4. Mose 18:15 - O Debleskro Drom 2021 (Sinte)

¹⁵ Hako mursh, kai o phureder tchawo peskri datar hi, – pash i menshende, ninna pash i viechende, – koles jon o baro Debleske anenna, hi tumenge. I menshes dess tu pale un less lowe leske. Ninna i viecho, hoi pale-tchiddo hi, dess tu pale un less lowe leske.

O Debleskro Lab 2024 (Sinte-Manouche)

¹⁵ Hako morsh, kay o phoureder čavo peskri datar hi, – pash i menshende, ninna pash i firhende, – koles yon o baro Debleske anenna, hi t'menge. I menshes dess tou pale oun less love leske. Ninna i firho, hoy pale-čiddo hi, dess tou pale oun less love leske.

4. Mose 18:15 ပူးပေါင်းရင်းမြစ်များ

2. Rajengro liil 12:5

Un o Joash penas ap i rashajende: “Lenn ko tselo rup, hoi i menshe anenna an o baro Debleskro kheer: kol lowe, hoi hunte denn le, un ninna kol lowe, hoi denn le pendar dran o dji.

Nehemia 10:37

Mer anah hako phureder mursh tchawes un hako vieches, hoi o phureder peskri datar hi, an maro Debleskro kheer. Ninna i grumjendar un i bakrendar anah ko phureder pash kol rashajende, kai budrenn an maro Debleskro kheer.

2. Mose 13:15

Har pandas o Farao peskro dji un mukas men gar te djal, maras o baro Dewel an o tselo them Egiptia i tsele mursh tchawen, kai his i phureder tchawe pengre dajendar pash i menshende un ninna pash i viechende. Doleske dau me ko phureder mursh ternepen, hoi i viechestar boldo wella, o baro Debleske. Pash mire tchawende hi wawartchandes. Hako phureder mursh tchaweske marau i viecho.’

2. Mose 13:2

“Hako mursh tchawo, kai hi o phureder peskri datar pash i Israelitarja, ninna pash lengre viechende, dess tu mange. Kowa hi miro.”

2. Mose 22:29

Jaake kress ninna tire grumjentsa un tire bakrentsa un busjentsa. Efta diwessa atchenn le pash pengri date. Un ap o ochtato diwes dess len mande.

2. Mose 34:20

Te hi o ternepen i burikakro ternepen, dess tu man leske i terno bakro. Kamenn tumer kowa gar, palle phagenn koi terni burika i meen! Tumare phureder mursh tchawe, ma marenn len! Kolenge denn mange i viecho, hoi mange marenn. Kek well an miro Debleskro kheer i wastentsa, kai tchi dren hi.

4. Mose 18:16

I mursh tchaweske less tu pantch rupene kotja ap ko tsiro, kai hi lo jek tchon phuro. Jek kotar rup hi deesh-te-dui gramme pharo. Jek grammi hi jaake bud har jek grammi an o Debleskro kheer hi.

4. Mose 3:46

Kanna hi 273 (dui-sheel-efta-deesh-te-triin) mursha budeder, kai phureder tchawe hi, har dell Levitarja. Kolen hunte ginenn tumer mandar pale.

5. Mose 15:19

Tire tsele mursh grumja un bakre, kai i phureder lengre dajendar hi, hunte dess tiro baro Debleste. Kal grumjentsa budress gar ap tiri hachetikri phub, witar gar tchiness kal bakrenge i balla.