4. Mose 21:18 - O Debleskro Drom 2021 (Sinte)

¹⁸ Kaja hi koi brunna, hoi kol pralstune wi-hadan. Lengre kashtentsa, awa, lengro rajeskro kashteha, hadan le lat win. Palle mukan le o pani Beer pal pende un djan dureder un wan pash Mattana.

O Debleskro Lab 2024 (Sinte-Manouche)

¹⁸ Kaya hi koy brounna, hoy kol pralstoune vi-hadan. Lengre kashtentsa, ava, lengro rayeskro kashteha, hadan le lat vin. Palle moukan le o pani Beer pal pende oun djan doureder oun van pash Mattana.

4. Mose 21:18 ပူးပေါင်းရင်းမြစ်များ

Nehemia 3:1

Un o baro rashai Eljashib kras pes ap i budi peskre phralentsa, kol wawar rashajentsa, un jon tchiwan o foreskro wudar pale pre, hoi kharas Bakrengro Wudar. Un jon rakran o Debleskri bacht pral leste win, un tchiwan kol dui wudja dren. Un jon tchiwan ninna koi massuri pale pre bis pash ko turmo, hoi kharell Mea, un bis pash ko turmo, hoi kharell Hananel, un rakran o Debleskri bacht pral i massuri win.

Nehemia 3:5

Un ap koleskri rig budran i mursha dran o foro Tekoa. Un lengre pralstune kaman gar te budrell un kran gar, hoi lenge penlo was.

4. Mose 21:17

Ap ko tsiro giwas o Israel koi gili: Pani, ab pre! Giwenn pral leste!

4. Mose 21:19

Un kotar djan le dureder un wan pash Nahalijel, un kotar pash Bamot-Baal.

Johanni 1:17

O Mose das men kol laba, kai penenna, har mer djiwas. O Jesus Kristo anas menge o Debleskro latchepen un tchatchepen.

5. Mose 33:4

O Mose sikras mende o Debleskro drom. Kal tchatchepaskre laba hi o Israeleskro brawlepen.

5. Mose 5:31

Tu, atch kai pash mande! Un me penau tuke o tselo lab, halauter hoi tumendar kamau, un mire tsele tchatchepaskre laba. Kolla lauter peness lenge, te djiwenn le pal lende an ko them, hoi me dau lende, te lenn le les lenge dren.”

Jakobo 4:12

O Dewel kokres hi o tchatchepaskro rai. Job nai dell jekes i phagi, un mukell i wawares te djal. Koon hal tu, te sikreh tu ap o wawareskri doosh?