4. Mose 18:1 - O Debleskro Drom 2021 (Sinte)

¹ Un o baro Dewel penas ap o Aron: Tu un tire tchawe, un tire menshe, i tsele Levitarja, tumer hunte hidjrenn koi doosh, te krell jek tchomone, hoi gar tchatcho hi pash peskri budi an o Debleskro kheer. Te was tchomone kerdo, hoi gar tchatcho hi pash i rashajeskri budi, hunte less tu kokres tire mursh tchawentsa koi doosh ap tute.

O Debleskro Lab 2024 (Sinte-Manouche)

¹ Oun o baro Devel penas ap o Aron: Tou oun tire čave, oun tire menshe, i tsele Levitarya, t'mer hounte hidjrenn koy doosh, te krell yek čomone, hoy gar čačo hi pash peskri boudi an o Debleskro kheer. Te vas čomone kerdo, hoy gar čačo hi pash i rashayeskri boudi, hounte less tou kokres tire morsh čaventsa koy doosh ap toute.

4. Mose 18:1 ပူးပေါင်းရင်းမြစ်များ

2. Mose 28:38

Ko tikno kotar sonakai hidjrell o Aron glan ap peskro shero, te well lo glan mande. Kowa sikrella, te lell o Aron i doosh ap peste, hoi ap ko koowa hi, hoi i Israelitarja man dan. Un me dikau latches ap lende.

Jesaja 53:11

Job las jaake bud daar un duka ap peste, doleske dikell job ninna i momeli, un leskro dji well tchalo. Miro budepaskro hi tardo an o tchatchepen. Un dran kowa lauter, hoi ap leste was, nai tchiwell job ninna bud menshen an o tchatchepen. Un lengri doosh lell job ap peste.

Jesaja 53:6

Mer halauter hams har bakre, kai nashan pen. Hakeno djas ap peskro drom. O baro Dewel mukas ap leste mari tseli doosh te perell.

Ezekiel 4:4

Un tu tchip tut ap tiri serwi rig, un me tchiwau i doosh o kherestar Israel ap tute pre. 390 (triin-sheel-te-enja-deesh) diwessa hunte wess koi tchiddo ap i phub, un hunte hidjress lengri doosh. Jaake bud bersha anas o Israel doosh ap peste. Jek diwes hako bersheske hunte hidjress lengri doosh.

3. Mose 10:17

“Hoske chan tumer ko mass gar ap i Debleskri platsa? Kau mass was i viechestar, hoi o baro Debleske anlo was, un his i rashajenge kokres, te chan le les. O baro Dewel das les tumende, te hidjrenn i doosh i Israelendar krik, te well lauter pale mishto mank lende un o baro Debleste.

3. Mose 22:16

Te mukenn le wawar Israelitarjen kolestar te chal, anenn le bari doosh ap i Israelitarjen. Me hom o baro Dewel. Un kowa, hoi i Israelitarja mange anenn, hi kokres mange.

3. Mose 22:9

I rashaja hunte rikrenn halauter, hoi lenge penom, te lenn le kek doosh ap pende, un merenn doleske, kai djan le gar o Debleskro koowa jaake trujel, har hunte krans le. Me hom o baro Dewel, un rodom len win, te wenn le mire rashaja.

4. Mose 14:34

Star-deesh diwessa dikan tumen trujel, har ko them hi, un star-deesh bersha hunte hidjrenn tumari doosh: jek bersh hako diweske, te haiwenn tumer har kowa hi, te tserdau miro wast tumendar krik.

4. Mose 16:10

Job mukas tut, o Korach, un tire tsele phralen, kol Levitarja, pash leste te well. Un tumer kamenn kanna ninna rashai te well!

4. Mose 17:13

Un job his tardo mashkral kol mulende un kol djidende. Koi djas koi phagi krik.

4. Mose 17:7

Un har kol tsele menshe trul o Mose un o Aron tardo his, dikan jon pash o Debleskro plachteno kheer. Un ap jek kopo was koi wolka pral o kheer. Un o baro Debleskro railepen was diklo.

4. Mose 18:11

Ninna ko wawar koowa, hoi i Israelitarja mange anenn, dau me tute un tire tchawende un tchende, hako tsireske. Koon gar pale-tchiddo hi an tiro kheer nai chal kolestar.

4. Mose 3:6

“An kol menshen dran o kheer Levi kai! An len glan o rashajeste Aron, te wenn le leske koi.

5. Mose 10:8

Ko tsireske rodas peske o baro Dewel kol murshen dran o kheer Levi win, te hidjrenn jon o mochton, kai o Debleskre deesh laba dren hi, un te wenn jon rashaja un budrenn leske, un rakrenn an leskro lab bacht win pral i menshende. Un kowa krenn le ninna kau diwes.

Hebrearja 13:17

Shunenn ap kolende, kai sikrenn tumen, har te djan ap o Debleskro drom! Krenn kowa, hoi jon tumenge penenna! Lengri budi hi, te denn le jak ap tumende. Un jon hunte penenn o Debleske, har jon kran pengri budi. Djiwenn jaake, te krenn le pengri budi i bachtelo djijeha! Te rowenn jon pral tumende, palle wals kowa tumenge gar mishto.

Hebrearja 4:15

Job, maro baro rashai, haiwell men mishto, un djinella, te hi men kek soor pral o tchilatchepen. Les kamas o beng ninna o Debleskro dromestar tele te anell, jaake har kamell lo men o Debleskro dromestar tele te anell. Jek koowa his an o Jesuseskro djipen wawartchandes har pash mende: Kek tchilatchepen his an leste.

1. Petro 2:24

O tchilatchepen, hoi mer kram, las o Jesus Kristo ap peste, un hidjras les ap o trushel. Har job menge meras, hi kowa jaake, har te meram mer leha. Kanna hi o tchilatchepen an mende mulo. Un mer djiwah nai i latcho un tchatcho djipen. Kol duka, hoi o Jesus ap peste las, kran maro djipen sasto.

Čačepangre 17:12

Un o Micha das les koi budi, te well lo leskro rashai. Un job atchas an o Michaeskro kheer.