4. Mose 21:34 - O Debleskro Drom 2021 (Sinte)

³⁴ Un o baro Dewel penas ap o Moseste: “Ma traash lendar! Me dom les an tire wasta, ninna o them i menshentsa. Un tu kress leha jaake, har kral o baro rajeha pral i Amorarja, o Sihoneha, kai an Heshbon djiwas.”

O Debleskro Lab 2024 (Sinte-Manouche)

³⁴ Oun o baro Devel penas ap o Moseste: “Ma traash lendar! Me dom les an tire vasta, ninna o them i menshentsa. Oun tou kress leha yaake, har kral o baro rayeha pral i Amorarya, o Sihoneha, kay an Heshbon djivas.”

4. Mose 21:34 ပူးပေါင်းရင်းမြစ်များ

2. Samuel 5:19

O David putchas o baro Deblestar: “Djap me pral pash kol Filistarja? Kameh len an mire wasta te dell?” Un o baro Dewel penas ap o Davideste: “Dja pral! Me dau kol Filistarjen an tire wasta.”

1. Rajengro liil 20:13

Koi was i Debleskro rakepaskro pash o Ahab, ko baro rajeste pral Israel, un penas ap leste: “Kawa penell o baro Dewel: Dikeh tu kol bud bud lurden? Tchatchepah, me kamau len kau diwes an tiro wast te dell, te haiwess tu, me hom o baro Dewel!”

1. Rajengro liil 20:28

Kote was o Debleskro mursh pash o baro rajeste pral Israel, un penas leske: Kawa penell o baro Dewel: “I Syrarja penan, me o baro Dewel, woms i dewel, kai ap i berge djiwell, un gar i dewel, kai ap o telstuno them djiwell. Doleske dau me kal tsele bud lurden an tiro wast, te haiwenn tumer, kai me o baro Dewel hom.”

2. Rajengro liil 3:18

Kowa hi kek baro koowa o baro Debleske. Job dell ninna kol Moabarja an tumare wasta.

Jesaja 41:13

Me, o baro Dewel, hom tiro Dewel, un taprau tiro tchatcho wast, un penau tuke: Ma dare! Me hom ap tiri rig!

4. Mose 14:9

Ma perenn o baro Deblestar tele, un trashenn gar kol menshendar an ko them! Mer kamah len pre te chal har maro. Lengro dewel, kai das jak ap lende, mukas len. O baro Dewel hi mentsa. Ma trashenn lendar!”

4. Mose 32:4

hoi las o baro Dewel dren peskre menshenge Israel, kote hi bud senlepen i viechenge, un men, tire budepangren, hi vieche.

5. Mose 2:30

O Sihon, ko baro rai an Heshbon, kamas men gar wergel leskro themestar te djal. Tumaro baro Dewel mukas leskro dji har bar te well, jaake te dikas lo tchi dren. Jaake das o baro Dewel les un leskro them an tumare wasta. Un kowa his gomme kau diwes jaake.

5. Mose 20:3

“Murshale dran Israel, shunenn! Tumer djan kau diwes an o kurepen, te kurenn tumen kolentsa, kai kamenn tumen gar an o them. Awenn sorelo! Ma darenn lendar! Un ma mukenn tumen traash te krell!

5. Mose 3:1

Kote rissram un lam o drom, hoi an o them Bashan pre djal. Un o Og, ko baro rai pral Bashan, djas win peskre tsele lurdentsa, te kurenn le pen mentsa pash o foro Edrei.

5. Mose 3:11

Kokres o Og, ko baro rai pral Bashan, atchas djido kol bare menshendar, kai ‘riese’ kharedo wan. Har meras lo, was lo paskedo an i barrengro mochton. Kowa hi jaake star metarja baro un dui metarja buchlo, un hi tardo an o foro Rabba an o them Ammon.

5. Mose 31:6

Awenn soreles un ma trashenn! Ma darenn tchi un trashenn kekestar! Tumaro baro Dewel hi kowa, kai djal tumentsa. Job atchell pash tumende un mukell tumen gar kokres.

5. Mose 7:17

Te penenn tumer an tumare djia: “Kal natsjone hi bareder har mer, har nai tradas mer len win?”

5. Mose 7:18

Palle ma darenn lendar! Ma bistrenn, hoi tumaro baro Dewel ap o Farao un ap i tsele Egiptarja kras.

5. Mose 7:21

Doleske, ma dare lendar! Tumaro baro Dewel hi mashkral tumende, ko baro sorelo Dewel, glan koleste hakenes i daar taprell.

5. Mose 7:24

Un job dell tumen lengre bare rajen an o wast. Un tumer marenn len, un lengre laba wenn bistedo. Kek nai well sorleder har tumer. Tumer marenn len halauter.

Josua 10:25

Un o Josua penas ap i pralstunende: “Ma darenn kekestar un tchi! Awenn soreles un ma trashenn! Jaake har kate dikenn, krell o baro Dewel lauterentsa, kai kurenn pen tumentsa.”

Josua 10:8

Un o baro Dewel penas ap o Josua: “Ma traash lendar! An tiro wast dom me len. Kek mursh lendar nai atchell glan tute tardo.”

Josua 8:7

Un ap ko tsiro, kai mer lendar nashah, wenn tumer dran tumaro khatepen win, un lenn o foro dren. O baro Dewel hi tumaro Dewel un dell tumen o foro an o wast.

Čačepangre 11:30

Un o Jefta das pes sowel pash o baro Debleste un penas: “Te deh tu man i Ammonarjen an miro wast,

1. Samuel 23:4

Kote putchas o David gomme i duito kopo o baro Debles, un o baro Dewel penas: “Ste pre un dja an Kehila! Me kamau tumen i Filistarjen an tumaro wast te dell!”