralstuno pral o baro Debleskre lurdende. Un kanna wom kai.” Kote peras o Josua ap peskro mui ap i phub, un mangas les an, un penas ap leste: “Me hom tiro budepaskro. Hoi penell miro rai ap mande, te krap?”