4. Mose 18:8 - O Debleskro Drom 2021 (Sinte)

⁸ Un o baro Dewel penas ap o Aroneste: Shun, tu budreh mange. Doleske dau me tut un tire tchawen i kotar lauterestar, hoi i Israelitarja mange anenna. Kowa te well jaake hako tsireske.

O Debleskro Lab 2024 (Sinte-Manouche)

⁸ Oun o baro Devel penas ap o Aroneste: Shoun, tou boudreh mange. Doleske dau me tout oun tire čaven i kotar lauterestar, hoy i Israelitarya mange anenna. Kova te vell yaake hako tsireske.

4. Mose 18:8 ပူးပေါင်းရင်းမြစ်များ

2. Rajengro liil 12:16

Un kol murshen, kai ko tselo rup dino was, te denn le les i budepangren, kolla hunte penan kekeske, har jon ko rup win dan. Jon his mursha o labestar un lenge was patslo.

2. Familjakro liil 31:4

Un job penas i menshenge, kai an o foro Jerusalem djiwan, te denn le ninna pengro kotar, te nai lenn i rashaja un i Levitarja pengro tselo tsiro, te krenn le o Debleskri budi, jaake har an o baro Debleskre lila tchinlo hi.

2. Familjakro liil 31:5

Un har i menshe ko lab shunan, dan le bud kolestar, hoi pash lende bares was: o feteder djob, mool, djet, gwin un kolestar, hoi ap lengri hachetikri phub bares was. Ninna o deshto kotar halauterestar anan le, un kowa his bud.

2. Mose 28:43

Hako kopo kai djan le an o Debleskro plachteno kheer, ninna te chatchrenn le i viecho ap o Debleskri sasterni chatchepaskri, hunte riwell o Aron un leskre tchawe kol telstune cholopja. Jaake tchiwenn le penge kek doosh ap pende un hunte merenn gar. Un kowa well jaake o Aroneske un leskre tchawenge, hoi pal leste wenna, lauterenge, kai wenna rashaja, o tselo tsireske.

2. Mose 29:21

Le ko ratestar, hoi ap o Debleskri chatchepaskri hi, un tchip les an o makepaskro djet un witse les ap o Aron un leskre koola un ap leskre tchawende un lengre koola, te well job un leskre koola o Debleske, ninna leskre tchawe un lengre koola, te wenn le o Debleske.

2. Mose 29:28

Kol dui kotja mass wenn pre hadedo glan mande, o baro Debleste. Palle nai chal len o Aron peskre tchawentsa. Un jaake well kowa kerdo hako kopo, kai marenn i Israelitarja i bakres mange, hoi chan le palle khetne glan mande.

2. Mose 29:29

Un i rashajengre koola, hoi o Aron riwas, lenn pal leste leskre tchawe ap ko diwes, kai wenn le rashaja.

2. Mose 40:13

Rib o Aroneske o rashajeskre ripja an, mak les o djeteha, te well lo miro rashai.

2. Mose 40:15

Un mak len o djeteha jaake har makal lengro dad, te wenn le mire rashaja. Jon un lengre tchawe pal lende te wenn le maklo o djeteha, te wenn le mire rashaja hako tsireske.

Jesaja 10:27

Ap ko diwes lau tumen win dran i wasta kolendar dran o them Assur, te nai rikrenn le tumen buder gar tele. Palle han buder gar lengre pandle budepangre. I lurde dran o them Assur djan pre an Rimmon,

3. Mose 21:10

O pralstuno rashai, ap koleskro shero o djet tchoredo was, har was lo an peskri budi dren tchiddo, un ap koleste i rashajengre koola hi, kowa mukell peskro shero gar diwjes win dikell. Un kol koola, hoi lo ap peste hi, tserdell lo gar an kotja, ap ko tsiro, kai rowell leskro dji pral i muleste.

3. Mose 23:20

O rashai hadell kolen pre glan o baro Debleste, ninna kol mare dran o newo jarro, te sikrell lo, kai jon o baro Debleske hi. Un i rashaja nai chan kowa.

3. Mose 6:16

Hako kopo, kai anell i rashai peske i chapen dran djob o baro Debleske, hunte well ko tselo chapen chatchedo. Kek chal les.

3. Mose 6:18

Pen o Aroneske un leskre mursh tchawenge, har i viecheha kerdo well, hoi i menshe o baro Debleske anenn, te well lengri doosh krik lino. Glan o baro Debleskro kheer, ap koi platsa, kai well ninna ko viecho maredo, koleskro tselo mass chatchedo well, ap kai platsa maress tu ninna ko vieches, hoi hunte merell, te well i doosh krik lino. O mass sau viechestar, hoi o Debleske anlo was, nai chan kokres i rashaja un kek wawar.

