4. Mose 19:13 - O Debleskro Drom 2021 (Sinte)

¹³ Te taprell jek i mulo menshes an un kamell pes gar jaake te thowell, palle krell lo o Debleskro kheer pale-tchiddo. Un sawo mensho hunte well infam kerdo un nai djiwell buder gar mank i Israelitarja. Ko pani, hoi lell o pale-tchiddo koowa krik, was gar ap leste witsedo. Doleske atchell lo pale-tchiddo, un ko pale-tchiddo koowa atchell ap leste.

O Debleskro Lab 2024 (Sinte-Manouche)

¹³ Te taprell yek i moulo menshes an oun kamell pes gar yaake te thovell, palle krell lo o Debleskro kheer pale-čiddo. Oun savo mensho hounte vell infam kerdo oun nay djivell bouder gar mank i Israelitarya. Ko pani, hoy lell o pale-čiddo koova krik, vas gar ap leste vitsedo. Doleske ačell lo pale-čiddo, oun ko pale-čiddo koova ačell ap leste.

4. Mose 19:13 ပူးပေါင်းရင်းမြစ်များ

2. Mose 30:33

Koon peske sawo djet krella, nai atchell gar djido mank peskre menshende. Temerl dino well ninna kowa, kai makell jekeste, kai hi kek rashai.

Gosewe laba 14:32

O tchilatcho well tele witsedo dran leskro tchilatchepen. Kowa, kai an o tchatchepen tardo hi, koleskro patsepen rikrell les ninna gomme an o merepen.

Ezekiel 44:26

Te kras pes i rashai ap sau muleste pale-tchiddo, hunte krell lo, hoi glan tchinlo hi, te well lo pale erligo. Te was lo pale erligo, atchell lo gomme efta diwessa khere.

3. Mose 15:31

Un o baro Dewel penas ap o Mose un ap o Aron: Denn i Israelitarjen trad, te atchenn le i kotar dur miro kherestar an ko tsiro, kai hi le pale-tchiddo, te krenn le gar koi platsa pale-tchiddo, kai me djiwau mank lende, te merenn le gar.

3. Mose 20:3

Me dikau tchilatches ap hakeneste, kai kowa krell, un me mukau les buder gar te djiwell mank peskre menshende. Job das jek peskre tchawendar o Molocheste, un kras jaake miro kheer pale-tchiddo, un kras mantsa, har te woms gar kokres o tchatcho Dewel.

3. Mose 22:3

Pen lenge: Kau lab hi hakeneske tumare mursh tchawendar, kai pal tumende wenna: Hakeno lendar, koles i pale-tchiddo koowa ap leste hi, un kai well pash kowa, hoi anan i Israelitarja mange, o baro Debleske, kowa nai atchell buder gar miro rashai. Me hom o baro Dewel.

3. Mose 22:4

Kones o Aroneskre tchawendar i djungelo nasslepen ap peskri hauta hi, oder koleske tchomone dran leskro murshkano mass nashell, kowa te chal gar fun ko chapen, hoi mange anlo was, bis te hi lo pale erligo. Hako rashai, koon jekes an tapras, kai kras pes i muleha pale-tchiddo, oder koleske jek tele djas,

3. Mose 5:17

Te krell jek tchomone, kolestar o baro Dewel penas, te krell lo les gar, anas lo i doosh ap peste, ninna te djinas lo gar, te penas o baro Dewel: “Ma kre kowa!”

3. Mose 5:3

Ninna te taprell lo ap i mensheste, kai hi pale-tchiddo, hoi kowa ninna hi, palle anas lo doosh ap peste, ninna te haiwas lo gar, hoi lo kras.

3. Mose 5:6

Koi doshake hunte anell lo o baro Debleske i bakri oder i busni, un marell lat, te well leskri doosh krik lino. Un o rashai lell ko viecho un chatchrell leskro thulepen, un jaake krell lo, te well lauter pale mishto mank ko mensheste un o baro Debleste.

3. Mose 7:20

Kowa kai chal ko mass, hoi o baro Debleste dino was, un ap leste hi i pale-tchiddo koowa, kowa well infam un hi buder kek Israelitari.

3. Mose 7:21

Te taprell jek tchomone an, hoi pale-tchiddo hi, i menshestar oder i viechestar oder i wawar pale-tchiddo koowa, un palle chal lo kau mass, hoi glan o baro Debleste anlo was, kowa well infam un hi buder kek Israelitari.

4. Mose 15:30

Koon krell i tchilatcho koowa, un djinell, kowa hi tchilatcho, ko mensho praassas o baro Debles. Sawo mensho hunte well infam un nai djiwell buder gar mank peskre menshende. Kowa hi jek, koon job hi, – i Israelitari, – i wi-themari.

