4. Mose 21:24 - O Debleskro Drom 2021 (Sinte)

²⁴ O Israel his sorleder un das les o chareha un las lestar ko them peske, hoi hi mank o pani Arnon un o pani Jabbok un djal bis pash o them, kai kol Ammonarja djiwenna. Ko them, kai i Ammonarja djiwan, djas bis pash o foro Jaser.

O Debleskro Lab 2024 (Sinte-Manouche)

²⁴ O Israel his zorleder oun das les o rhareha oun las lestar ko them peske, hoy hi mank o pani Arnon oun o pani Yabbok oun djal bis pash o them, kay kol Ammonarya djivenna. Ko them, kay i Ammonarya djivan, djas bis pash o foro Yaser.

4. Mose 21:24 ပူးပေါင်းရင်းမြစ်များ

1. Mose 32:22

Jaake djan i budepangre i viechentsa glan o Jakobeste. Un job atchas i rati ap koi platsa.

Nehemia 9:22

Un dal rajengre themma un wawar menshen an lengre wasta; jek them pal o wawar dal tu len. Jaake lan le o them Heshbon dren, kai o Sihon o baro rai his, ninna o them Bashan, kai o Og o baro rai his.

Debleskri gili 136:19

O Sihon, o baro rai pral i Amorarja. Leskro latchepen atchella hako tsireske!

Amos 2:9

Djinenn tumer gar, mire menshe, his tumenge, kai tradom i Amorarja glan tumende krik, kolen, kai his jaake baro un sorelo har ruka. Tchi atchas lendar pral.

4. Mose 21:13

Kotar djan le dureder, un atchan i tsiro an ko mulo tato them pash o pani Arnon ap koi rig, kai o kham tato hi. O pani Arnon nashell mank o them Moab un o them, kai i Amorarja djiwenn.

5. Mose 1:4

Kowa his pal kowa job kol dui bare rajen das: o Sihon, ko baro rajes pral i Amorarja, kai an o foro Heshbon djiwas, un palle pash Edrei o Og, ko baro rajes pral Bashan, kai an o foro Astarot djiwas.

5. Mose 29:7

Un mer lam lengro them dren un dam les i menshende dran o kheer Ruben un dran o kheer Gad un i paash familjate Manasse, te well ko them lengro them.

5. Mose 3:16

Un i menshenge dran i familja Ruben un dran i familja Gad dom me ko kotar them tchatches o themestar Gilead bis pash o lengsto pani Arnon – bis mashkral an kau pani. Ap koi rig, kai o kham pre djal, djas lengro them bis pash o lengsto pani Jabbok. Ap leskri wawar rig hi o them Ammon.

5. Mose 31:4

O baro Dewel krell kol wawar menshentsa jaake, har job kowa kras i rajentsa pral i Amorarja, o Sihon un o Og, kolen job das un lengro them paash kras.

5. Mose 4:46

An ko tsiro his le ap koi rig o panjestar Jordan, kai o kham pre djal, wergel o foro Bet-Peor an o them, kai his o Sihon o rai pral i Amorarja. Kowa djiwas an o foro Heshbon. Koles maran o Mose un i Israelitarja, har djan le dran o them Egiptia win.

Josua 13:12

Pral kau them his glan kowa o Og dran Bashan o baro rai. Kowa djiwas an kol forja Astarot un Edrei, un his jek kolendar, kai kol bare menshendar pral atchan, kai ‘riese’ kharedo wenna. Pral kolende was o Mose o sorleder an o kurepen un tradas len krik.

Josua 24:8

Palle anom me tumen an o them ap i wawar rig o panjestar Jordan, kai i Amorarja djiwan. Un jon kuran pen tumentsa. Un me dom len an tumaro wast. Un tumer lan lengro them dren. Un me tradom len glan tumende win, bis te kek lendar pral atchas.

Josua 9:10

un ninna halauter, hoi job kol dui bare rajentsa pral i Amorarja kras, kai ap i wawar rig o panjestar Jordan djiwan, ko rajeha Sihon, ko baro rajeha pral o foro Heshbon, un ko rajeha Og, ko baro rajeha pral o them Bashan, koon an o foro Astarot djiwas.

Čačepangre 10:11

Un o baro Dewel penas ap lende: “Hi gar jaake, te rikran tumen i Egiptarja tele un i Amorarja, i Ammonarja, i Filistarja,

Čačepangre 11:13

Un o rai pral i Ammonarja penas ap i murshende, kolen o Jefta bitchras: “Har was o Israel win dran o them Egiptia, las lo peske miro them, hoi tchiddo hi mank o pani Arnon un o pani Jabbok un o pani Jordan. Un kanna de kol themma an o latchepen pale pale!”

Čačepangre 21:8

Doleske putchan le: “Dell kol 12 (deesh-te-dui) bare familjendar, kai wenn o Jakobeskre tchawendar, jek, kai was gar an o foro Mizpa, har mer glan o baro Debleste khetne wan?” Un jon shunan, te was kek dran o foro Jabesh, hoi an o them Gilead hi, ap i platsa, kai o tsillo his.