4. Mose 20:1 - O Debleskro Drom 2021 (Sinte)

¹ Un kol tsele Israelitarja wan an o mulo tato them Zin, an o ersto tchon. Un i menshe tchiwan pengre plachtene khera pre pash o foro Kadesh. Un i Mirjam meras koi un was paskedo.

O Debleskro Lab 2024 (Sinte-Manouche)

¹ Oun kol tsele Israelitarya van an o moulo tato them Tsin, an o ersto čon. Oun i menshe čivan pengre plarhtene khera pre pash o foro Kadesh. Oun i Miryam meras koy oun vas paskedo.

4. Mose 20:1 ပူးပေါင်းရင်းမြစ်များ

1. Mose 14:7

Koi pal rissran pen kol star bare raja trujel un wan an ko foro En-Mishpat. Kowa hi kanna Kadesh. Un jon maran i tsele menshen an ko them, kai i Amalekarja djiwan, ninna i Amorarja, kai an Hazezon-Tamar djiwan.

Debleskri gili 29:8

Te rakrell o baro Dewel, trissell o mulo tato them. O baro Dewel mukell te trissell o mulo tato them, hoi kharella Kadesh.

2. Mose 15:20

Un i Mirjam, o Aroneskri pheen, his i Debleskri rakepaskretsa. Un joi las peskri bashepaskri, hoi kharella pauka, an o wast, un i tsele djuwja lan ninna pengre bashepangre, un djan lake palla, un bashran un khelan.

2. Mose 2:4

O tikno tchaweskri pheen khatras pes gar dur, te dikell joi, hoi leha djala.

2. Mose 2:7

O tikno tchaweskri pheen putchas o rajeskri tchatar: “Dap me i hebretikri djuwel gole, hoi dell kol ternepen o betch te pijell?”

Ezekiel 47:19

Un ap koi rig, kai o kham pralstunes tardo hi, djal o them Israel fun o foro Tamar bis pash o pani, hoi kharell Meriba-Kadesh, un dureder langs ko tikno pani, hoi nashell mank Israel un Egiptia, bis pash o Mashkralstuno Baro Pani. Jaake dur djal o them Israel ap koi rig, kai o kham pralstunes tardo hi.

Micha 6:4

Me hom kowa, kai anas tumen dran o them Egiptia win, kai hans pandle budepangre. Me dom tumen o Mose, o Aron un i Mirjam, te djan le glan tumende.

4. Mose 12:1

Koi rakras i Mirjam un o Aron djungeles pral o Moseste un penan: “Kowa hi gar mishto, te las job peske i romjat, kai hi i menshendar Kush. Rakras o baro Dewel kokres ap o Moseste? Rakras lo mentsa gar?” Un o baro Dewel shunas kowa.

4. Mose 12:10

Ninna koi wolka pral o Debleskro kheer djas krik. Un ap jek kopo was i Mirjam nasselo ap peskro mass, ko his parno har gib. Un har rissras pes o Aron pash i Mirjam un dikas ko nasslepen ap lakro mass,

4. Mose 12:15

Jaake was i Mirjam win anlo glan i platsa, kai i plachtene khera hi, un hunte atchas kote efta diwessa. An ko tsiro djan i menshe gar dureder. Har nai was i Mirjam palpale,

4. Mose 13:21

Un jon djan koi, un dikan, har ko them hi an o mulo tato them Zin un dureder pre, o tselo drom bis pash o foro Rehob pash Lebo-Hamat.

4. Mose 13:26

Un wan pash o Mose un o Aron un pash kol tsele Israelitarja, kai atchan an o mulo tato them Paran pash i panjeskro kotar them, hoi kharella Kadesh. Un jon penan lenge kowa, hoi jon dikan, un sikran lende kol drake, phabja un faige dran ko them.

4. Mose 20:16

Un mer dam pal o baro Debleste gole. Kowa shunas men un bitchras i bolepaskres. Un job anas men dran o them Egiptia win. Kanna ham an Kadesh, i foro gar dur tiro themestar.

4. Mose 20:22

Un i tsele Israelitarja djan dran o foro Kadesh dureder, un wan pash koi berga Hor.

4. Mose 20:28

Un o Mose riwas o Aroneske i rashajeskre koola win, un riwas len leskro tchaweste Eleasar an. Un o Aron meras koi, pre ap i berga. Un o Mose un o Eleasar djan i berga tele.

4. Mose 26:59

Koleskri romni kharas Jochebed, lakro dad his o Levi. Koja was boldo an o them Egiptia. Un joi anas o Aron, o Mose un lengri pheen, i Mirjam ap i phub.

4. Mose 27:14

Kowa well doleske, kai shunan gar ap miro lab an o mulo tato them Zin, har i Israelitarja chojedo his un pal pani gole dan, un tumer mukan man gar te sikrap, te hom tchatchepah o baro un sorelo Dewel, kai nai dell len pani.” Kowa his pash o foro Kadesh an o mulo tato them Zin. Ko pani was kharedo ‘tchingepaskro pani’.

4. Mose 33:36

an Kadesh, hoi hi tchiddo an o mulo tato them Zin.

5. Mose 1:46

Jaake atchan tumer ap i panjengri platsa Kadesh i rah tsiro.

5. Mose 2:14

Kowa his 38 (trijanda-te-ochta) bersha pal ko diwes, kai djam o ersto kopo dran Kadesh-Barnea. An ko tsiro bersha meran i tsele kurepangre dran Israel, jaake har o baro Dewel pes sowel das, te well kowa jaake.

5. Mose 32:51

Tumer dui nai djan gar an o them dren doleske, kai shunan gar ap mande, har hans pash ko pani, hoi kharell Meriba-Kadesh an o mulo them Zin. Un i Israelitarja dikan, har hadan tumer man gar, un mukan man gar te sikrell, te hom me o tchatcho Dewel.

Čačepangre 11:16

Kowa his jaake: Har djan jon dran Egiptia win, djas o Israel mank o mulo them, bis pash o Baro Lolo Pani, un was bis pash o foro Kadesh.