4. Mose 18:20 - O Debleskro Drom 2021 (Sinte)

²⁰ Un o baro Dewel penas ap o Aroneste: Ap ko tsiro, kai wenn i Israelitarja an lengro them, leh tu kek kotar phub, hoi djal o dadestar ap o tchaweste dureder, jaake har kowa i wawar Israelitarja lenna. Me hom tiro, un hom tiro brawlepen.

O Debleskro Lab 2024 (Sinte-Manouche)

²⁰ Oun o baro Devel penas ap o Aroneste: Ap ko tsiro, kay venn i Israelitarya an lengro them, leh tou kek kotar phoub, hoy djal o dadestar ap o čaveste doureder, yaake har kova i vavar Israelitarya lenna. Me hom tiro, oun hom tiro bravlepen.

4. Mose 18:20 ပူးပေါင်းရင်းမြစ်များ

1. Mose 15:1

Koi pal mukas o baro Dewel o Abrames leskri gole te shunell un penas ap leste: “Ma traash, Abram! Me rikrau mire wasta pral tute. Un me hom tuke i baro brawlepen.”

Debleskri gili 142:5

Dik tut trujel: Kek kamell mandar tchomone te djinell. Me nashte nashau gar mange. Kek putchell pal mande.

Debleskri gili 16:5

Tu, baro Dewel, hal miro brawlepen, un deh man lauter, hoi man hunte well djipaske. Miro tselo djipen hi an tiro wast.

Debleskri gili 73:26

Te djal i soor peske dran mande, un miro dji buder gar sorelo hi, palle atcheh tu, miro Dewel, hako tsiro miri soor un miro brawlepen.

Ropaskre gilja 3:24

Me penau mange: O baro Dewel hi halauter, hoi man hunte well; doleske dikau ap leste.

Ezekiel 44:28

I rashajenge well kek kotar phub, hoi o dadestar ap o tchaweste dureder dino well. Me hom lengro kotar. Len well kek kotar them an o them Israel. Me dau len, hoi len hunte well djipaske.

4. Mose 18:7

Tu un tire tchawe, tumer han mire rashaja, te krenn tumari budi pash o Debleskri chatchepaskri un dren an o kutch isema, hoi pal o wudar dran o kutch kotar than hi. Kai budi dom me tumen. Te well jek wawar pash o Debleskro koowa, hoi koi dren hi, hunte merell lo.

4. Mose 26:62

Un i tsele mursh Levitarja, kai his jek tchon un phureder, his khetne 23.000 (biish-te-triin-serja). Jon lan kek them har i wawar Israelitarja. Doleske wan le gar lentsa khetne ginlo.

5. Mose 10:9

Doleske well i Levitarjen kek them har lengre phralen. Kowa hoi jon lenna, well dran lengri budi o baro Debleske. Kowa penas lenge tumaro baro Dewel.

5. Mose 12:12

Kote glan tumaro baro Debleste awenn bachteles, tumer un tumare tchawe un tcha un tumare budepangre, mursha un djuwja, ninna i Levitarja, kai djiwenn an tumare forja, kolen kek them mank tumende hi.

5. Mose 14:27

ninna i Levitarja, kai an tiro foro djiwenn; kolen dess tu ninna tiro chapastar. Jon lan o baro Deblestar kek them un kek phub, har tu lal.

5. Mose 14:29

Palle nai wenn i Levitarja, kolen kek phub hi, kai an tiro foro djiwenn, ninna i wi-themarja, i tchawe, kolen kek dad buder hi, un i djuwja, kolengro rom meras, un jon te chan un wenn tchales. Te krenn tumer jaake, tchiwell tumaro baro Dewel peskri bacht ap halauter, hoi krenna.

Josua 13:14

I menshenge dran o kheer Levi was kek kotar them dino. Jon lenn pengro kotar kol viechendar, hoi i Israelitarja o baro Debleske anenna, kai o Israeleskro Dewel hi. Jaake well kowa, hoi i Levitarjen hunte well djipaske, o baro Deblestar. Jaake penas lo les lenge.

Josua 13:33

I menshenge dran o kheer Levi was kek kotar them dino. Kowa, hoi len hunte well djipaske, well lengro baro Deblestar, kai o Israeleskro Dewel hi. Jaake penas lo lenge.

Josua 14:3

Kol menshen dran kol dui-te-paash wawar khera das o Mose pengro kotar them ap i wawar rig o panjestar Jordan. I Levitarjen das lo kek them.

Josua 18:7

I Levitarja lenn kek kotar them mashkral tumende. Lengro kotar hi, te nai wenn le rashaja o baro Debleske. Un i familje Gad un Ruben un i paash familja Manasse lan pengro kotar them ap i wawar rig o panjestar Jordan, ap koi rig, kai o kham pre djala. Kowa das len o Mose, koles o baro Debleskro wast his.”

Debleskro tsiro 21:3

Un me shunom i sorelo rakepen. Kowa was kotar, kai o Debleskro beshepaskro tardo hi, un kowa penas: “Dikenn, o Debleskro kheer hi pash i menshende! Job djiwell pash lende. Un jon hi leskre menshe. Un o Dewel hi lengro Dewel kokres, un hi pash lende.”