3. Mose 6:20

Hako wawar, kai ko mass an-taprell, lell peskri phagi. Te well tchomone ko ratestar ap jekeskre koola, palle hunte thowell lo ko kotar ap i platsa, hoi djudjo hi o Debleske.

3. Mose 7:14

Jek kotar hakenestar well glan o baro Debleste anlo. Kowa lell o rashai, kai o rat ko maredo viechestar trul o Debleskri chatchepaskri tchoras.

3. Mose 7:28

Un o baro Dewel rakras ap o Mose:

3. Mose 7:6

I mursha un i mursh tchawe dran i rashajengre familje nai chan o mass ap i Debleskri platsa. Ko mass well i viechestar, hoi o baro Debleske anlo was. Doleske nai chal les kek wawar.

3. Mose 8:30

Palle las o Mose ko djetestar, hoi o Aroneske un leskre tchawenge ap lengre sherja tchoredo was, ninna ko ratestar hoi ap i chatchepaskri his, un witsras tchomone kolestar ap o Aron un ap leskre koola, ninna ap leskre mursh tchawende un ap lengre koola. Jaake tchiwas lo len ap i rig o baro Debleske, te wenn le leskre rashaja.

4. Mose 18:9

Tuke hi kol tsele kotja, hoi wenn gar pre-chatchedo kol tsele viechendar, hoi denn le mande, te well lengri doosh krik lino un te well lauter pale mishto, ninna ko tselo chapen, hoi denn le pashel. Kowa halauter hi mange kutch, un me dau les tute un tire tchawende.

4. Mose 5:9

Ninna ko wawar koowa, hoi i Israelitarja o baro Debleste denn, hi i rashajenge.

1. Korintarja 9:13

Djinenn tumer gar, kai kolla, kai an o Debleskro baro kheer budrenna, kote lenna, hoi len hunte well djipaske? Un kolla, kai anenn marede viechen glan o Debleste, kolla nai chan ninna i kotar kolestar, hoi o Debleste dino wella.

5. Mose 12:11

Palle hi wawartchandes har kanna: Palle anenn kowa, hoi denn o baro Debleste, ap koi platsa, hoi job peske win rodas, te well lo kote an-mangedo. Kote anenn lauter, hoi me tumenge penau: kol viechen, hoi kamenn leske te marell, sawe, hoi wenn leske tseles chatchedo un sawe, hoi chan khetne. Kote anenn ninna o deshto kotar kolestar, hoi dren anan, un ko wawar koowa, hoi glan tchinlo hi, un kowa hoi denna jaake har tumen sowel dan.

5. Mose 12:6

Un kote anenn kol viechen, hoi kamenn leske te marell, sawe, hoi wenn leske tseles chatchedo, un sawe, kolengro rat leske chatchedo well. Kote anenn ninna o deshto kotar kolestar, hoi tumenge dren anan, un ko wawar koowa, hoi glan tchinlo hi, un kowa hoi denna jaake, har tumen sowel dan, ninna kowa, hoi hakeno pestar della, un sawe bakre un gurma, kai i phureder lengre dajendar hi.

5. Mose 18:1

I rashaja – jon hi lauter dran o kheer Levi, – kolla lenn kek them an Israel. Jon chan kolestar, hoi i wawar Israelitarja o baro Debleske anenn, te well kowa leske chatchedo.

5. Mose 26:13

Un tu peness glan o baro Debleste, kai tiro Dewel hi: “Me anom mandar kowa, hoi tiro hi, un dom les o Levitarjen un o wi-themarjen un kol tchawen, kolen kek dad buder hi un kol romjen, kolengro rom meras. Pal halauter krom me har tu penal. Un me rikrom tire laba un bistrom kek lendar.

Hebrearja 1:9

O tchatchepen kamal tu, un o tchilatchepen dikeh glan i jaka nai gar. Doleske rodas tut tiro Dewel win, te wess tu bareder un bachtleder har kolla, kai pash tute hi.

1. Johanni 2:20

Tumer lan o Debleskro Ducho, un lestar djinenn tumer kowa lauter.

1. Johanni 2:27

O Jesus Kristo das tumen o Debleskro Ducho. Kowa atchell an tumende. Doleske hunte well tumen kek wawar sikepaskro. O Debleskro Ducho sikrell tumende o tselo Debleskro drom. Un lauter, hoi job tumende sikrell, kowa hi tchatcho un kek chochepen. Krenn kowa, hoi o Debleskro Ducho tumende sikrella! Jaake atchenn tumer o Jesus Kristeha khetne.