4. Mose 18:19 - O Debleskro Drom 2021 (Sinte)

¹⁹ Ko tselo koowa, hoi i Israelitarja o baro Debleske anenna, dau me tuke un tire tchawenge un tire tchenge. Un tumenge hi kowa hako tsireske. Ap ko lab dau me miro wast. Kek nai lell ko lab krik, hoi dom tut un tire tchawende, kai pal tute wenna.

O Debleskro Lab 2024 (Sinte-Manouche)

¹⁹ Ko tselo koova, hoy i Israelitarya o baro Debleske anenna, dau me touke oun tire čavenge oun tire čenge. Oun t'menge hi kova hako tsireske. Ap ko lab dau me miro vast. Kek nay lell ko lab krik, hoy dom tout oun tire čavende, kay pal toute venna.

4. Mose 18:19 ပူးပေါင်းရင်းမြစ်များ

2. Rajengro liil 12:16

Un kol murshen, kai ko tselo rup dino was, te denn le les i budepangren, kolla hunte penan kekeske, har jon ko rup win dan. Jon his mursha o labestar un lenge was patslo.

2. Familjakro liil 13:5

“Djinenn tumer gar, kai kras o baro Dewel, kai o Israeleskro Dewel hi, o Davideha win, te well hako tsiro jek leskre tchawendar o rai pral Israel? Koi sowel hoi das lo pes, nai well an kek tsiro phagedo.

2. Familjakro liil 31:4

Un job penas i menshenge, kai an o foro Jerusalem djiwan, te denn le ninna pengro kotar, te nai lenn i rashaja un i Levitarja pengro tselo tsiro, te krenn le o Debleskri budi, jaake har an o baro Debleskre lila tchinlo hi.

2. Mose 29:27

Hako kopo, kai well i mursh mange i rashai, well o betch kau bakrestar un o pralstuno kotar i herjatar glan o baro Debleste pre hadedo, te sikrenn le, kai kowa o Debleske hi.

Ezekiel 43:24

Un tu aness len glan leste. Un i rashaja witsrenn loon ap kol kotja mass un chatchrenn len o baro Debleske.

3. Mose 2:13

Ko tselo chapen, hoi tu o baro Debleske aneh, hunte well londo. Ko loon hi i sikepen, kai kowa, hoi o Dewel tumentsa win kras, hako tsiro atchell. Doleske aneh leske kek chapen dran djob, witar kek viechen, kai kek loon pashel kerdo was.

3. Mose 21:22

Ko chapen, hoi o Debleske anlo was, nai chal lo, ninna ko chapen, hoi kokres i rashajenge hi.

3. Mose 7:14

Jek kotar hakenestar well glan o baro Debleste anlo. Kowa lell o rashai, kai o rat ko maredo viechestar trul o Debleskri chatchepaskri tchoras.

4. Mose 18:11

Ninna ko wawar koowa, hoi i Israelitarja mange anenn, dau me tute un tire tchawende un tchende, hako tsireske. Koon gar pale-tchiddo hi an tiro kheer nai chal kolestar.

4. Mose 18:8

Un o baro Dewel penas ap o Aroneste: Shun, tu budreh mange. Doleske dau me tut un tire tchawen i kotar lauterestar, hoi i Israelitarja mange anenna. Kowa te well jaake hako tsireske.

4. Mose 31:41

Un o Mose das kowa, hoi dan kolla leske o baro Debleske, ko rashajeste Eleasar, jaake har o baro Dewel leske kowa penas.

5. Mose 12:26

Ko wawar koowa, hoi glan tchinlo hi, hoi hunte denn o Debleste, ninna koleske sowel dan, te denn les leste, kowa anenn ap koi platsa, hoi o baro Dewel peske win rodell.

5. Mose 12:6

Un kote anenn kol viechen, hoi kamenn leske te marell, sawe, hoi wenn leske tseles chatchedo, un sawe, kolengro rat leske chatchedo well. Kote anenn ninna o deshto kotar kolestar, hoi tumenge dren anan, un ko wawar koowa, hoi glan tchinlo hi, un kowa hoi denna jaake, har tumen sowel dan, ninna kowa, hoi hakeno pestar della, un sawe bakre un gurma, kai i phureder lengre dajendar hi.