4. Mose 19:11 - O Debleskro Drom 2021 (Sinte)

¹¹ Koon i mulo menshes an-tapella, kowa hi efta diwessa pale-tchiddo.

O Debleskro Lab 2024 (Sinte-Manouche)

¹¹ Koon i moulo menshes an-tapella, kova hi efta divessa pale-čiddo.

4. Mose 19:11 ပူးပေါင်းရင်းမြစ်များ

Jesaja 52:11

Djan win! Djan win! Djan kotar win, un taprenn tchi an, hoi pale-tchiddo hi! Tumer rashaja, kai hidjrenn o baro Debleskro koowa, djan dran Babilonia win, un thowenn tumen jaake har glan tchinlo hi, te han djudjo glan o Debleste!

Ropaskre gilja 4:14

Jon nashran pen an i dromma har korele, un rat his ap lengre koola, te kamas kek len an te taprell.

Ezekiel 39:12

Un i Israelitarja paskrenn len, te atchell o them buder gar pale-tchiddo. Len hunte well efta tchonna, te paskrenn le len halauter.

Ezekiel 44:26

Te kras pes i rashai ap sau muleste pale-tchiddo, hunte krell lo, hoi glan tchinlo hi, te well lo pale erligo. Te was lo pale erligo, atchell lo gomme efta diwessa khere.

3. Mose 11:31

Kalla hi tumenge pale-tchiddo mank kol tsele tikne viechende. Hakeno, kai len an-taprell, te hi le mulo, well pale-tchiddo, bis te well rati.

3. Mose 21:1

O baro Dewel penas ap o Mose: Pen i rashajenge dran o kheer Aron: Ma taprenn i mules an, te wenn gar pale-tchiddo!

3. Mose 21:11

Pash kek muleste djal lo, te well lo gar pale-tchiddo, witar gar, te hi ko mulo peskro dad oder peskri dai.

3. Mose 22:4

Kones o Aroneskre tchawendar i djungelo nasslepen ap peskri hauta hi, oder koleske tchomone dran leskro murshkano mass nashell, kowa te chal gar fun ko chapen, hoi mange anlo was, bis te hi lo pale erligo. Hako rashai, koon jekes an tapras, kai kras pes i muleha pale-tchiddo, oder koleske jek tele djas,

3. Mose 5:2

Te taprell jek tchomone an, hoi pale-tchiddo hi, nai well i mulo diwjo viecho, nai well i wawar mulo viecho, ninna i tikno mulo viecho, hoi djal pral i phub, palle hi lo pale-tchiddo, un anas doosh ap peste, ninna te haiwas lo gar, hoi lo kras.

Haggai 2:13

O Haggai putchas pale: “Te taprals jek i mules an un wals jaake pale-tchiddo, un palle taprals lo o chapen an, wals ko chapen ninna pale-tchiddo?” “Awa”, penan i rashaja, “ko chapen wals pale-tchiddo.”

4. Mose 19:16

Ninna kowa, kai tapras i menshes an, kai meras win ap o them, hi pale-tchiddo efta diwessa. Kowa hi ninna jaake, te was ko mulo mensho kote temerl dino o chareha. Ninna kowa well pale-tchiddo efta diwessa, koon taprell ap i muleskre kokale, ninna kowa, kai taprell ap koi phub, kai o mulo paskedo hi, – job well pale-tchiddo efta diwessa.

4. Mose 31:19

Un tumer halauter, kai dan jekes mulo oder kai tapran i mules an, atchenn efta diwessa glan koi platsa, kai tumare plachtene khera hi. Ap o triinto diwes un ap o eftato diwes thowenn tumen jaake har glan tchinlo hi, te wenn pale djudjo un erligo. Ninna kol tcha, kai lan tumenge pandlo, hunte thowenn pen jaake.

4. Mose 5:2

Pen ap kol Israelitarja: “Bitchrenn hakenes win glan tumari platsa, kai jaake nasselo ap peskro mass hi, te merell leskro mass tele! Bitchrenn ninna halauteren win, kai nashell dukepaskro pani dran lende win, un kolen, kai kran pen pale-tchiddo ap kolende, kai mulo hi!

4. Mose 6:6

An ko tselo tsiro, kai das job pes an o baro Debleskro wast, hunte djal job gar pash jekeste, kai meras.

4. Mose 9:10

Pen ap i Israelitarja: Te was jek tumendar, ninna tumare tchawendar, pale-tchiddo ap i muleste, nai chal lo ko chapen gar ap kau diwes. Kowa hi ninna jaake kolenge, kai hi ap o drom.

4. Mose 9:6

Koi his mursha, kai tapran i mules an, un wan pale-tchiddo. Kolla nai wan gar glan o Debleste ap ko diwes, te chan le ko Passa. Jon wan glan o Moseste un glan o Aroneste,

Bičepangre 21:26

Koi las o Paulo kol murshen pash peste. Un o wawar diwes thowas lo pes lentsa khetne pal o biboldengro tchatchepen. Palle djas job an o Debleskro baro kheer. Un kote penas lo i rashajenge: “Mer thowam men pal o biboldengro tchatchepen. An efta diwessa anah mer viechen hakeneske mendar, te wenn le maredo o Debleske. Koi tsiro hi kanna trujel, ap hoi mer men sowel dam.”

Bičepangre 21:27

Har his kolla efta diwessa trujel, dikan i bibolde dran o them Asia o Paules an o Debleskro baro kheer. Un jon kran, te wan bud menshe chojedo ap leste. Un jon tapran les,

Remarja 5:12

Hi jaake: O tchilatchepen was ap i phub, har jek mensho, o Adam, tchomone kras, hoi o Dewel gar kamas. O tchilatchepen anas o merepen ap i phub. Jaake was o merepen pash i tsele menshende. Lauter kran o tchilatchepen, un lauter hunte merenn.

2. Korintarja 6:17

Doleske penell o Dewel: Djan kolendar krik, kai sharenn wawar koowa! Ma awenn lentsa khetne! Lenn tchi an tumare wasta, hoi hi pale-tchiddo glan mire jaka! Palle lau tumen kamles pash mande pre.

Efesarja 2:1

Har gar patslo hans, his bud doosh ap tumende. Un tumer hans tchilatcho. Jaake hans o Debleske mulo.

Hebrearja 9:14

kitse sorleder hi o Jesus Kristeskro rat. O Debleskro Ducho, kai djiwella hako tsiro, das o Jesus Kristeste i soor, te nai das lo peskro djipen an o merepen. Un job meras o Debleske jaake har i bakro, ap koleste kek doosh hi. Kowa kras lo, te lell lo mari doosh mendar, jaake te djiwas mer buder gar pal kol laba, hoi tchi moldo hi un i menshe an o merepen anenna. Kanna hi maro dji djudjo, un mer nai wah tchatchepah o djido Debleske koi.