4. Mose 19:17 - O Debleskro Drom 2021 (Sinte)

¹⁷ Koleske, kai pale-tchiddo hi, hunte lenn tumer jagakri tchik kol grumjatar, hoi pre chatchedo was, tchiwenn kowa an i piri, un tchorenn djudjo pani pre.

O Debleskro Lab 2024 (Sinte-Manouche)

¹⁷ Koleske, kay pale-čiddo hi, hounte lenn t'mer yagakri čik kol groumyatar, hoy pre rhačedo vas, čivenn kova an i piri, oun čorenn djoudjo pani pre.

4. Mose 19:17 ပူးပေါင်းရင်းမြစ်များ

1. Mose 26:19

Un o Isaakeskre budepangre hadan tchik win an koi tala un hatsan pani.

Kamlepaskri gili 4:15

I pani, hoi an i baar nashella hal tu, i djido pani, hoi dran o Libanon tele nashella.

Ezekiel 36:25

Me witsrau djudjo pani ap tumende, te wenn djudjo halauterestar, hoi kras tumen pale-tchiddo. Ko tselo tchilatchepen, hoi ap tumende anan, har mangan i chochene deblen an, thowau tumendar tele.

Zakarie 13:1

“An ko tsiro nashell i pani an o foro Jerusalem, hoi nashell i menshenge dran o kheer David un i wawar menshenge an Jerusalem, te thowell lo lengri doosh un kowa krik, hoi kras len pale-tchiddo glan mire jaka”, penell o baro Dewel.

4. Mose 19:18

Un i mursh, kai gar pale-tchiddo hi, hunte lell kol patria, hoi kharenna ‘Ysop’ un tchiwell len an ko pani un witsrell kowa ap o plachteno kheer un ap kol pirja, tchare un khore, hoi koi dren hi, ninna ap hakeneste, kai an ko kheer hi. Ninna hunte witsrell lo ko pani ap koleste, kai tapras i mules an, leskre kokale, ninna koi phub, kai was job paskedo.

4. Mose 19:9

Un i mursh, kai gar pale-tchiddo hi, hunte lell koi jagakri tchik koi grumjatar, un tchiwell lat win glan i plachtene khera ap i djudji platsa, te atchell kai jagakri tchik kote o tselo khereske Israel, te nai krenn le latar i pani thopaske, hoi lell i pale-tchiddo koowa i menshendar krik.

4. Mose 31:23

un halauter, hoi i jag gar pre chatchrell, kowa hunte rikrenn an i jag, te well kowa djudjo. Un pal kowa witsrenn pani koi pre. Un kowa halauter, hoi chatchrals pre an i jag, tchiwenn an o pani.

Johanni 7:38

Koon ap mande patsella, har o Debleskro lab penella, dran koleste well ko pani, kai dell o djipen.”

Hebrearja 9:13

An o phuro tsiro tchoras o rashai o bakrengro rat, un o grumjengro rat, un o jagakri tchik i chatchedi grumjatar ap kolende, kai hi pale-tchiddo glan o Debleste, te wenn le pale erligo kerdo. Te hi o viecheskro rat jaake sorelo,

Debleskro tsiro 7:17

O terno bakro, hoi mashkral o Debleskro beshepaskro hi, kowa dell jak ap lende, har i bakrengro rai ap peskre bakre jak della, un anell len pash o pani, hoi o djipen della. Un o Dewel khossell hake swa ap lengre jaka tele.