4. Mose 18:32 - O Debleskro Drom 2021 (Sinte)

³² Tumer anenn koi pashel kek doosh ap tumende, jaake rah har dan tumer ko feteder kotar o baro Debleste. Kowa, hoi i Israelitarja anenna hi mange, o baro Debleske un hunte atchell mange. Doleske denn jak, te denn man glanstunes o feteder kotar, un palle nai chan tumer. Te krenn kowa gar, hunte merenn!

O Debleskro Lab 2024 (Sinte-Manouche)

³² T'mer anenn koy pashel kek doosh ap t'mende, yaake rah har dan t'mer ko feteder kotar o baro Debleste. Kova, hoy i Israelitarya anenna hi mange, o baro Debleske oun hounte ačell mange. Doleske denn yak, te denn man glanstounes o feteder kotar, oun palle nay rhan t'mer. Te krenn kova gar, hounte merenn!

4. Mose 18:32 ပူးပေါင်းရင်းမြစ်များ

2. Mose 28:43

Hako kopo kai djan le an o Debleskro plachteno kheer, ninna te chatchrenn le i viecho ap o Debleskri sasterni chatchepaskri, hunte riwell o Aron un leskre tchawe kol telstune cholopja. Jaake tchiwenn le penge kek doosh ap pende un hunte merenn gar. Un kowa well jaake o Aroneske un leskre tchawenge, hoi pal leste wenna, lauterenge, kai wenna rashaja, o tselo tsireske.

3. Mose 19:8

Un koon chal kolestar, hunte hidjrell peskri doosh, hoi job koleha ap peste las. Job kras, har te wals ko viecho, hoi mange, o baro Debleske, dino was, gar feteder har hako wawar mass. Sawo mensho well pale-tchiddo un nai djiwell buder gar mank peskre menshende.

3. Mose 22:2

Pen ap o Aron un ap leskre mursh tchawende, te djan le mishto trujel ko koweha, hoi i Israelitarja mange anenn, te anenn le kek ladj ap mande. Me hom o baro Dewel.

Maleachi 1:7

Koi pre penau me: ‘Tumer anan ap o Debleskri chatchepaskri pale-tchiddo mass’, un putchenn: ‘Hoi anam tuke, hoi pale-tchiddo his?’ Tumer krenn har te wals miri chatchepaskri tchi moldo.

4. Mose 18:22

Kanna un an ko tsiro, hoi wella, hunte djan kokres i Levitarja pash o Debleskro kheer, un gar i wawar Israelitarja, te lenn jon kek doosh ap pende un merenna. Kol Levitarja hunte krenn koi budi ap o Debleskro kheer. Un jon hunte hidjrenn i doosh ap pende, te well tchomone kerdo, hoi gar tchatcho hi. Kowa hunte well jaake hako tsireske pash kolende, kai pal tumende wenna. Un len hunte well kek kotar phub, hoi djal dureder o dadestar ap o tchaweste, har kowa i wawar Israelitarja lenna.

4. Mose 18:31

Tumer nai chan kowa ap haki platsa, tumer un tumare tchawe. Kowa hi o plaissepen tumari budjake ap o Debleskro plachteno kheer.

4. Mose 19:1

Un o baro Dewel rakras o Moseha un o Aroneha un penas:

1. Korintarja 11:27

Koon chal ko maro, un pijell dran o rajeskro khoro jaake, te well maro rai gar sharedo, kowa anell doosh ap peste. Job kras har te wals o Jesuseskro mass un rat tchi moldo.

1. Korintarja 11:29

Koon chal ko maro, un pijell dran ko khoro, un leske hi tchi moldo, hoi o rai Jesus leske kras, kowa anell doosh ap peste un lell i phagi.