4. Mose 20:17 - O Debleskro Drom 2021 (Sinte)

¹⁷ Muk men mank tiro them te djal ap i wawar rig! Mer kamah ap o drom te atchell un gar ap i hachetikri phub un an i drakengre themma te djal. Kamah witar gar pani dran i brunne te pijell. Na-a, mer djah gar tchatches, witar gar serwes, bis te wam ap i wawar rig.”

O Debleskro Lab 2024 (Sinte-Manouche)

¹⁷ Mouk men mank tiro them te djal ap i vavar rig! Mer kamah ap o drom te ačell oun gar ap i harhetikri phoub oun an i drakengre themma te djal. Kamah vitar gar pani dran i brounne te piyell. Na-a, mer djah gar čačes, vitar gar serves, bis te vam ap i vavar rig.”

4. Mose 20:17 ပူးပေါင်းရင်းမြစ်များ

2. Familjakro liil 20:10

Kanna dik! O Ammonarja, un o Moabarja un kolla dran i berge Seir, kamenn pen mentsa te kurell. Har mare phure wan dran o them Egiptia win, mukal len gar an kal themma te djal. Jaake djan le trul kal themma trujel un maran len gar.

4. Mose 21:1

Un har ko baro rai pral o foro Arad, ko Kanaanitari, kai djiwell an ko them, kai o kham pralstunes hi, shunas, kai was o Israel ap ko drom pash Atarim, djas job peskre lurdentsa pash lende un kuras pes lentsa, un tchiwas menshen lendar pandlo.

5. Mose 2:27

Muk men ap koi wawar rig tiro themestar te djal. Ap o drom kamah te atchell, gar tchatches un gar serwes lestar kamah te djal.

5. Mose 2:28

Hoi men hunte well chapaske, ginah mer lowentsa tumendar. Ninna pani denn tumer men lowenge, te well men tchomone te pijell. Mer kamah tchi wawar har te djal ap koi wawar rig tiro themestar,

5. Mose 2:29

bis te was mer wergel o pani lengsto Jordan an ko them, hoi maro baro Dewel men della. Dik, ninna i Edomarja, kai djiwenn an Seir, un i Moabarja, kai djiwenn an Ar, kolla mukan men wergel lengre themma te djal.”