4. Mose 19:9 - O Debleskro Drom 2021 (Sinte)

⁹ Un i mursh, kai gar pale-tchiddo hi, hunte lell koi jagakri tchik koi grumjatar, un tchiwell lat win glan i plachtene khera ap i djudji platsa, te atchell kai jagakri tchik kote o tselo khereske Israel, te nai krenn le latar i pani thopaske, hoi lell i pale-tchiddo koowa i menshendar krik.

O Debleskro Lab 2024 (Sinte-Manouche)

⁹ Oun i morsh, kay gar pale-čiddo hi, hounte lell koy yagakri čik koy groumyatar, oun čivell lat vin glan i plarhtene khera ap i djoudji platsa, te ačell kay yagakri čik kote o tselo khereske Israel, te nay krenn le latar i pani thopaske, hoy lell i pale-čiddo koova i menshendar krik.

4. Mose 19:9 ပူးပေါင်းရင်းမြစ်များ

3. Mose 15:20

Un halauter, kai li an kau tsiro pre tchiddo oder beshdo his, hi pale-tchiddo.

Zakarie 13:1

“An ko tsiro nashell i pani an o foro Jerusalem, hoi nashell i menshenge dran o kheer David un i wawar menshenge an Jerusalem, te thowell lo lengri doosh un kowa krik, hoi kras len pale-tchiddo glan mire jaka”, penell o baro Dewel.

4. Mose 19:13

Te taprell jek i mulo menshes an un kamell pes gar jaake te thowell, palle krell lo o Debleskro kheer pale-tchiddo. Un sawo mensho hunte well infam kerdo un nai djiwell buder gar mank i Israelitarja. Ko pani, hoi lell o pale-tchiddo koowa krik, was gar ap leste witsedo. Doleske atchell lo pale-tchiddo, un ko pale-tchiddo koowa atchell ap leste.

4. Mose 19:17

Koleske, kai pale-tchiddo hi, hunte lenn tumer jagakri tchik kol grumjatar, hoi pre chatchedo was, tchiwenn kowa an i piri, un tchorenn djudjo pani pre.

4. Mose 19:18

Un i mursh, kai gar pale-tchiddo hi, hunte lell kol patria, hoi kharenna ‘Ysop’ un tchiwell len an ko pani un witsrell kowa ap o plachteno kheer un ap kol pirja, tchare un khore, hoi koi dren hi, ninna ap hakeneste, kai an ko kheer hi. Ninna hunte witsrell lo ko pani ap koleste, kai tapras i mules an, leskre kokale, ninna koi phub, kai was job paskedo.

4. Mose 19:3

Un de lat ko rashajeste Eleasar. Kowa hunte anell lat win glan i plachtene khera. Un kote glan leskre jaka mukell lo lat te marell.

4. Mose 19:8

Un ko mursh, kai chatchras koi grumjat pre, kowa ninna hunte thowell pes un peskre koola, un atchell pale-tchiddo bis ap i rati.

4. Mose 6:12

te well lo newes o baro Debleske koi ko tsireske, kai das lo pes sowel. Un job hunte lell i bakro, hoi jek bersh phuro hi, un dell les o Debleste, te well halauter pale mishto. Kol diwessa glan te wan leskre balla pale-tchiddo, his tchitcheske.

4. Mose 8:7

Jaake hunte kress tu lentsa, te kreh tu len erligo: Tu tchiwess pani ap lende, te well lengri doosh krik lino. Un jon hunte tchinenn halauter pengre balla tele, un thowenn pengre koola, un krenn pen jaake djudjo un erligo.

4. Mose 9:13

Koon gar pale-tchiddo hi un gar ap o drom hi, kowa hunte rikrell o Passa ap o tchatcho diwes. Te krell lo kowa gar, hunte well lo infam un atchell buder gar pash peskre menshende. Koi phagi lell lo doleske, kai was lo gar ap o tchatcho tsiro glan o baro Debleste, te anell lo leske i bakro. Leskri doosh atchell ap leste.

2. Korintarja 5:21

O Dewel tchiwas mari tseli doosh ap maro rajeste, o Jesus Kristeste, kai job kek tchilatchepen kras, te was mer tchatcho un erligo glan o Debleskre jaka.

2. Korintarja 7:1

Mire phrala, kol latche labentsa penas o Dewel, hoi kamell lo menge te krell. Doleske mukas mer kol tselo djungelo koowa, un kras mare djia djudjo, te djiwas latches un tchatches glan o Debleste, jaake har job mendar kamella.

Hebrearja 7:26

O Jesus hi o baro rashai, kai hunte well men. Job hi latcho glan o Debleskre jaka. Kek tchilatchepen, witar kek doosh hi ap leste. Na-a, job hi gar jaake har mer tchilatche menshe ham, kai ham pale-tchiddo glan o Debleste. Un o Dewel kras les bareder har hako wawar an o bolepen.

Hebrearja 9:13

An o phuro tsiro tchoras o rashai o bakrengro rat, un o grumjengro rat, un o jagakri tchik i chatchedi grumjatar ap kolende, kai hi pale-tchiddo glan o Debleste, te wenn le pale erligo kerdo. Te hi o viecheskro rat jaake sorelo,