4. Mose 22:12 - O Debleskro Drom 2021 (Sinte)

¹² O Dewel penas ap o Bileam: “Ma dja lentsa! Ma rake i bibacht pral kol menshende win! Miri bacht un soor hi ap lende tchiddo.”

O Debleskro Lab 2024 (Sinte-Manouche)

¹² O Devel penas ap o Bileam: “Ma dja lentsa! Ma rake i bibarht pral kol menshende vin! Miri barht oun zoor hi ap lende čiddo.”

4. Mose 22:12 ပူးပေါင်းရင်းမြစ်များ

1. Mose 12:2

Me kamau te well tutar i bari natsjona. Me tchiwau miri soor un miri bacht ap tute, un kamau tiro lab bares te krell. Un koi bacht, hoi me tut dau, djal dureder ap i wawar menshenge.

2. Familjakro liil 31:10

Un o baro rashai Asarja dran o kheer Zadok, penas ap leste: “Fun ko tsiro, kai wan i menshe an o baro Debleskro kheer un anan leske, hoi lenge penlo was, cham un wam tchales, un ninna atchas bud pral. O baro Dewel tchiwas peskri bacht ap peskre menshende. Doleske atchas jaake bud chapen pral.”

Debleskri gili 144:15

Bachteles hi kol menshe, kolenge jaake djala! Awa, bachteles hi kol menshe, kolengro Dewel o baro Dewel hi!

Debleskri gili 146:5

Bachtelo hi kowa, koleske o Jakobeskro Dewel ap i rig well, awa, kowa hi bachtelo, kai kokres ap peskro baro Debleste dikell.

Jesaja 61:9

Lengre tchawe, kai pal lende wenna, hi prindjedo un an-diklo pash i menshende an hake themma. Un koon len dikell, haiwell: Kolla hi i menshe, ap kolende o baro Dewel peskri bacht tchiwas.

Micha 6:5

Tumer mire menshe, mukenn tumenge an o shero te well, hoi kamas o Balak – ko baro rai pral o them Moab – tumenge te krell, un hoi penas leske o Bileam, koleskro dad o Beor his! Mukenn tumenge an o shero te well, har djan tumare phure pral wergel o pani Jordan ap lengro drom dran Shittim dureder an Gilgal. Palle haiwenn tumer, hawo bud latchepen tumenge krom.

4. Mose 22:11

‘I bari natsjona was dran o them Egiptia kate, un hi an o tselo them. Am ap miri rig un rake i bibacht win pral kal menshende! Nashte well jaake, kai kurau man lentsa, un tradau len.’”

4. Mose 22:13

Koi stas o Bileam taissarlake pre, un penas ap kol pralstunende, kolen o Balak bitchras: “Djan an tumaro them pale! O baro Dewel kamell gar, te djap me tumentsa.”

4. Mose 22:6

Un jon hi sorleder har mer. Am kanna ap miri rig! Rake i bibacht win pral kal menshende! Nai well jaake, kai marau len, un tradau len dran kau them win. Me djinau: Pral koneste tu rakreh i bacht win, ap koleste hi i bacht tchiddo. Un pral koneste tu rakreh i bibacht win, ap koleste hi i bibacht tchiddo.”

4. Mose 23:23

Koi hi kek durkepen, hoi rakreh nai win pral o Israel, witar kek bengeskro koowa, hoi nai krals tu o Jakobeskre menshentsa. Pral lende well penlo: Dikenn, hawo baro koowa o Dewel lenge kras!

4. Mose 23:3

Un o Bileam penas ap o Balak: “Dja pash ko viecho, hoi chatchreh o Debleske. Me kamau dureder te djal. Nai well, te mukell pes o baro Dewel glan mande te dikell. Palle kamau tuke te penell, hoi job mande sikrella.” Un job djas ap i berga, kai hi kek weesh.

4. Mose 23:8

Har nai rakrau me i bibacht win pral kolende, ap kolende o baro Dewel kek bibacht tchiwella? Har nai praassau me jekes, koles o baro Dewel gar praassella?

4. Mose 24:9

O Israel tchiwas pes tele har i bari margodja, awa, har i terni bari margodja. Kek kamell lat pre djangrell. Bacht un soor well koles, kai rakrell i bacht pral tute win, Israel! Un bibacht well ap koleste, kai rakrell i bibacht win pral tute.

Mateo 27:19

Har o Pilato ap o tchatchepaskro beshepaskro beshdo his, te rakrell lo o tchatchepen pral leste win, mukas leskri romni leske te penell: “Ko mursh anas kek doosh ap peste. Muk les te djal! Taissar rati his man i tchilatchi suni, un man his bare duka dran leste.”

Remarja 11:29

Kowa, hoi job della, lell lo gar pale, un kones job gole della, un win rodella, koles tchiwrell lo gar ap i rig.

Efesarja 1:3

Sharas maro Debles! Job hi o Dewel un o dad maro rajestar, o Jesus Kristestar, un das peskro tselo bolepaskro brawlepen mende, kai ham patslo ap o Jesus Kristeste.

5. Mose 2:7

Ma bistrenn, maro baro Dewel das men bacht an halauter, hoi mare wasta kran. Job das jak ap mende ap o drom an kau baro mulo them: Star-deesh (40) bersha his o baro Dewel mentsa, un halauter hoi men hunte was, das lo men.

5. Mose 23:5

Jon wan gar pash tumende mareha un panjeha, har hans ap drom dran o them Egiptia. Un jon plaissran lowe o mursheske Bileam, koleskro dad o Beor his, dran o foro Petor an o them Mesopotamia, te rakrell lo bibacht pral tumende win.

5. Mose 28:6

Leskri bacht well ap tumaro drom, te djan ap i budi un te wenn khere.

5. Mose 33:29

Bachtelo han tumer, Israelitarja! Koon hi jaake har tumer? Tumen kokres las o baro Dewel dran o pandepen win. Job well ap tumari rig, un rikrell peskro wast pral tumende. Job kurell pes tumenge, un krell, te wenn tumer sorleder har kolla, kolentsa kurenn tumen. Jon hunte witsrenn pen tele glan tumende, un tumer djan pral lende wergel.

5. Mose 7:14

Kek wawar menshe an i tsele themma lenn jaake bud bacht. Kek hi mank tumende, witar gar mank tumare viechende, kai nai lell kek ternepen.