4. Mose 22:1 - O Debleskro Drom 2021 (Sinte)

¹ Pal kowa djan i Israelitarja dureder, un djiwan an ko telstuno them pash o pani Jordan, kai i Moabarja djiwan, ap i wawar rig o forestar Jericho.

O Debleskro Lab 2024 (Sinte-Manouche)

¹ Pal kova djan i Israelitarya doureder, oun djivan an ko telstouno them pash o pani Yordan, kay i Moabarya djivan, ap i vavar rig o forestar Yericho.

4. Mose 22:1 ပူးပေါင်းရင်းမြစ်များ

Jeremia 40:11

Glan ko tsiro nashan bud menshe dran Juda an i themma Moab, Ammon un Edom un an wawar themma. Har kolla shunan, kai o baro rai dran o them Babilonia i wast pherdo menshen pral mukas an o them Juda, un tchiwas o Gedalja pral lende,

4. Mose 21:20

Un jon mukan Bamot-Baal pal pende un wan an ko telstuno them, hoi an o them Moab tchiddo hi, pash koi berga Pisga, hoi tele dikella ap ko pani Jordan.

4. Mose 26:3

Un o Mose un o rashai o Eleasar kran kowa jaake, har o baro Dewel o Moseske penas, un dan kol tsele murshen, kai biish bersh un phureder his, khetne gole pash o pani Jordan an o telstuno them, kai i Moabarja djiwan, wergel o forestar Jericho. Kolla his kol Israelitarja, kai wan dran o them Egiptia win:

4. Mose 31:12

un anan len pash o Moseste un o rashajeste, o Eleasar, un pash i tsele wawar Israelitarja. Kolla his ap pengri platsa pash o pani Jordan an o telstuno them, kai kol Moabarja djiwan, wergel o foro Jericho.

4. Mose 32:19

Mer kamah gar lentsa i kotar them te lell ap i wawar rig o panjestar Jordan. Maro them lah ap kai rig o panjestar Jordan, kai o kham pre djal.”

4. Mose 35:1

Un o baro Dewel rakras o Moseha an o telstuno them Moab pash o pani Jordan, ap i wawar rig o forestar Jericho, un job penas:

4. Mose 36:13

Kalla hi kol tchatchepaskre laba, kai o baro Dewel o Moseske penas, te rikrenn pen i Israelitarja ap lende. Job penas len lenge an o telstuno them Moab pash o pani Jordan, wergel o foro Jericho.

5. Mose 1:5

Ap i wawar rig o panjestar Jordan an o them Moab, sikras o Mose i menshende o baro Debleskro drom. Kalla hi leskre laba:

5. Mose 3:8

Jaake lam menge an ko tsiro ko them dren, hoi his an i wasta kol dui bare rajendar pral i Amorarja, – ko them, hoi ap i wawar rig o lengsto panjestar Jordan tchiddo hi, mank o lengsto pani Arnon un i berga Hermon.

5. Mose 34:1

Un o Mose djas dran o telstuno them, kai i Moabarja djiwenn, un djas pre ap i berga Nebo, bis pral pre ap ko pralstuno kotar, hoi kharell Pisga un hi tchiddo ap i wawar rig o forestar Jericho. Un o baro Dewel mukas les kote o tselo them te dikell: o them Gilead un dureder pre bis pash o them Dan,

5. Mose 34:8

Un i Israelitarja rowan pral o Mose trijanda (30) diwessa an o telstuno them Moab. Jaake rah djas o ropaskro tsiro o Moseske.

Josua 3:16

atchas o pani, hoi pralstunes lendar his, tardo har i kheer dur pral pash o foro Adam, hoi pash Zaretan tchiddo hi. Un ko pani, hoi telstunes lendar his un tele an o Londo Baro Pani nashell, kowa nashas buder gar pal un djas krik. Un jaake nai djan i tsele menshe ap i wawar rig, pash ko foro Jericho.