4. Mose 18:24 - O Debleskro Drom 2021 (Sinte)

²⁴ Kowa, hoi i Israelitarja mange anenna, ko deshto kotar lauterestar, hoi ap lengre phub bares was, kowa dau me kol Levitarjen. Kowa hi lengro brawlepen. Doleske penom me ap lende, te well len kek kotar phub, har kol wawar Israelitarja lenna.

O Debleskro Lab 2024 (Sinte-Manouche)

²⁴ Kova, hoy i Israelitarya mange anenna, ko deshto kotar lauterestar, hoy ap lengre phoub bares vas, kova dau me kol Levitaryen. Kova hi lengro bravlepen. Doleske penom me ap lende, te vell len kek kotar phoub, har kol vavar Israelitarya lenna.

4. Mose 18:24 ပူးပေါင်းရင်းမြစ်များ

Nehemia 10:38

Mer dah len ninna fun o newo jarro un kol newe rukengre, hoi ap mare ruka bares wan, ninna fun i newi mool un o newo djet un tchiwenn kowa lauter an i iseme pash maro Debleskro kheer. Ninna i Levitarjen te well, hoi lenge hi: o deshto kotar lauterestar, hoi ap maro phub baro was. Kolla te wenn un lenn penge o deshto kotar an hako gab un hako foro, kai mari hachetikri phub hi.

Nehemia 13:12

Un i tsele menshe dran Juda anan pale o deshto kotar pengro djobestar un djetestar un pengri moljatar an kol chapangre khera.

3. Mose 27:30

O deshto kotar halauterestar, hoi baro was ap i hachetikri phub un ap i ruka, hi o baro Debleske, un hunte well leske anlo.

4. Mose 18:25

Un o baro Dewel rakras o Moseha un penas:

4. Mose 18:26

Pen ap i Levitarja: Te anenn tumen i Israelitarja o deshto kotar kolestar, hoi ap lengre hachetikri phub bares was, – kowa hi, hoi dau tumenge, – palle hunte denn tumer kolestar mande ninna o deshto kotar.

4. Mose 26:62

Un i tsele mursh Levitarja, kai his jek tchon un phureder, his khetne 23.000 (biish-te-triin-serja). Jon lan kek them har i wawar Israelitarja. Doleske wan le gar lentsa khetne ginlo.

5. Mose 10:9

Doleske well i Levitarjen kek them har lengre phralen. Kowa hoi jon lenna, well dran lengri budi o baro Debleske. Kowa penas lenge tumaro baro Dewel.

5. Mose 26:12

Hako triinto bersh aness tu o deshto kotar khetne halauterestar, hoi ap tiri phub bares was. Un tu dess les i Levitarjen un i wi-themarjen un kol tchawen, kolen kek dad buder hi, un kol romjen, kolengro rom meras, te well jon ninna doha chapaske an tiro foro.

Josua 13:14

I menshenge dran o kheer Levi was kek kotar them dino. Jon lenn pengro kotar kol viechendar, hoi i Israelitarja o baro Debleske anenna, kai o Israeleskro Dewel hi. Jaake well kowa, hoi i Levitarjen hunte well djipaske, o baro Deblestar. Jaake penas lo les lenge.