4. Mose 2:3 - O Debleskro Drom 2021 (Sinte)

^3-4 I platsa kol menshenge dran o kheer Juda hi glan o Debleskro kheer ap koi rig, kai o kham pre-djala, pash pengri pre-tchiddi plachta. Pash lende hi ninna lengre lurde, 74.600 (efta-deesh-te-star-serja-shob-sheel) mursha. Lengro pralstuno hi o Nachshon, koleskro dad o Amminadab hi.

O Debleskro Lab 2024 (Sinte-Manouche)

^3-4 I platsa kol menshenge dran o kheer Youda hi glan o Debleskro kheer ap koy rig, kay o kham pre-djala, pash pengri pre-čiddi plarhta. Pash lende hi ninna lengre lourde, 74.600 (efta-deesh-te-star-zerya-shob-sheel) morsha. Lengro pralstouno hi o Nashon, koleskro dad o Amminadab hi.

4. Mose 2:3 ပူးပေါင်းရင်းမြစ်များ

1. Mose 35:22

An ko tsiro har o Israel an ko them djiwas, djas o Ruben pash o Jakobeskri wawar romjate, i Bilha, un tchiwas pes pash late. Un o Jakob shunas kowa. O Jakobes his deesh-te-dui tchawe.

1. Mose 35:23

I tchawe, kolen i Lea ap i phub anas his o Ruben, ko phureder tchawo o Jakobestar. Pal leste was o Simeon, o Levi, o Juda, o Issachar un o Sebulon.

1. Familjakro liil 2:10

O Ram: Leskro tchawo his o Amminadab, un koleskro tchawo his o Nachshon, ko pralstuno pral o kheer Juda.

1. Familjakro liil 5:2

O sorleder mank peskre phrala his o Juda. Doleske was jek dran o kheer Juda o baro rai pral Israel, ninna te his o Josefes o tchatchepen, hoi i phureder tchaweske hi.

2. Mose 6:23

O Aron las peske i romni: i Elisheba. Lakro dad hi o Amminadab. Un lakro phraal hi o Nachshon. Un joi las tchawe: o Nadab, un o Abihu, o Eleasar un o Itamar.

4. Mose 1:5

Kalla hi kol laba kol murshendar, kai ap tumari rig wenn: Dran o kheer Ruben: o Elizur, leskro dad hi o Shedehur.

4. Mose 1:7

Dran o kheer Juda: o Nachshon, leskro dad hi o Amminadab.

4. Mose 10:5

Te phurdenn tumer soreles, hunte stenn kolla pre, kai hi lengre platsa kote, kai i kham pre djala, te djan le dureder.

4. Mose 3:38

Glan o Debleskro kheer, ap koi rig, kai o kham pre djala, hunte well koi platsa o Moseske un o Aroneske peskre tchawentsa, te denn jon garda, te well o Debleskri budi mishto kerdo i tsele Israelenge. Un te well i wawar pash o Debleskro kheer, te krell lo kai budi, hunte merell lo.

4. Mose 7:12

Un jaake anan le pengro koowa: Ap o ersto diwes was o Nachshon, – leskro dad hi o Amminadab – dran o kheer Juda. Ap o duito diwes was o Netanel, – leskro dad hi o Zuar – dran o kheer Issachar. Ap o triinto diwes was o Eliab, – leskro dad hi o Helon – dran o kheer Sebulon. Ap o starto diwes was o Elizur, – leskro dad hi o Shedehur – dran o kheer Ruben. Ap o pantchto diwes was o Shelumijel, – leskro dad hi o Zurishaddai – dran o kheer Simeon. Ap o shobto diwes was o Eljasaf, – leskro dad hi o Deguel – dran o kheer Gad. Ap o eftato diwes was o Elishama, – leskro dad hi o Ammihud – dran o kheer Efrajim. Ap o ochtato diwes was o Gamalijel, – leskro dad hi o Pedazur – dran o kheer Manasse. Ap o enjato diwes was o Abidan, – leskro dad hi o Gidoni – dran o kheer Benjamin. Ap o deshto diwes was o Ahijeser, – leskro dad hi o Ammishaddai – dran o kheer Dan. Ap o deesh-te-jekto diwes was o Pagijel, – leskro dad hi o Ochran – dran o kheer Asser. Ap o deesh-te-duito diwes was o Ahira, – leskro dad hi o Enan – dran o kheer Naftali. Hakeno anas o emligo koowa: Jek baro rupeno tcharo, jek-te-paash kilogramme pharo, jek wawar tikneder rupeno tcharo, ochta-sheel (800) gramme pharo. Jek grammi his jaake bud, har jek grammi an o Debleskro kheer his. Hake dui tchare his pherdo jarro, kai djet dren hi. Ko chapen dan le o Debleste, te well kowa leske chatchedo. Koi pashel anas hakeno jek tikno sonakaskro tcharo, sheel-te-biish gramme pharo, pherdo sungepaskro koowa, hoi o Debleske chatchedo wella; jek terno gurum, jek mursh bakro, i wawar jek-bersheskro bakro chatchepaske o Debleske; jek mursh busni, hoi well chatchedo, te well i doosh krik lino. Ninna anas hakeno dui grumja, pantch mursh bakre, pantch mursh busja un pantch jek-bershengre bakre, te chan le len khetne glan o Debleste.

Mateo 1:4

Koleskro tchawo his o Amminadab. Koleskro tchawo his o Nason. Koleskro tchawo his o Salmon.

Ruth 4:20

Leskro tchawo his o Nachshon. Leskro tchawo his o Salmon.