4. Mose 16:9 - O Debleskro Drom 2021 (Sinte)

⁹ Hi kowa tumenge gar doha, kai o Israeleskro Dewel tumen win rodas dran i tsele Israelitarja, te wenn pash leste, te krenn tumari budi ap o Debleskro kheer? Tumer nai wenn i tsele menshenge Israel koi.

O Debleskro Lab 2024 (Sinte-Manouche)

⁹ Hi kova t'menge gar doha, kay o Israeleskro Devel t'men vin rodas dran i tsele Israelitarya, te venn pash leste, te krenn t'mari boudi ap o Debleskro kheer? T'mer nay venn i tsele menshenge Israel koy.

4. Mose 16:9 ပူးပေါင်းရင်းမြစ်များ

1. Mose 30:15

“Hi tuke gar doha, te lal mange miro romes mandar krik”, penas i Lea. “Kanna kameh ninna i kamlepaskre phabja miro tchawestar mandar te lell?” Koi penas i Rachel: “Te deh man kolla, sowell o Jakob kai rati pash tute.”

2. Samuel 7:19

Un kanna hi kowa tuke gar doha. Baro Dewel, miro rai, tu penal mange, hoi mire tchawende kameh te dell, ninna an ko tsiro, hoi dur glan mende hi. Un tu mukeh kowa man, i menshes, te djinell.

2. Familjakro liil 35:3

Un job penas ap i Levitarja, kai o baro Debleske koi his, un i tsele menshende an Israel leskro drom sikran: “Anenn o Debleskro mochton, kai o Debleskre deesh laba dren hi, an o Debleskro kheer, hoi mukas o Davideskro tchawo, o Salomo, ko rai pral Israel, te krell. Tumer hunte hidjrenn les buder gar ap tumare phika. Kanna budrenn tumer kate an o kheer tumaro baro Debleske un leskre menshenge Israel.

Nehemia 12:44

An ko tsiro wan mursha win rodedo, kai jak hunte dan ap kol khera, kai o chapen dren anlo was, hoi i Israelitarja jaake hunte dan, har an o Moseskro liil tchinlo his: newo djob un newe rukengre, un o deshto kotar lauterestar, hoi le ap pengri phub trul i forja dren anan. Kowa lauter his i rashajenge un i Levitarenge. Un kol menshe an Juda his bachtelo pral pengre rashaja un Levitarja,

Jesaja 7:13

Kote pre penas o Jesaja: “Shunenn, tumer, kai wenna o Davideskre tchawendar! Hi tumenge gar doha, te krenn menshen khino? Krenn kanna ninna miro Debles khino?

Ezekiel 34:18

hi gar doha, te chan o latcheder senlepen? Hoske stakrenn o wawar senlepen tumare herjentsa khetne? Hi gar doha, te pijenn o djudjo pani? Hoske stakrenn koi dren un krenn les tchiklo?

Ezekiel 44:16

Jon nai wenn an miro kheer dren, un jon wenn pash miri chapaskri, te wenn le mange koi un budrenn mange an miro kheer.

4. Mose 1:53

Kol Levitarja hunte tchiwenn pengre plachtene khera trul o Debleskro plachteno kheer, kai o Debleskre deesh laba dren hi, te denn le garda, te well kek pash o kheer, jaake te well gar miri choli pral i Israelitarja.

4. Mose 16:13

Hi kowa tuke gar doha, kai lal men dran ko them, kai hi bud thud un gwin, un mukeh men te merell an o mulo tato them? Kameh tu ninna rai pral mende te well?

4. Mose 16:8

Un o Mose penas ap o Korach: “Shunenn, tumer Levitarja!

4. Mose 3:6

“An kol menshen dran o kheer Levi kai! An len glan o rashajeste Aron, te wenn le leske koi.

4. Mose 3:9

Un tu aness kol Levitarjen pash o Aron un leskre tchawende. Kowa hi jaake, har te anans len i Israelitarja pash lende, te krans le kolengri budi.

Bičepangre 13:2

His i diwes, kai sharan le o Debles un chan tchi, te wenn le leske feteder koi. Koi penas lenge o Debleskro Ducho: “Bitchrenn o Barnabes un o Saules win, te krenn le koi budi, hoi me len dau. Me dom len gole, te krenn le kowa.”

1. Korintarja 4:3

Mange hi jek, hoi tumer mandar penenna. Ninna kowa, hoi i tchatchepangre mandar penenna, hi mange jek. Me dikau witar gar ap mande te penap mange, har miri budi krom.

5. Mose 10:8

Ko tsireske rodas peske o baro Dewel kol murshen dran o kheer Levi win, te hidjrenn jon o mochton, kai o Debleskre deesh laba dren hi, un te wenn jon rashaja un budrenn leske, un rakrenn an leskro lab bacht win pral i menshende. Un kowa krenn le ninna kau diwes.

1. Samuel 18:23

Un i pralstune budepangre o Saulestar rakran kol laba ap o Davideste. Un o David penas: “Hi tumenge kowa i tikno koowa te well jek o baro rajeskri tchakro rom? Me hom i tchorwelo mursh un gar an-diklo.”