4. Mose 2:2 - O Debleskro Drom 2021 (Sinte)

² har i Israelitarja hunte tchiwenn pengre plachtene khera pre. Un job penas: Hakeno hunte tchiwell peskro kheer pre pash koi pre-tchiddo kotar than, hoi sikrella, hawe menshendar job hi. I tsele khera wenn pre-tchiddo trul o Debleskro plachteno kheer.

O Debleskro Lab 2024 (Sinte-Manouche)

² har i Israelitarya hounte čivenn pengre plarhtene khera pre. Oun yob penas: Hakeno hounte čivell peskro kheer pre pash koy pre-čiddo kotar than, hoy sikrella, have menshendar yob hi. I tsele khera venn pre-čiddo troul o Debleskro plarhteno kheer.

4. Mose 2:2 ပူးပေါင်းရင်းမြစ်များ

Debleskri gili 74:4

Bari gole dan le an tiro kheer, un tchiwan kol plachte pre, hoi sikrenn, te hi jon i sorleder.

Debleskri gili 76:11

Te hadenn pen chojede menshe pral tute, maro Debleste, well diklo, har baro tu hal. Un kowa, hoi pral atchell lengri choljatar, hi tuke har i shukar ripen, hoi riweh.

Jesaja 12:6

Giwenn un denn gole i bachtjatar, tumer, kai djiwenn an o foro Zion. O Israeleskro Dewel hi bares mashkral tumende.

Jesaja 18:3

Denn jak, tumer menshe, kai ap i phub djiwenn, te rikrell jek o themeskri plachta pre pral ap i berge, palle denn jak! Un te phurdell jek an i phurdepaskri, palle shunenn koi!

Ezekiel 43:7

Job penas ap mande: Tu, mensho, kate hi koi platsa, kai miri beshepaskri tardo hi un ko banko, ap koleste mire pire tchiwau. Kate djiwau hako tsireske mashkral i Israelitarjen. Un i Israelitarja anenn buder gar ladj ap mande, jon gar un lengre bare raja witar gar. Kowa kran le, har mangan le wawar deblen an, un har paskran le pengre bare rajen gar dur miro kherestar.

Zakarie 9:16

Ap ko diwes lell len lengro baro Dewel win dran i tchilatche wasta. Job hi lenge har i bakrengro, kai dell garda ap peskre bakren. Har i kutch barra ap i rajeskri stadi krenn le o them shukar.

4. Mose 1:50

Tu dess len gole, te budrenn jon an o Debleskro plachteno kheer, kai o Debleskre deesh laba dren hi, un ap halauter, hoi an kau kheer hi. Jon hunte hidjrenn o Debleskro kheer un halauter, hoi koi dren hi, un denn garda ap halauter, un tchiwenn pengre plachtene khera trul o Debleskro kheer.

4. Mose 10:14

Kol menshe dran o kheer Juda his i glanstune, kai djan win. Lengro pralstuno his o Nachshon, koleskro dad o Amminadab hi. Lentsa djan kol menshe dran o kheer Issachar un dran o kheer Sebulon. I pralstuno pral o kheer Issachar his o Netanel. Leskro dad hi o Zuar. Un o pralstuno pral o kheer Sebulon his o Eliab. Leskro dad hi o Helon.

4. Mose 10:18

Pal lende djan kol menshe dran o kheer Ruben. Lengro pralstuno his o Elizur, koleskro dad o Shedehur hi. Lentsa djan kol menshe dran o kheer Simeon un dran o kheer Gad. O pralstuno pral o kheer Simeon his o Shelumijel, koleskro dad o Zurishaddai hi. Un o pralstuno pral o kheer Gad his o Eljasaf, koleskro dad o Deguel hi.

4. Mose 10:22

Pal lende djan kol menshe dran o kheer Efrajim. Lengro pralstuno his o Elishama, koleskro dad o Ammihud hi. Lentsa djan kol menshe dran o kheer Manasse un dran o kheer Benjamin. O pralstuno pral o kheer Manasse hi o Gamalijel, leskro dad hi o Pedazur. Un o pralstuno pral o kheer Benjamin his o Abidan, leskro dad hi o Gidoni.

4. Mose 10:25

Pal lende djan kol menshe dran o kheer Dan. Lengro pralstuno his o Ahijeser, koleskro dad o Ammishaddai hi. Lentsa djan kol menshe dran o kheer Asser un dran o kheer Naftali. O pralstuno pral o kheer Asser his o Pagijel. Leskro dad hi o Ochran. Un o pralstuno pral o kheer Naftali his o Ahira, koleskro dad o Enan hi.

4. Mose 2:1

Un o baro Dewel rakras o Moseha un o Aroneha un penas lenge,

4. Mose 2:10

Un kote, kai o kham tato hi, hunte tchiwenn kolla pengre plachtene khera pre pash pengri pre-tchiddi plachta, kai wenna dran o kheer Ruben. Pash lende hi ninna lengre lurde, 46.500 (star-deesh-shob-serja-pantch-sheel) mursha pengro pralstuneha, o Elizur, leskro dad hi o Shedehur.

4. Mose 2:3

I platsa kol menshenge dran o kheer Juda hi glan o Debleskro kheer ap koi rig, kai o kham pre-djala, pash pengri pre-tchiddi plachta. Pash lende hi ninna lengre lurde, 74.600 (efta-deesh-te-star-serja-shob-sheel) mursha. Lengro pralstuno hi o Nachshon, koleskro dad o Amminadab hi.

4. Mose 24:2

un dikas kol Israelitarja, har lengre plachtene khera tardo hi, haki bari familja peske. Un o Debleskro ducho was ap leste.

1. Korintarja 14:33

O Dewel kamell kek tchingepen. Job kamell, te djal lauter mishto. Kowa hi jaake an hake forja, kai i patsle khetne wenna.

1. Korintarja 14:40

Krenn kawa jaake, te djal kowa lauter mishto un shukar!

Filiparja 1:27

Kanna, krenn lauter, te djan jaake ap o Jesuseskro drom, har kowa tumende siklo was! Krenn kowa ninna, te hom gar pash tumende! Te dikau tumen gar, kamaus te shunap, te rikrenn tumer lauter khetne an o patsepen, un te krenn i tseli sorjah lauter, te well o patsepen ap o Jesus Kristeste sorelo pash tumende.

Kolossarja 2:19

Jon rikrenn pen gar ap o Jesus Kristeste, ko rai pral i tsele patslende. Jaake har i kokale i menshes khetne rikrenna, jaake rikrell job i patslen khetne pash leste, un dell len lauter, hoi len hunte well djipaske. Un jon wenna baro un sorelo an o patsepen jaake, har o Dewel kowa kamella.

Josua 3:4

Ko mochton sikrell tumen o drom, hoi hunte djan. Bis kanna djan tumer ko drom gomme gar. Rikrenn tumen i kotar pal ko mochton! Mukenn jaake jek kilometari mank leste un tumende!”