4. Mose 19:14

Kowa hi hoi mer hunte kras: Te merell i mensho an peskro plachteno kheer, hunte well hakeno, koon an ko kheer djala, un koon an ko kheer hi, efta diwessa pale-tchiddo.

4. Mose 19:18

Un i mursh, kai gar pale-tchiddo hi, hunte lell kol patria, hoi kharenna ‘Ysop’ un tchiwell len an ko pani un witsrell kowa ap o plachteno kheer un ap kol pirja, tchare un khore, hoi koi dren hi, ninna ap hakeneste, kai an ko kheer hi. Ninna hunte witsrell lo ko pani ap koleste, kai tapras i mules an, leskre kokale, ninna koi phub, kai was job paskedo.

4. Mose 19:19

Jek, kai gar pale-tchiddo hi, hunte witsrell ko pani ap koleste, kai pale-tchiddo hi ap o triinto diwes un ap o eftato diwes. Un ko pale-tchiddo hunte thowell pes an ko pani un peskre koola. Palle well job ap i rati djudjo un erligo.

4. Mose 19:20

Koon was pale-tchiddo un kamell gar, te well lo thodo ko panjeha, kowa hunte well infam kerdo un nai djiwell buder gar mank i Israelitarja. Job kras o baro Debleskro kheer pale-tchiddo, un ko pani, hoi lell o pale-tchiddo koowa krik, was gar ap leste witsedo. Doleske atchell lo pale-tchiddo.

4. Mose 19:9

Un i mursh, kai gar pale-tchiddo hi, hunte lell koi jagakri tchik koi grumjatar, un tchiwell lat win glan i plachtene khera ap i djudji platsa, te atchell kai jagakri tchik kote o tselo khereske Israel, te nai krenn le latar i pani thopaske, hoi lell i pale-tchiddo koowa i menshendar krik.

4. Mose 8:7

Jaake hunte kress tu lentsa, te kreh tu len erligo: Tu tchiwess pani ap lende, te well lengri doosh krik lino. Un jon hunte tchinenn halauter pengre balla tele, un thowenn pengre koola, un krenn pen jaake djudjo un erligo.

4. Mose 9:13

Koon gar pale-tchiddo hi un gar ap o drom hi, kowa hunte rikrell o Passa ap o tchatcho diwes. Te krell lo kowa gar, hunte well lo infam un atchell buder gar pash peskre menshende. Koi phagi lell lo doleske, kai was lo gar ap o tchatcho tsiro glan o baro Debleste, te anell lo leske i bakro. Leskri doosh atchell ap leste.

Johanni 8:24

Doleske penom tumenge: Tumer merenn an tumaro tchilatchepen. Tumer te patsenn gar, kai me kowa hom, koon me hom, palle merenn tumer an tumaro tchilatchepen.”

Hebrearja 10:29

Te his kowa jaake koleha, kai kras gar, hoi o Mose penas, kitse sorleder well o Debleskri choli pral koleste, kai o Debleskro tchawes pestar stakrella, un krella, har te wals o Jesus Kristeskro rat tchi moldo. Un kau rat lals peskri doosh krik, un krals les erligo glan o Debleste. O Debleskro Ducho his leske latches, un job dukras les.

Hebrearja 9:10

Ninna rikrenn pen i menshe ap laba, kai penenna, hoi te chan le gar, un hoi te pijenn le gar, un har te thowenn le pen. Kol laba hi menshengre laba. Kowa lauter his mishto jaake rah, har sikras len o Dewel gomme gar o feteder drom, te nai wenn jon pash leste.

Debleskro tsiro 21:8

Kol wawar djan an i bari jag, hoi soreles chatchella un khandella. Kote merenn le o duito kopo. Jon hi kolla, kai i darjatar gar mantsa djan, kolla, kai phukran ap pengro patsepen, kolla, kai djungelo koowa kran, kolla, kai maran wawaren, kolla, kai lubran pen trujel, kolla, kai bengeskro koowa kran, kolla, kai mangan wawar koowa an har o Debles, un i tsele chochene.

Debleskro tsiro 22:11

Koon tchilatcho koowa krella, kowa krell kowa. Un koon djungelo koowa krella, kowa krell kowa. Un koon an o tchatchepen djiwella, atchell an o tchatchepen! Un koon o Debleha djiwella, kowa atchell o Debleha!

Debleskro tsiro 22:15

Win hi kolla, kai mukan o Debleskro drom, kolla, kai kran bengeskro koowa, kolla, kai lubran trujel, kolla, kai maran wawaren, kolla, kai mangan wawar koowa an har o Debles, un hakeno, kai kamell un krell o chochepen.